كتاب الأمل 💜
الجزء 50
مشات المول او جلسات كتختار باش تشري ماتلبس او الكارد تابعها فينما مشات موفر ليها الحماية باش مايقرب منها حتى واحد ، او هي واخا ديرونجاها مالقات ماتقول حدها خدات لي بغات او خلصات من جيبها ماقاصتش الكارط بونكير او خرجو عاود ركبات فالطنوبيل او كسيرا ، الوجهة القصر
غير دخلات مع القصر كتبان ليها فدوى لابسة واحد الكسوة حدها الركبة او الميكاب فوجهها او شعرها مسرحاه او فيديها صاك او موراها خدامة جارة ليها باليزة صغيرة ، استغربات او هي تهضر مخاطبة فدوى
أسماء: مسافرة
فدوى شافت فيها كتبتاسم : عقاب طلق سراحي او خلاني نمشي فين بغيت ، داكشي علاش بغيت انستاغل الفرصة قبل مايغير رأيو (ضحكات) او قررت نمشي ندوز شي أسبوع فألمانيا
أسماء ابتاسمات ليها هازة حجبانها او كتشوف ففدوى لي كضحك ماقاداها فرحة
أسماء حركات شفايفها بهمس: بان ليا مراتو مافراسهاش غادي يتزوج عليها
فدوى تخطاتها كتعيوج حتى خرجات من القصر او هي تحركات الصالون حينت تما فين كتكون راضية حتى دخلات عليهم كتلقى فرح او راضية شادين تقرقيب الناب على واحد الكاس ديال القهوة ، او فرح كاسرة الدنيا بضحكها ، لقات السلام او جلسات او هي تشوف فيها راضية
راضية : على سلامتك ابنتي
أسماء هزات براسها : الله يسلمك (شافت ففرح ) شفتك باقيا هنا
فرح ضحكات : حتى نحضر لضريب الصداق ديالك عاد غادي نمشي إن شاء الله
أسماء هزات حجبانها : ملين وصلك الخبار
فرح شافت فراضية : الحاجة هي لي قالت ليا بلي قبلتي
أسماء شافت فراضية او هي تهضر راضية كتبتاسم: ولدي عقاب لي قالها ليا
أسماء اكتافات بالصمت او حناكها توردو او حسات براسها توترات ، رجعات تاني فرح كضحك او تهضر او راضية شادة معاها حتى هي عجبها طبعها او الهضرة معاها بحلاوتها حتى وجد الغدا ، تغداو غير بثلاثة من بعد راضية مشات الجناح ديالها بمبرر باغيا تنعس ترتاح او أسماء او فرح خرجو الجردة لي كانت فيها جلسة بالفوطويات او ضاير بيها الورد جلسو تما او جابو ليهم العاصير ، كيتنشواو عليه او يتحدثتو ناسيين الوقت حتى تعاشات العشية او هي تبان الطنوبيل ديال عقاب داخلا ، توقفات او نزل كيف عادتو بهدوء او مد السوارت الكارد او تمشى غادي جيهة الباب حتى نادات فرح بصوت عالي
فرح : سي عقاااب
عقاب شاف جيهة الصوت كتبان ليه فرح كضحك او أسماء كتشوف جيهتها باين كتعاتبها ،دار يديه فجيابو او حرك خطاويه جيهتهم فهدوء حتى وصل عندهم او هو يجلس على الفوطوي قدامهم كيشوف فأسماء ، او رجع شاف ففرح
عقاب: صافا
فرح جغمات من كاس العاصير : الحمد لله (شافت فاسماء او رجعات شافت فيه ) غير بغيت نبارك ليك انت او صاحبتي ، الله يسهل عليكم (ضحكات) او يرزقكم ربي بالذرية الصالحة
عقاب هز براسو: أمين ، العقبة ليك
فرح تنهدات : خاص غير يتقى فيا وجه الله
عقاب حدو عقد حجبانو باستغراب مافهمش كلامها او أسماء لي كانت كتخنزر فيها ملامحها طلقو او ضحكات على كلامها مخلية عقاب مقنصها بعينيه لي تبشرو اثر رؤيتو لإبتسامتها
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
