كتاب الأمل 💜
الجزء 23
فدوى قلبات طريقها راجعة لبيتها دارت مناقص من شي كوزينة او راضية لي كانت ياله وصلات لراس الكولوار ضارت شافت جيهتها او رجعات مكملة خطاويها كتهضر بهمس
راضية: راضية كبرات جيل على قدو او تحكمات فمستقبالو او سيرات عائلة فيها اكتر من 40 شخص او زوجتهم او سكنتهم ،ماغاديش تجي وحدا ياله عرفات بلي رقم 13 هو الوحدة بعد الظهر او تبغي تلعبها عليا او تسير ليا البكر ديال العائلة على يدها
(ضحكات جنب او كملات طريقها )
عند فدوى لي طلعات لفوق غير قربات الجناح ديالها بدات كتحاول الدمع ، او بقات حتى هبطات الدموع عاد دخلات الجناح كتنخسس ، جلسات على الفوطوي كتشوف فعقاب لي شاد الپيسي حاطو على كرشو كيطاپي عليه ، سمع صوت بكاها او هو يهز راسو فيها
عقاب : مالك
فدوى قلبات عينيها جنب او كملات بكاها ، او عقاب سد الپيسي حطو جنب او تمشا جيهتها كيتفحصها بعينو يشوف واش مضروبة حتى وقف قدامها
عقاب منزل ليها عينو: شكون غوت عليك عوتاني
فدوى تفركعات بالبكى لي يشافها يقول ضربوها او بدات كتهضر او الكلمات كيوحلو فجوفها : جداك تلاقاتني فالطريق او عايراتني ماخلات فيا غير اللي نسات (شافت فيه دموعها نازلين شلال) عمرني قللت عليها الأداب او انت كتشوف كلشي على عينيك او حينت عارفاها ماباغيانيش وليت ماكنحديهاش غير باش ماتقولش شي حاجة ضرني فخاطري ، او دابا مدرت ليها والو او عايراتني كتقول عليا مافيديش او غير تيتي نيني ، لا قراية لا خدمة لا ولاد نربيهم ، ياك انت لي قلتي ليا نهار تزوجنا ، فدوى حدك القصر اولا بغيتي تخرجي الا بإذني اولا فجنبي او كلشي نوفرو ليك ، قلتيها او لا ماقلتيهاش
عقاب نزل جلس قمازي او بدى كيمسح ليها فدموعها او هو كيشوف فعينيها لي مدمعين : ماتبكيش هادشي ماخاصوش يبكيك ، الميمة عندها نفس على هاد العائلة او باغياها تبقى فأحسن صورة ، ماعرفتش شنو لي خلاك تبكي لهاد الدرجة
فدوى كتشهق: قالت ليا ماعندك ولاد تربيهم (شدات فيدو) عقاب خلينا نولدو شي وليد يعمر القصر او نخليو حتى جداك تنساني عليها ، يقدر يكون السبب لي مخليها ماباغيانيش هو اننا مدة طويلة او حنى مزوجين او ماولدناش
عقاب شاف فيديها او هزها باسها : ماشي وقتو افدوى ، الدراري الصغار مسؤولية او انا كنشوف راسي مزال ماقادرش عليها
فدوى : انت هاز عائلة او ماتقدرش على ولد يعمر عليها القصر ببكاه او ضحكو
عقاب هز براسو: ماكرهتش ولكن ماشي وقتو ، انت كتشوفي انا دابا غارق فالخدمة او المشاكل من كل جيه او لا حملتي راه غادي نقصر من جيهتك او ماغاديش تلقاي لي يوقف معاك فالحمل
فدوى زادت كتبكي اكتر: انت باغي تزوج عليا داكشي علاش ماباغيش ولد مني ، (ضورات راسها كتشوف جنب) قالتها جداك (شافت فيه كدمع) قالت ليا غادي نجيب لولدي عقاب لالات البنات لي تولد حفيد لعائلة الشريف او يهز بإسمنا الفوق ، فحال ايلا انا مانستاهلش نكون أم الحفيد البكر لهاد العائلة
KAMU SEDANG MEMBACA
كتاب الأمل 📖مكتملة📖
Romansa💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
