كتاب الأمل 💜
الجزء 77
من بعد صلاتها هزات قرءانها او مشات البالكو جلسات على الكرسي او قالت دعاء الفجر عاد فتحاتو كتقرى فيه على الله يطمئن قلبها او بقوة ما هي مخشعة او محتاجة لمساعدة الله ، كملات قراءتها بالبكاء حتى ودن الصبح ، ناضت صلاتو حتى هو او عاد خرجات من الجناح ديالها كتمشى فالكولوار بخطوات صغار حتى وصلات الدروج او مشات نازلة معاهم كتنهد او كتحاول تخلي ملامحها هادئين او ماتبينش الحزن لي طاغي عليهم حتى وصلات الصالون كان خاوي ، جلسات او هي كتشوف قدامها كتسنى تسمع عقاب خارج باش تهضر معاه
مدة كتجاوز نصف ساعة تسمعو خطاويه متاجهين للباب ديال القصر خلاوها توقف من مكانها او خرجات بخطوات سراع حتى وصلات عليه ياله غادي يفتح الباب
أسماء: عقاب
عقاب ضار عندها بهدوء او حجبانو تعقدو إثر سماعو لصوتها او تكلم بصوت عصبي نوعا ما : اش كاين
أسماء تقدمات عندو كلها كترجف : بغيت نهضر معاك
عقاب : مامساليش
أسماء وقفات قدامو او ابتاسمات قامعة خوفها منو لي ماعرفاتوش ملين نزل عليها: انا محتاجة نهضر معاك دابا ، صبرت نهار او ماقدرتش نزيد الثاني
عقاب زير على سنانو : كنقوليك مامساليش او هضرتك ماشي أهم من خدمتي
أسماء ولاو شفايفها كيرجفو او البكية واحلا فجوفها : يعني حتى انا ماشي مهمة ، كتشوف حالتي كيف دايرا او مابغيش تعطيني حتى فرصة نسولك باش نطمن قلبي
عقاب بعصبية : واش ناوية ليوم تنكدي عليا نهاري
أسماء : حشومة عليك اعقاب اش هاد الطريقة وليتي كتهضر بيها معايا واش غلطت معاك فشي حاجة
عقاب بدا كيزير على يديه لي ولاو كيرجفو بالأعصاب غير الشوفة فيها نيرفاتو او تكلم مزير على سنانو : غبببري من قدامي
أسماء عضات شفتها او عطاتو بالظهر راجعة الصالون او دموعها نازلين او رجليها كتمشى عليهم غير بزز مابقاتش قادرة توقف عليهم حتى وصلات الصالون ، بينما هو خرج او زدح الباب ديال القصر بجهد حتى قفزات فدوى من بلاصتها لي كانت كتفرج عليهم من الفوق او كتبتاسم بانتصار فرحانة بهادشي لي دارت او كتقول قريب انتهنى منها او ترجع بلاصتي كيف كانت عند عقاب
صوت خطوات راضية او عكازيها لي كيضرب فالأرض متاجهة لصالون او هي كتسمع فتنخسيس أسماء حتى دخلات عليها ، لقاتها حاطة وسادة على فخاضها او موكية عليها بيديها او كتبكي ، مشات جيهتها او جلسات جنبها
راضية باستغراب: مالك ابنتي
أسماء شافت فيها او زادو دموعها نازلين: ولد ولدك الحاجة مابقاش باغيني ، او كيعدب فيا
راضية زادت استغربات: شنو كتقولي
أسماء مسحات دموعها : هادشي لي كاين
راضية عقدات حجبانها : شرحي ليا راني مافهمتش
أسماء: عقاب هادي ثلث ايام ما جا وجهي فوجهو او ملين هضرت معاه ليوم او بغيت نفهم أش واقع تعصب عليا او قال ليا سيري بعدي مني
راضية : ياكما درتي شي حاجة
أسماء رجعات كتبكي : كون غير درت شي حاجة ، بلا سبب قلب عليا
راضية بدات كطبطب عليها : غير صبري ابنتي عقاب ايلا كانت شاغلا بالو شي حاجة راه كيولي يتعصب على كلشي
أسماء : كنتمنى يكون هادشي لي كاين ، او ماشي شي حاجة اخرى
راضية : مايكون غير الخير ابنتي ، ياله مسحي دموعك او نوضي تفطري ، باش تمشي الكتاب (ابتاسمات) بغيت بنتي أسماء لي منورة القصر بضحكتها ياله
أسماء ابتاسمات ليها بزز او ناضت معاها لطابلة الفطور جالسين بجوج او هي كتشوف قدامها بهدوء او راضية كتشوف فيها تقاضاو ليها الفهامات ، كانت كتشوف علاقتهم زوينة اشنو تغير دابا
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
