كتاب الأمل 💜
الجزء 29
ضار غادي يرجع لطنوبيلتو حتى كيوقف عليه السيد لي دا الأسماء الوراق ، شاف فيه او خسر سيفتو
عقاب: شنو تاني
الراجل : اسمح ليا اسيدي ايلا جيت فوقت ماشي مناسب ولكن ملين اعرفتك هنا جيت انستاشرك
عقاب تنهد: واخا دوي
الراجل : السيدة لي قلتي لينا نبدلو ليها العقد ديال الرهن بالكرى جات عندي البارح قالت بلي غادي تخرج من الشقة حينت ماتقدرش على الخلاص ديال الشهر
عقاب فهاد اللحظة جات بين عينيه صورة أسماء نهار كان شادها الكارد او ديك الحدة لي فعينيها ، غمض عينو مزير عليهم بعصبية او فتحهم كيشوف فالراجل
عقاب: رجع العقد لاخر (تما غادي)
ركب فطنوبيلتو او حط يديه على الفولون باغي يديماري او كيشوف قدامو حتى كتبان ليه أسماء جاية من الطرف الثاني ديال الشارع ، بقى متبعها بعينيه او هضر او هو كيتنهد
عقاب: من وقتاش وليتي كدير راسك فشغل العيالات (غمض عينيه كيتنهد) مكانتش عارفاك او هضرات بهاديك الطريقة مكاين لاش التعكس
ساط بسخط او ديمارا الطنوبيل مكسيري من تما ، او الكارد لي كانو باقي واقفين غير تحرك انتاشرو او كل واحد شد البلاصة كيف وصى
أسماء دخلات الشقتها ياله حيدات السپادري سمعات الدقان فالباب ، مشات فتحاتو او هي تهضر : دغيا وجدتي الوراق
الراجل: سمحي ليا امدام داك العقد مكانش ليك غير وقع غلط ، كنعتاذرو
أسماء : ماشي مشكل ،دابا ماغاديش تفسخو عقد الرهن
الراجل حرك راسو بالنفي : لا امدام
أسماء ابتاسمات: مزيان
الراجل هز براسو او تحرك او هي دخلات الدااخل
⬅️⬅️⬅️⬅️⬅️ تسريع الأحداث⚡⚡
▪️بعد أسبوع▪️
واقفة أسماء او يوسف قدام الكتاب من ملامحهم ظاهر أنهم كيتسناو شي شخص ، الصمت سيد الموقف يوسف كيشوف جيهة الشارع او أسماء أيضا او رجليها كتضرب على الأرض بتوتر ، بعد مدة توقفات السيارة لي كتجي فيها راضية او خرج السائق من مكان السياقة
أسماء ابتاسمات او شافت فيوسف لي كان كيشوف جيهة السيارة مصغر عينو : هاهيا جات
يوسف شاف فيها او رجع شاف فالطنوبيل بنفس النظرة ، حتى بانت ليه راضية خارجة من الطنوبيل عاد تأكد بلي شكو فمحلو ، ملامحو تشنجو او يديه زير عليهم قدامو ، او بقى متبعها بعينيه او هي جاية جيهتهم كتشوف فأسماء او كتبتاسم حتى وقفات قدامها عاد تكلمات
راضية: كنظن تعطلت عليك ابنتي
أسماء : شوية مي ماشي مشكل
راضية هزات ليها براسها او شافت جيهة يوسف تشوف هاد الشخص لي غادي يكون مع أسماء ، حتى جمعات ابتسامتها بسرعة او تكلمات : ولدي يوسف
يوسف الصمت مجاوبش
راضية شافت فأسماء: واش هادا لي غادي يعاونك
أسماء بشك : هو واش كاين شي مشكل
راضية رجعات شافت فيوسف: لا مكاين حتى مشكل (حولات عينيها لعندها ) ندخلو نجلسو مكنقدرش نوقف بزاف ابنتي
أسماء شدات فيها معاوناها دخل او يوسف من موراهم حتى وصلو الداخل ، جلسو على السداري او يوسف جاب كرسي او جلس قدامهم كيشوف فراضية
راضية هزات عينيها فيه : كيداير اولدي
يوسف : الحمد لله الحاجة او انت
راضية ابتاسمات: الحمد لله ، علاش اولدي ماجيتيش عندي او قلتي ليا لي وقع ، مشيتي من القصر او خليتينا ماعارفينش فاش غلطنا معاك
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
