كتاب الأمل 💜
الجزء 20
تخطاتهم او مشات غاديا جيهة الموبل تدخل فحالها اش خاصها بشي فراجة او بنادم لي كان كيتفرج مخرج فيها عينو ، الرجال مبعدين او هي داخلا اش باغيا تصنع ، هادشي لي كان كيضور فبالهم
تمات طالعة مع الدروج او هي كتسمع صوت الغوات او الزديح على الجهد او كونما قربات الصوت كيعلى حتى وصلات الطابق ديالها كيبانو ليها جوج رجال بالكوستيمات واقفين فراس الكولوار او بعيد عليهم شي واحد مليوح فالأرض او كياكل فالدق من عند عقاب لي لابس غير قميجة او عرقان تقول خاويين عليه سطل ديال الماء ، شافت داك المنظر او قلبها تهز من بلاصتو ، ياله غادي تحرك خطاويها ترجع او هي تسمع صوت رجولي هضر
..........: فين غاديا اآنسة
أسماء شافت جيهة مول الصوت لي كان كارد او هضرات : كنت جايا لشقتي
الكارد هضر مع لاخر بعينيه او هو يتم جاي شدها من دراعها او هي بدات كتنتر منو
أسماء: طلقني واش مرضتي (كتجر دراعها) طلق
الكارد لاخر مشا جيهة لي عقاب او هضر بصوت هادئ: سيدي واحد السيدة هنا
عقاب تهز على هاداك لي كان كيضربو او دفعو برجليه بنفضة عاد شاف فالكارد كينفض فيديه: شكادير هنا
الكارد شاف جيهة أسماء لي باقيا مدابزة مع لاخر يطلقها او عقاب حول عينيه فين كيشوف حتى سمع الكارد هضر : قالت بلي جاية لشقتها
عقاب دار يديه فجيابو او حرك خطاويه جيهتها بهدوء حتى وصل عندها كيشوف فيها كيف مامفاكاش بقا شوية او ضرب الكارد
عقاب : تهدني اآنسة
أسماء كانت مدابزة مع لاخر حتى سمعات صوتو لي ماغريبش عليها او هي تشوف فيه بحدة : قول لهاد المرض يطلقني نصل لي دراعي من بلاصتو
عقاب شاف فالكارد: طلقها
الكارد طلقها او هي بدات كتماصي فيديها او حركات خطاويها غادية جيهة شقتها او كتنكر تحت نيفها حتى سمعاتو هضر
عقاب: لفين
أسما ضارت شافت فيه بابتسامة صفرة: لشقتي اسيدي ، واش تسمح ليا
عقاب حرك ليها صبعانو بجوج بمعنى أجي او هي هزات حاجبها : كيفاش
عقاب شاف فالكارد لي جنبو : جيبها
الكارد ديك الساع تحرك من جنبو او رجع ليها جرها من دراعها حتى وقفها قدام عقاب عاد طلقها
عقاب قرب ليها وجهو: ماشي انا لي تقللي عليا الأداب ،ملين انحضر انا هضراتك توزن
أسماء: علاش بالسلامة
عقاب حرك عينيه على الكلوار او رجع شاف فيها : ملين غادي تعاودي نفس التصرف غادي تعرفي علاش
أسماء ربعات يديها او هضرات كتبتاسم ليه باستفزاز: فحالك فحال أيها الناس ،علاش هضرتي خاص توزن قدامك بالضبط
عقاب : الوقت ماشي مناسب(شاف فالراجل لي مرمي فالأرض) كانت حالتك غادي تكون فحال داك السيد
عطاها بالظهر غادي فحالو او الكارد من مورها ، هي ساطت بسخط او رجعات شافت فالسيد لي مرمي فالأرض جبدات تليفونها كتاصل بالإسعاف عطاتهم العنوان او مشات جلسات جنبو قمازي المدة كتجاوز نصف ساعة عاد جاو هزوه داوه عاد دخلات هي لشقتها كتنهد راسها غادي يطرطق بالتفكير او زاد كمل عليها هاد بنادم لي بان ليها فيه التنفاخ بزااف
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
