كتاب الأمل 💜
الجزء 52
شد عقاب هو اللول سنا او مد الأسماء لي سنات يديها كيتفتفو او عقاب ملاحظ هادشي ، او غير كيشوف بعينيه مادوى ماتكلم ، عاد سناو نبيل او سوسن كشاهدين
عاد تمو داخلين الخدامات هازين فيديهم الضيافة من كل نوع نزلوها على الطابلة ، تكرمو عليها غير العدول او الباقي حدهم خداو اتاي او القهوة او فرح لي كانت كتمد يديها تهز شي حاجة من الطابلة او تشوف فأسماء لي فيديها كاس ديال أتاي ماحطاتوش گاع ففمها او كتبان فيها ساهية ، او فرح تمضغ او ضحك عليها عرفاتها مخلوعة
من بعد مشاو العدول فحالهم او ناضت راضية من مقامها تمشات جيهة أسماء او عقاب حتى وقفات قدامهم او مدات يديها لعقاب لي شدها باسها او عاود مداتها لأسماء دارت نفس الشي ، او جرات يديها دايراها فوق اليد لي شادة فالعكاس او كتشوف جيهتهم عينيها مغشيين بدموع الفرحة
راضية بسعادة : فرحتي ليوم مكتصورش اولادي ، الله يطول فعشرتكم او مايفرق بيناتكم غير الموت ، او نعيش ان شاء الله حتى نشوف وليداتكم كيضورو عليا فالقصر (شافت جيهة الخدامة لي كانو فالباب او هزات يديها كتشير لوحدا فيهم بمعنى أجي ، حتى وقفات قدامها او مدات ليها بواطة طويلة شداتها من عندها او فتحاتها كتجبد منها براسلي او رجعات البواطة الخدامة او شافت فأسماء ) مدي يدك ابنتي (مدات ليها أسماء يديها او هي بدات كتركبو ليها فيديها او تكلم ) هدية صغيرة من عندي ،(سالات او شافت فيها) جا كلشي مزروب كنت نجيب ليك شي حاجة أفضل
أسماء شافت فالبراسلي لي زين يديها او رجعات شافت فيها بابتسامة : شكرا
راضية هزات براسها او شافت فالخدامات : وجدو طابلة الغداء
الليل 🌑 يا ليل 😂
بنات لي ماعندهمش مع السفالة الجزء لي مور هادا غير نقزوه بلاما تقراوه ، او لي غادي يقراو ليرحم باكم خففو عليا دنوبي 🙂
من الجناح ديال أسماء جالسة ست الحسن لابسة عباية فالبيج او شال على راسها ، وجهها مافيهش نقطة ميكاب او كيبان لونو صفر بالخلعة او فرح حداها غادي تسطى بالضحك على منظرها او هي كتفتف بهاد الحالة
فرح مخلطة هضرة او ضحكة: شوفي ماتخافي مادهشي غير غادي يقصحك شوييية ، مع الوقت تستحلاي ماتبقايش تحسي
أسماء شافت فيها فمها بياض بالخلعة : فرح ماشي وقت ضحكك ، دابا قولي ليا شنو نقدر ندير
فرح كتحاول تحبس ضحكتها : ماغادي ديري والو هو غادي يدير كلشي (جمعات ضحكتها) اجي وقتاش غادي تقولي ليه بلي راك بنت ، خاصو يعرف باش يكايس عليك
أسماء زادت تخلعت : اوفف ماتفكرينيش ، بان ليا غير يدخل انتلقا ليه فالباب او نقوليه راني بنت بشوية عليا
فرح رجعات كضحك : ايلا قدرتي تهضري غير قوليها
أسماء تنهدات او هي كاتشوف فيها كتفكر فحريرتها او مخلوعة لأقصى درجة ، ولا كيبان ليها غير يدخل تبدى تبكي عليه تقولو خلي حتى لمرة اخرى راني مامستاعداش
او هي كتفكر تفتح الباب او هزات راسها كيبان ليها عقاب داخل ، فرح شافتو او هي توقف من بلاصتها غادية جيهة الباب ، هو دخل او هي خرجات او سدات الباب موراها مادوات ماتكلمات ، عقاب شاف فأسماء لي مطلعة فيه عينيها من تعابيرها عرفها متوترة
عقاب بهدوء: ايلا كنت موضية نوضي نصليو
أسماء وقفات او بالخلعة مافكراتش فهضرتها: كتصلي
عقاب جر صلايات من فوق الفوطوي فرشهم او هو كيهضر: مالي كتبان فيا كافر
أسماء الصمت ، بان ليها وقف فمكانو باش يبدى يصلي او هي تمشى جيهتو وقفات موراه
(هخخخخ الجزء الماجي نعيشو مع سفالة سي عقاب 😂)
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
