كتاب الأمل 💜
الجزء 27
ياله غادي تفتح الباب او هي تفكر بلي مالابساش ، رجعات لبيت هزات عبايتها لاحتها عليها او شالها فوق راسها ، او مشات فتحاتو
أسماء باستغراب: نعام
الراجل مد ليها ملف : هادا سيفطاتو ليك لالة راضية
أسماء شداتو من عندو كتشوف فيه: شنو هادا
الراجل ماجاوبهاش حدو تمشا غادي فحالو او هي تبعاتو بعينيها مستغربة ، دخلات او سدات الباب راجعة لبلاصتها ، جلسات او حلات الملف كتقرى فيه
كملات قرايتو او ابتاسمات: فكرات فكلشي
صباح يوم جديد 🌤️
فاقت كيف عادتها توضات او صلات صلاتها عاد وجدات فطورها فطرات او نزلات شدات طريقها الكتاب ، وصلات فتحاتو او دخلات هي او العيالات
_______قصر الشريف_____
مجموعين على طابلة الفطور او راضية هي لي مترأسة الطابلة فيمينها عقاب لي جنبو فدوى او شخص آخر كيبان اصغر من عقاب او قدامهم امراة او راجل فالخمسينات من عمرهم ، كياكلو فهدوء حتى تسمع صوت الفورشيط تحطات على الطابلة خلاهم يهزو راسهم او يشوفو فراضية
راضية: عقاب ، شنو درتي فموضوع الإقامة الجديدة لي غادي طلع
عقاب: المهندس باقي خدام على البلان ، مزال ماتقررش وقتاش ايبدى لبني
راضية هزات براسها: مزيان اولدي خاص هاد المشروع يبدى ،(شافت فالمراة ) سوسن ملين تمشي لجمعية ديري لي لاليست ديال الدراري لي ناويين ندخلوهم يقراو القرءان
سوسن هزات براسها: واخا الالة راضية
عقاب رجع كياكل او هضر : شنو موضوع هاد الدراري
راضية تبسمت : واحد الجمعية ديال تحفيظ القرءان جات فحي بوجدور ، عندنا شي وليدات غادي نديوهم يقراو القرءان تما
عقاب شاف فيها او وقف من بلاصتو : الله يعاونك
راضية ابتاسمات: امين ، فين غادي
عقاب : غادي ندوز الاقامة لي قلت بلي وقع فيها سرقة نقاد الكارد تما او انتأكد من كلشي عاد ناوي ندوز الشركة
راضية: بالتوفيق
عقاب ابتاسم ليها او خرج او راضية شافت ففدوى لي كانت كتشوف فيها او ابتاسمات ليها ديك الابتسامة الخاترة ديالها ، كتوصل ليها بلي طال الزمان اولا قصار غادي تخرجي من هاد القصر او نيفك محكوك مع الأرض
___________11:00________
خرجو العيالات او أسماء باقيا جالسة على سداري كتسنى فسيد لي اتاصل بيها يجي ، مدة طويلة عاد سمعات الدقان فالباب ، ابتاسمات او وقفات كتمشى خارجة على برى حتى وصلات الباب ، كيبان ليها راجل لابس جبادور فالرمادي ، جسمو رياضي او ملامحو شرقية خلاتها تشك واش هو لي اتاصل اولا جاب ليها الله
أسماء : انت لي دقيتي
هو شاف فيها بعينيه لي ملونين لونهم رمادي : اه
أسماء بتوتر : مرحبا بيك ، تقدر دخل نهضرو الداخل غادي يكون احسن اسي ....
هو ابتاسم: يوسف
أسماء: مشرفين اسي يوسف ، واش تقدر دخل
يوسف حرك راسو بالنفي: أفضل هنا ، مانقدرش نجلس معاك بوحدنا
أسماء بتفهم : بخاطرك اسي يوسف
يوسف : انت باغيا شي واحد يدرس القرءان ، انا قاري جذع أصيل ، خاتم القرءان حفظا اآنسة او الصراحة محتاج لهاد الخدمة
أسماء هزات براسها : حتى انا محتاجة الخِدمة ديالك اس......(قفزها من مكانها صوت بارد جا من موراها )
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
