كتاب الأمل 💜
الجزء 57
جلسات على السرير او حطات يديها على راسها كتماصيه مغمضة عينيها
عقاب تكلم هاز حاجبو : كاين شي مشكل خلا راسك يضرك
أسماء طلعات فيه عينيها او ابتاسمات : فحالاش هاد المشكل
عقاب تمشى بهدوء جيهة الفوطوي لي مقابل مع السرير او جلس عليه داير رجل على رجل او شاف فيها : ماجاتش الفرصة نهضرو فشي أمور داكشي علاش غادي نحاولو نوضحوها دابا (هز حاجبو ) نوضحو اولا بلاش
أسماء ابتاسمات: نوضحو
عقاب هز براسو او شاف فرجليه كيحرك فيها : هاد الطريقة ديال الهضرة الناقصة معايا (شاف فيها ) ماصالحاش ، بمعنى تهضري مقاد اولا نقادوها ، بالنسبة الكتاب تقدري تمشي ليه مي هاد الأسبوع ممنوع الخروج حتى من باب القصر ، او نقطة مهمة ممنوع الخروج بلا علمي او داكشي ديال التحدايني مانافعش مفاهمين
أسماء دارت رجل على رجل او ابتاسمات : مفاهمين (ماتيقوهاش البنات)
عقاب وقف : نزلي اتعشاي
أسماء : بالصحة ماعندو ملين يدوز
عقاب هز غير براسو او خرج من البيت غير تسد الباب او هي تهضر
أسماء بهمس: واخا اسي عقاب ، نشوفو هاد القوانين البايخة ديالك فين غادي توصلنا
دخلات وسط الفراش او جرات الغطا عليها باش تنعس
من بعد ما سالا عشاه ، طلع نيشان الجناح ديال أسماء دخل لقاها ناعسة ، مشا الدرسينغ جبد ملابس نوم حينت كانو ديجا جابو البعض من حوايجو لجناح ديالها ، لبس او خرج كتبان ليه فاتحة عينيها ، تمشا جيهة السرير او دخل جنبها او هي قربات منو او دخلات تحت يدو حاطة راسها على صدرو خلاتو متوشي مافهم تا لعبة
أسماء بخفوت : ايلا جا بابا او صونا عليا شنو ندير
عقاب شاف جيهتها : غادي تمشي تستقبليه او تجيبيه القصر ديك الساعة غادي يكون حديث آخر
أسماء طلعات فيه عينيها او هضرات بترجي : بغيتك تكون معايا
عقاب اكتفى بالصمت كيشوف فيها بلاما يهضر او هي زادت تمخشات فيه او غمضات عينيها باش ترجع تنعس مخلياه هو الميموار ديال راسو مخربق ، عاد كانت كتهضر ناقص او ماعاجبها حال او دابا كتهضر بطريقة اخرى ، تنهد او غمض عينيه باش ينعس حتى هو
_______________________
بعد أربع أيام ⬅️⬅️
داخلا فدوى موراها الخدامة جارا ليها باليزتها او هي ضحكتها واصلا حتى الودن ، سعادتها لا تصور فهاذ اللحظة ، تمشات نيشان جيهة الصالون حتى كيبان ليها كلشي مجموع ، أسماء، مريم ، سوسن او راضية
لقات السلام او جلسات كتبتاسم او تنش على راسها
فدوى بتفاخر : دازت تسافيرة دايزها لكلام
راضية ابتاسمات او دوات باستهزاء: حتى الخبار لي غادي تسمعي من بعد دايزها الكلام
فدوى شافت فيها مبتاسمة : هي شي خبار الخير
مريم : كل الخير ابنتي
فدوى وقفات : نطلع نرتاح عياتني الطريق
خرجات من الصالون او مريم شافت فأسماء كتبتاسم : ليوم القصر يتقلب سفاه على علاه
أسماء اكتافات بالصمت كتشوف راسها هي الواجهة فهاد القصة او غادي تلام بزاف من طرف فدوى ، حينت غادي تسمى دات ليها راجلها و ما الى ذلك او ماحاملاش المناكرة ، هاد الأيام غير كتسايس مع عقاب باش دوز الايام على خير كتسنى الغلاط باش حتى ايلا هضرات ماتسماش مامزياناش او كيبان ليها اليوم ملين جات فدوى ، اذن مكاين نعاس
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
