كتاب الأمل 💜
الجزء :3
او عاد خرجو نزلو من شارع واحد او كل وحدا ضارت المنزل ديالها
اسماء مشات نيشان لدار جداتها(الأم ديال الأم ديالها ) دخلات من بعد مالقات السلام او جلسات على السداري لي كان فالمراح
كانت جداتها جالسة ديارا نضارات على عينيها او شادا القرءان فيديها كتقرى فيه
الهدوء لي فالمنزل فالمنزل كيجيب الحزن مكاين حتى شي صوت
تنهدات اسماء بصوت مسموع او ناضت لبيت آخر ، هزات منو شكارتها اووجبدات منو كتب ، او بدات كتخدم او تراجع
🌤️ صباح جديد
فاقت أسماء على صوت الخطوات الكثيرة فالمراح ، حكات عينيها بتعب او ناضت من فراشها ، مشات الكوزينة غسلات وجهها او رجعات البيت ، جمعات فراشها دارتو مع (المانطات) او خرجات المراح لقات جداها او حداها خالها الكبير عبد القادر كان لابس فوقية فاللون البيض مخدومة بالأصفر او راسو قرع ، البنية ديالو متوسطة ديال راجل فسن 50 او حداه مراتو لابسة بيجامة طويلة فالاحمر او دايرا زيف فالغوز مغطية شعرها او عنقها او لابسة تقاشر فالأسود واخا فصل الصيف (هادشي طبيعي عند الناس ديال الإخوان المرة كتغطى ، في حالة ما ايلا جا شي راجل على غفلة ، كيتغطاو حتى من بعضهم )
سلمات عليهم فقط بالإلقاء بدون ماتقرب او جلسات كتشوف فيهم ، او هوما كيتبادلو الحديث
ماتجرآتش تهدر حينت مامنحقهاش او مربية على أساس ملين يهدرو الكبار الصغير يسكت
بقات جالسة مدة من بعد ناضت الكوزينة كلات شوية او رجعات البيتها هزات القرءان كتراجع
قاطعها على مراجعتها صوت مرت خالها كتغوت
وقفات من بلاصتها لبسات صندالتها فرجليها او خرجات عندها
كانت فالكوزينة كطيب الغدا
مرت خالها : لبسي عافاك ابنتي او هبطي جيبي ليا الخرقوم راه مالقيتوش او عبد القادر خرج يقضي شي غراض
اسماء : واخا اخالتي
مشات لبيتها هزات عباية فاللون الاسود او لبسات صندالتها خرجات جابت الصخرة من الحانوت او رجعات مداتها ليها
02:00 زوالا
واقفة قدام المراية لي فسطوان كتركب الشوكة فالشال او كتهدر بصوت مسموع
أسماء: هاناااا غادا اجدة ، ايلا جا بابا قولي ليه يدوز عندي يديني من تمااا حينت غادي نهز معايا حتى شكارتي . غادي نتعدب ايلا جيت حتا لهنا عاد مشيناا
جداها (بصوت يكاد يسمع): واخا ابنتي ، او ملين تمشي سلمي على هنية او قوليها شي نهار تجي تشوفني
اسماء : مبلاغ امي
هزات صاكها او نزلات مع الدروج كدردك
سدات وراها الباب او مشات فاتجاه الكتاب
وصلات امام الكتاب لقات البنات واقفين كيف عادتهم كيتبادلو الحديث نضمات ليهم فالحديث من بعدما سلمات عليهم او سولات على احوالهم
جات من بعد الأستادة او دخلو ورها
هزو البونحات اووحطوهم قدام السبورة ، او جلسو فالصف الأول
جبدو دفاتر كانو مغلفين باللون الأبيض او بعض أقلام الحبر او كتبو التاريخ فورقة جديدة
الاستادة كانت واقفة فالصبورة كتكتب او تخطط بعض الخطوط تما بانتباه تام ، كتسنى فالبنات يدخلو باش تبدى الدرس ديالها
بينما البنات كانو جالسين منغامسين فالحديث حتى بدلات مجرى حديثهم
نورة: البنات أنا مكنتش نهار دارت ليكم الأستاذة الدرس ديال المد المتصل عطيوه ليا نكتبو او شي وحدا تشرحو لياا عافاكم
اسماء (مدات ليها الدفتر ): هاكي كتبي او ملين نساليو الدرس ديال اليوم نجلسو او نشرح ليك
هداية: هاجر غادي دير لينا مراجعة ، واقلة نسيتي
اسماء(شافت فهداية) : ماتخافيش الدرس مانفوتش فيه 10 دقائق او هاجر ماغاديش تمانع اني نشرح ليها درس فاتهاا ، او تقدر تشرحو ليها هي بنفسها
هداية : اه لي بان ليكم
كان الكتاب عمر الكل جالس كيشوف جهة السبورة ايلا البنات لي كانو مابين سن6 الى 10 سنوات كانو جالسين او جالسة معاهم استاذة اخرى كدير ليهم التلقين (كتقرى الآية او هوما كيعاودو من موراها )
شرحات المعلمة الدرس ،او ناضو دارو حلقة اخرى كيراجعو او هجار فالرأس ديالهم
05:00 زوالا فالباب ديال الكتاب كان كلشي مشا فحالو الا المعلمة او أسماء لي واقفين فالباب ديال الكتاب كيتسناو الأب ديال أسماء يوصل
المعلمة ماشي مأمن أنها تخليها فبلاصة خاوية او تمشي ، اضطرات توقف حداها او تسنى حتى يجي الأب ديالها
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
