كتاب الأمل 💜
الجزء 48
عقاب هز براسو او فتح الباب ديال الجناح ديالو او دخل او هي عاد تنهدات براحة او دخلات سدات موراها الباب عاد بدات كتحيد فحوايجها باش تبدل
عند عقاب لي غير دخل لقى فدوى جالسة على السرير بشوميز او كتشوف فيه مخنزرة
فدوى هازا حاجبها : معامن كنتي كتهضر
عقاب بدا كيحيد فالتيشرط : علاش كتسولي
فدوى وقفات جاية جيهتو: سمعت صوت شي بنت
عقاب باستهزاء: ياكما خايفة نبدلك بشي خدامة
فدوى حطات يديها على صدرو العاري كدوز عليه بصبعانها او عينيها فعينيه ، او هضرات بابتسامة : لا
عقاب طلع فيها حجبانو باغي يعرف اش كدير حتى بدات كتعلى على صباع رجليها او كتقرب وجهها من وجهو حتى حطات شفايفها على جنب فمو، او كتسوط عليه بنفسها السخون او هو واقف بصمود مكيدير حتى ردة فعل ، زادت حركات شفايفها حتى تحطو على شفايفو او باستو بوسة سطحية باش تباشر فتقبيلو ، مي مكتلقى منو حتى تجاوب ، الش لي خلاها بعدات عليه مستغربة او هضرات
فدوى :واش ماتوحشتينيش ، اسبوع ماقربتي ليا
عقاب تخطاها غادي السرير : ماعنديش الگانة
فدوى تبعاتو بعينيها مستغربة او صدرها كيطلع او ينزل بالأعصاب ، اش هاد التصرفات ولا كيدير معاها ، تنهدات او مشات حتى هي دخلات جنبو عاطياه بالظهر ، بينما عقاب كان داير يديه تحت رقبتو او فاتح عينيه كيشوف فالسقف كيفكر ، واش كاين شي راجل كيرفض الجنس ، ياك هي أكبر متعة عند أي شخص ......كيصدها فأي مرة حاولات تقرب منو حينت باختصار مابقاتش مقنعاه ، او ولا باغي ماحسن او الراجل ديما كيقلب على متعة جديدة او جسم جديد او احساس جديد ، هادا هو الأمر او ما فيه ، او هو كيفكر فالموضوع طاحت صورة أسماء بين عينيه او هو يسدهم كيتنهد ، تحمس بزاف الموضوع الزواج ، او ولا متشوق يجرب المتعة معاها ، فتح عينو بسرعة او تكلم بهمس
عقاب: استغفر الله العظيم
رجع غمض عينو كيحاول ينعس او يخوي راسو من التفكير
بينما فجناح أسماء كان الغطا طالع حتى لعنقها كيبان غير راسها او الضوء ديال الفيوز مشعول ، كتشوف فنقطة وحدا ساهية او كتفكر ، ماعرفات واش تقبل اولا لا ، كتشوف راسها ايلا قبلات غادي تظلم فدوى لي هي مراتو ، مي ملين كتعمق كتقول بلي بيناتهم مشاكل او مامفاهمينش ، يعني راه ماغاديش دخل بيناتهم او تخسر علاقتهم ، او من ناحية اخرى أنها محتاجة لهاد الزواج او هي فأمس الحاجة ليه او غادي تكون حمارة ايلا رفضات عرض جا حتى البين يديها او موحال يعاود يتطرح عليها ، تنهدات او تقلبات على جنبها لاخر كتضور فعينيها او مزال تفكيرها غارق ماعارفة مادير ، غمضات عينيها او بدات كتقرى فآية الكرسي فسرها او كدعي سيدي ربي يوريها الطريق الصحيح حينت بصح تلفات او ماعرفاات مادير
صباح جديد 🌤️
فاقت توضات او صلات عاد مشات البلاكار كتختار فحوايج لي غادي تلبس ، هزات عباية سوداء مع شال فنفس اللون او طالون فالبيج ، هزات صويكها دارت فيه تليفونها عاد تمشات خاجة من البيت ، تمشات مع الكولوار حتى وصلات الدروج او هي تسمع صوت فدوى موراها
فدوى : أسماء
أسماء قلبها بدا كيضرب من التوتر، ضارت عندها بالعرض البطيئ او رسمات ابتسامة على شفايفها : الصباح النور
فدوى كتمشى جيهتها : صباح النور
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
