كتاب الأمل 💜
الجزء 98
جات عينو فعينيها او عاود نزلهم من عنقها لصدرها لي كان كيطل من الشوميز او تبع التنزيلة حتى وصل لرجليها لي محطوطين على على الطابلة ، حس بالصهدة طلعات معاه او شي حاجة نغزاتو بين رجليه بلع ريقو او طلع فيها عينو لقاها هاد المرة كتشوف فالتلفازة او تكلم بخفوت
عقاب: أسماء كتقلبي على شي حاجة
أسماء شافت فيه بنص عين: فحالاش
عقاب زير على سنانو: شي اغتصاب
أسماء خرجات عينيها زعما مصدومة : علاش أش درت ليك
عقاب نزل عينو كابت غضبو : نوضي من قدامي ماباغيش نغلط فيك
أسماء بصوت حنين فحال ايلا كطنز: علاش اسيدي عقاب
عقاب طلع فيها عينو ببطئ او هو كيحس بقلبو بدا كيضرب او رغبتو اشتدات اتجاهها
او ضرب يدو مع الطابلة بعصبية : تهزي من قدامي
أسماء قفزات مع الدقة او ناضت من قدامو كتسوط ماتنكرش بلي خلعها ، تمشات غاديا جيهة البالكو حتى كتسمعو عاود هضر او هاد المرة كلامو خرج بااح من حلقو
عقاب: فين غاديا
أسماء ضورات ليه راسها : ياك قلتي نحيد من قدامك ، غاديا غير البالكو
عقاب شاف فحوايجها: بهاد الحالة
أسماء: ليل هادا شكون شافني
عقاب زير على سنانو: كنقسم ليك اأسماء او مشت حتى نضت من بلاصتي حتى غادي ندير شي كارثة ندخل عليها الحبس
أسماء ساطت بسخط و ضارت جيهة السرير تخشات وسط منو او تكمشات ، اما هو فرجع عينو قدامو او هز كاس ديال الماء نزل عليه دقة وحدا كيبلل فجوفو لي حس بيه نشف بقوة ماغوت او رجع عاد عينو الپيسي مكمل خدمتو
_________________________________________
توالات الأيام او بعد 12 اليوم او هوما فباريس عاطيين لنخال لبعضياتهم حتى واحد ماباغي يتنازل او يهضر لاخر من غير عقاب لي شي مرات كطير ليه النقشة او كيبدى يغوت عليها ، اليوم حطات الطائرة الخاصة لي جاو فيها فمطار الدار البيضاء ، تمات نازلة هي لولة كتبتاسم او هو موراها بملامح هادئة حتى وقفات الطنوبيل قدامهم ، طلعو بجوج اللور عاد طلع الكارد القدام سايق بيهم فاتجاه القصر
المدة مكانتش طويلة حتى دخلات السيارة القصر او توقفات قدام الباب ، نزلو بزوج كل واحد من جيهة او دق هو فانتظار يتفتح الباب
أسماء جنبو كتحرك فرجليها بسرعة او حسات بشي حاجة عمرات فمها الشي لي خلاها تنغز عقاب لي ياله شاف فيها او هو يتفتح الباب ، ضربات فالخدامة او دخلات كتجري لأقرب حمام ، بينما عقاب تمشى جيهة الصالون مستغرب ، حتى دخل عليهم لقاهم جالسين مجموعين فانتظارو ، لقى السلام او جلس او هي تم جاية رنيم جيهتو كضحك حتى جلسات جنبو معنقة دراعو
رنيم: عمي عقاب توحشتك بزااف
عقاب شاف فيها بهدوء: ياكما ماتهلاوش فيك
رنيم صورات عينيها لجيهة ياسين: اه ياسين ضربني جوج مرات
عقاب عقد حجبانو او شاف فياسين : علاش ضربتيها
ياسين شاف فرنيم باستفزاز : قولي ليه علاش
رنيم بلعات ريقها او بدات كتقرق فعينيها : دخلت كنبقش ليه فبيتو
عقاب بهدوء: بعدي ليه من حوايجو ابنتي
رنيم هزات براسها او هي مخشية فيه او كتشوف فياسين لي كيخنزر فيها باغي ياكلها ، عاد دخلات أسماء مسهوتة ، لقات السلام او جلسات جنبو مادات مجابت فرنيم لي لاسقة فيه
راضية: فين كنتي ابنتي
أسماء: معدتي تقلبات عليا فالطريق الحاجة
*يتبع
ESTÁS LEYENDO
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
