كتاب الأمل 💜
الجزء 18
الراجل هز براسو او خرج او أسماء شدات فيها مدخلاها بصمت او راضية كتشوف فداك الكتاب بابتسامة ، أسماء متولة كلشي او دايرا الكتاب فحال دارها ، من ناحية النقى او حتى لفراش داكشي على حقو او طريقو هادشي لي خلا راضية تفرح ، حينت المكان كيبان من مقامها
عاوناتها حتى جلسات على أول سداري او العيالات كيشوفو فيها بفضول او لي شافت فيها كتهز ليها راسها بالسلام او هي كتبتاسم ، أسماء جلسات جنبها او هي كتشوف فيها
أسماء بابتسامة: مرحبا بيك الالة راضية
راضية شافت فيها كتهز براسها او الإبتسامة على محياها كدل على فرحها : ترحب بيك الجنة او ملائكتها ابنتي
أسماء: ربي يخليك
راضية هزات براسها او هي كضور عينيها على الكتاب: تبارك الله عليك كيبان بلي قادة بشغلك او متحكمة فكلشي (شافت فيها)
أسماب وسعات ابتسامتها: حاسبة هاد المكان فحال داري ، او ربي يبارك فيك
راضية هزات براسها : نهضر فالموضوع لي جيت عليه (بتساؤل) عمرك سمعتي بجمعية الشريف
أسماء باستغراب: لا
راضية: هاد الجمعية ديال عائلتنا او حنى كنعاونو الوليدات لي ماعندهمش باش يقراو
أسماء هزات براسها: الصراحة عمرني ماسمعت بيها الالة
راضية: هاد الجمعية ابنتي انا لي مكلفة بيها ، او جيت عندك بنفسي غادي نقدم ليك عرض غادي يزيد بالكتاب ديالك القدام ، او الهدف ديالي مساعدة ندي منها الآجر
أسماء : مرحبا بالفرحات عليا
راضية ابتاسمات: الكتاب ديالك ابنتي دايرا فيه غير العيالات كيقراو القرءان زيد عليها كبير تبارك الله ، انا غادي نجيب ليك تقريبا واحد 50 ديال الدراري او بنات سنهم بين 6 او 13 العام بغيتك ديري ليهم على الأقل يوماين فالأسبوع او خلاصهم من عندي ابنتي
أسماء بقات كتشوف فيها او تنهدات: ماكرهتش ولكن ماعنديش اللي يعاوني او الدراري الصغار صعاب زيد عليها العيالات كيقراو كل يوم كيف غادي ندير نحيد ليهم يوماين
راضية : علاش مادايراش شي بنت لي تعاونك
أسماء: الكتاب عاد عاماين باش تفتح الدخل على قد الحال ، مانلقاش كيفاش نخلص بنت لي تعاوني
راضية ابتاسمات: شوفي ابنتي غير الحل ديال تحيدي يوماين او احسن يكونو السبت او الاحد ، حينت مكيكونوش قاريين او قلبي على لي تعاونك انا نخلصها ، الآجر مع الولاد الصغار احسن من العيالات (ابتاسمات او قربات حدا ودنها كتهضر بهمس) شوفي فيهم كيف قاتلهم الفضول او باغيين يعرفو شكون هاد الغريبة لي جالسة معاك، او كيوشوشو بيناتهم (بعدات عليها او أسماء بدات كتشوف فيهم مافاهماش اش بغات تقصد ليها راضية حتى سمعاتها عاود تكلمات) قريتي بلي ربي كيلعن النمام ، او هادو لي كيقراو القرءان او مجموعين على النميمة عندك هنا كانو غادي يديرو خير فراسهم كون جلسو حضاو ديورهم
أسماء شافت فيها وجهها حمر بالإحراج عمرها ردات البال لهاد النقطة ديال أن العيالات كيتجمعو عندها باش ينممو او هي لي اختارت العيالات على الدراري الصغار حينت ساهل التعامل معاهم
راضية حاولات تخرجها من قوقعة الإحراج او هضرات بهدوء
راضية: لي غادي نجيب ليك غير ملائكة باغيين غير يلعبو مكيعرفوش ينممو فبعضياتهم ، اش قلتي
أسماء دارت يديها على شالها كتقاد فيه بتوتر او كتفكر فالموضوع
😙💜، لالة راضية من عائلة الشريف يعني عقاب يقدر يكون ولدها اولا حيفدها او فنظركم أسماء واش غادي تقبل بعرضها اولا لا 🙄
VOUS LISEZ
كتاب الأمل 📖مكتملة📖
Roman d'amour💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
