كتاب الأمل 💜
الجزء 45
أسماء بتباث: كنتمنى حتى انت دخل سوق راسك او تبعد على الصداع
الدري ضحك حتى بانو سنانو المستفين : انت زايدة شوية (غمزها) واتاك الحجاب
أسماء تنهدات او قلبات عينيها متجاهلة كلامو ، هاد النوع مامعاهش المفاهمة ، بينما فرح كانت معاطية مع لاخر كتخرج فيه الأعصاب ديال الطنوبيل لي واحلا ليها الوسط ، لي كان كيهضر مع أسماء شافها ميكات عليه او هو يقرب منها كيشوف فيها باستكشاف او هضر بابتسامة ديال الزيغة : عطينا وقت بغيت ناخد غير النمرة
أسماء شافت فيه : سير اخويا الله يسهل عليك ، واش كنبان ليك من النوع لي كيعطي النوامر
الدري هز حاجبو : شنو زعما بغيتي ديري ليا فيها محجبة او داخلا سوق راسك ، انلقاك كتهزيه غير ب20 درهم جنب الپوطو
أسماء هزات حاجبها مشمأزة : واش كيحساب ليك كلشي فحال عائلتك
الدري خنزر او قرب عندها شد من دراعها او دوا بعصبية : هضرنا زوين بنتي ليا بغيتي طلعي ليا فوق راسي ، يا بالخاطر يا نديك فابور ماتشدي حتى ريال
أسماء غادي تهضر كيبان ليها الدري تجر من الكول ديال حوايجو ، طلعات عينيها كيبان ليها كارد لابس كوستيم كحل او نظاظر على عينيه ، جرو بجهد حتى لاحو على عقاب لي غير وصل عندو ، سبقو بكروشي مرجعو اللور او شاف فأسماء عينيه حمرين بالغضب او هضر بأمر: الطنوبيل
أسماء شافت جيهة فرح لي مزال مشادة مع لاخر: صاحبتي
عقاب شاف فين كتشوف او رجع شاف فالكارد : جر حتى داك ولد الق***حبة
دار الكارد لي قال ليه او جر لاخر لاحو العقاب ، دار ليه تاهو فحال لاخر خلاهم مجبدين عاد شاف فالكارد هز عليا هاد ولاد القح***اب تعلاو فيهم، او طلع الطنوبيل ، فرح ركبات لور ماعارفاش شكون هادو او كتسول فأسماء لي جالسة لقدام او مكتجاوبهاش حدها كتقول ليها سكتي من بعد او نشرح ليك ، الكارد هز الصاشيات دارهم فالكوفر او عقاب طلع فبلاصة السياقة او سد الباب بزعفة ، او بدا كيضور فالساروت يديه كيترعدو بالأعصاب شوية او يهرس الساروت ، كسيرا من تما شاد الطريق او هضر بغضب
عقاب: شنوو كديري هنا
أسماء : عندي غراضي (شافت فيه )مالك كتغوت
عقاب شاف فيها او رجع كيشوف فالطريق : علاش واقفين تما مااافهمتش
أسماء دارت يديها تحت ناضرها ماناقصهاش صداع او زاد كمل عليها عقاب بهاد الغوات ، او ماعارفاش حتى علاش كيغوت او لاش هاد ردة الفعل كاملا
أسماء: الطنوبيل واحلا او وقفنا ، انت شكنتي كدير هنا
عقاب تنهد بسخط او هضر : جاي من الشركة حتى كيبان ليا بنادم واقف عليكم،(زير على الفولون) ملين ماقتلتوش راني مادرت والو
اسماء باستهزاء : دبانة هو غادي تقتلو
عقاب الصمت او فرح لي كانت لور كتشوف فيهم مطلعة حجبانها ، ولاو كيبانو ليها فحال شي كوپل مخاصمين ، ضحكات او هضرات
فرح : أسماء ماعرفتيناش
عقاب طلع عينو كيشوف فيها من المراية او زاد عقد حجبانو : صاحبتك هادي
أسماء : امم
فرح شافت فيه او ضحكات : او انت زوجها المستقبالي ياك
عقاب باستهزاء : ان شاء الله
أسماء خرجات عينيها : كيفاش
عقاب شاف فيها او رجع عينو الطريق:الموضوع ماشي ديال الطنوبيل حتى القصر او نوضحو شي أمور
فرح بحماس : واش كتهضر بصااح
عقاب شاف فيها تاني من المراية : ايلا بغات صاحبتك(شاف فأسماء) حينت راسها قاصح
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
