كتاب الأمل 💜
الجزء 34
هزات عينيها شافت فالخدامة لي ياله وصلات فيديها طبسيل او بدلات نبرتها الهدوء : دي ضيفتنا الجناح لي وصيتكم تنقيوه باش ترتاح (شافت فأسماء) تبعيها ابنتي
أسماء هزات براسها او شافت فعقاب لي قالب وجهو بعصبية غادي يتفرگع مافيهاش تنهدات او دازت من موراه خلاتو يتلفت او يتبعها بعينيه حتى خرجات من الصالون او عاد ضار جيهة راضية كيشوف فيها او كيحاول يتهدن حينت خاصو يعرف علااش وقع
عقاب : علاش هادشي
راضية وقفات من بلاصتها باستعانة عكازها او شافت فيه : من بعد غادي تعرف ، حينت هادا ماشي الوقت المناسب
تمشات مخطياه او سوسن وقفات حتى هي من بلاصتها تبعاتها ، هو رجع جلس على كرسي او شاف فعمو
عقاب : حاس بلي الميمة كتبلاني لشي حاجة
عمو جر طبسيلو كيحط فيه الماكلة او كيهضر : من ديما معروف عليها مكدير شي حاجة حتى كيكون عندها سبب مقنع (طلع فيه عينو ) او انت غادي تصبر حتى يبان كلشي
عقاب جر حتى هو طبسيل كيقاد ماكلتو : فين ياسين
عمو ضحك: فعطلة
عقاب شاف فيه : شكون عطاها ليه
العم هز فيه عينو : لالة راضية (ابتاسم ) شكيت لالة راضية كتفكر تزوجك مرة ثانية
عقاب ابتاسم جنب: بأسماء
العم : فحال هاكداك
عقاب دار اللقمة ففمو او شاف فعمو كيمدغ بلاما يجاوب اولا يزيد كلمة على هضرتهم
فجناح راضية ، مستلقية على السرير او سوسن جنبها كتعبر ليها فالطونسيو او تهضر
سوسن : حاولي على راسك الحاجة
راضية كتنهد : غادي يقتلني مافيهاش الشك ، كلشي على ودو او شوفي كيف كيتنفخ او يعلي عليا فصوتو
سوسن شافت فيها : خودي شهيق زفير ، خليني نعبر ليك الحاجة ،رخفي النفس فيك
دارت راضية لي قالت ليها ، ملين سالات حطات جنبها الماطريال او هضرات معاها : قولي ليا الحاجة ياك كثيقي فيا علاش حرقتي العمارات
راضية شافت فيها او ابتاسمات: فضولك مابغاش يبعد عليك
سوسن بثقة : ولكن كنكتم السر
راضية ضحكات : غا نوضي ابنتي شي حاجة بين جوج دالناس مكتبقاش سر ، او اللسان مافيه عظم او هادشي منأمنكش عليه
سوسن باست ليها يديها : الله يطول لينا فعمرك لاما قولي ليا راه ماغاديش يجيني النعاس الليل كامل
راضية تنهدات : حرقتهم باش تبقى أسماء هنا
سوسن باستغراب: علاش
راضية ضحكات او هي كتشوف قدامها : بغيت نجمعها بعقاب
سوسن ملامحها تبدلو الاستفهام : بغيتي تقصدي تزوجيهم (راضية شافت فيها او هزات راسها بالإيجاب او هي كملات كلامها ) ولكن هو مزوج
راضية : ديك اللفعة ديال فدوى ، مابغيتهاش لولدي
سوسن : يهديك الله الحاجة
راضية بعينين حادين : انا عارفة اش كندير او ديك اللفعة انا لي عارفاها علاياش طاوية ، غادي يجي النهار لي توقفي على هضرتي او تقولي معامن كنا عايشين
سوسن: انت تعرفي الحاجة
راضية : اجي مادويتيش مع مريم
سوسن : هضرنا البارح
راضية : وقتاش ناوية تجي ، حاضيا ليا غير الدوران حتى هي ترجع باراك عليها
سوسن : انت عارفة الحاجة من نهار مات عبد الخالق او هي مكتقدرش تجلس فالقصر او كتحس بيه خاوي بلا بيه
راضية : لا مشا عبد الخالق راه كاين ولدها عقاب تجي تجلس هنا على ودو (ابتاسمات) بغيت حتى عقاب يبغي او يعيش مع مراتو كيفما عاش ولدي عبد الخالق مع مريم او انت مع ولدي نبيل ، بغيت نشوف قصة جديدة فهاد القصر،مابغيتش تشتت من بعد حينت الزواج لي كيكون بلا حب ديما كتكون فيه التعاسة او انا مابغيتش قصر الشريف يعيش التعاسة من بعد موتي
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
