كتاب الأمل 💜
الجزء11
من بعد الفطور ، جالسة هي اولالة ثرية لي تسول فيها او تعاود ماقداها فرحة ، أسماء وحدة من أفضل الصديقات لفرح ، عزيزة عليها فحال بنتها او كتعز عليها أكثر بتعاملها الهادئ او تربيتها الحسنة ، او شي لي مخليها فاأفضل مكانة فقلبها هو الحياة لي عاشت ، او مع ذلك حافضت على راسها او مادارتش شي حاجة لي تغضب الله
ثرية(حاطة يدها على يد أسماء او كتدوز عليها بعينيها من الفوق لتحت ) : ههههه كنقول شنو لي مبدل فيك اليوم ، مالاحظتش بلي راك جيتي بلا نقاب
أسماء: فاش درت النقاب قبل مادرتوش باقتناع ، داكشي علاش حيدتو
ثرية : داكشي لي كاين ابنتي الحجاب كافي(جمعات حجبانها بغضب) الله يعطيه مصيبة غصب هاد النوارة فشبابها ، دار ليك كفن او انت فالحياة
أسماء(بهدوء): كنحمد الله او نشكرو خرجت من عندو بأقل الأضرار
ثرية : ايااه ابنتي ، نحمدو الله او نشكروه
.............: السلام عليكم
دارت أسماء او ثرية بزوجهم المصدر الصوت او ردو بصوت واحد : و عليكم السلام
كانت بنت لابسة بيجامة سروال او كيطمة او صندالة صبع فرجليها ، شعرها زعر مطلوق او دايرا ليه بونضو فالأسود سامپل ، قربات عندهم او هي مبتاسمة
سلمات على أسماء بلابيز: مرحباا بيك ، مدة ماشفتك الغزالة
أسماء: ترحب بيك الجنة الحبيبة
.........: أمين (شدات أسماء من يديها او بعدات كتشوف فيها من أخمس رجليها حتى لراسها ) هاي هاااي هادشي زوين ، وقتاش حيدتي النقاب ، جيتي غزالة (بمرح) ليوم تضبري على عريس
أسماء(ابتاسمات على كلامها): عينيك لي زوينين
مشات جلسات قبالتهم مشاركة معاهم الحديث لي كان أغلبو تساؤلات على أحوال أسماء
قاطع حديثهم صوت رجولي عالي خلاهم يتلافتو ليه بسرعة
كان راجل ببنية جسمية قوية لابس تيشرط فالأبيض او سروال جينز
تقدم عندهم بهدوء وصل عند لالة ثرية باس يدها او سلم على أسماء غير براسو ، عاد وصل لماريا(البنت لي دخلات عندهم قبيلة) ابتاسم ليها ابتسامة بالكاد كتبان او جلس حداها
...........: ياكما برزطتكم
ثرية : لا أولدي مابرزطتينا ما والو ، شفتك جيتي بكري ، باقي وقت الغدا ماوصلش
..........: مكاين ميدار ، طليت على الخدامة تما او رجعت ، نيت ماعندي گانة على الخدمة ليوم
ثرية: لي بغيتي أولدي ، دير لي يريحك ، واحد رشيد ماهدرش معاك
............: امم صونا لبارح ، راه بيخير
مارياا: مقالش وقتاش غادي يرجع ؟
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
