كتاب الأمل 💜
الجزء 93
أسماء حلات عينيها على جهدهم او هي كاتشوف فالتليفون مشتت فالأرض او هضرات
أسماء: واش مرضتي علاش هرستيه
عقاب تمشى خارج: ماعندك ماديري بيه
أسماء وقفات من بلاصتها معصبة : اش هاد المرض الخاوي عوتاني اش دار ليك التليفون تهرسو
عقاب ضور ليها راسو على ملامحو الهدوء: رجعي جلسي فبلاصتك
أسماء بعصبية : اشنو تاني ياكما باغي تبدى تطبق عليا الحكام ديال هادي لا الخروج لا ...
عقاب قاطعها ب: كتقلبي نقطعو الوراق
أسماء تمشات جيهتو كتهضر باغيا الطرطق مابغاتش تسرط ليها هرس التليفون بلا سبب او ماباغيش حتى يعطي مبرر : انت لي بديتي فتقطاع الوراق ، علاش مهرس المرض اش دار ليك
كانت وقفات مقابلة معاه كتشوف فيه بحدة او هو دوك التخنزيرات لي كدير فيه مكيحملهمش فيها كتخلي دمو يغلي حينت كيبغيها تطيعو ، قرب وجهو منها او تكلم بهدوء عكس الداخل ديالو: باش انتهناو من رشيد او لي فحالو
أسماء باستغراب: كيفاش رشيد او لي فحالو
عقاب : باقي نلقاك كتهضري مع شي حد كيف ما بغى يكون غادي تكون هضرة اخرى ، او داك التليفون لي مخصر ليا النهار من صباحو هاحنا تهنينا منو (خنزر فيها) سيري تجلسي ماتزيديش تشعليني اكتر
أسماء خسرات سيفتها : مريض انت كل مرة گانتك فشكل مرة تهضر زوين مرة راك كتغوت فحال شي مسطي
عقاب تمشى خارج : انرجعو عاد انتفاهمو على هاد مسطي
خرج او زدح الباب موراه حتى قفزات او رجعات الفوطويات كتخنزر او تهضر تحت نيفها او تغبن: اش دار ليه التليفون مشخشو (شافت فيه مليوح فالأرض او حسات بالحكرة بغات تموت)
رجعات عينيها قدامها كتشوف فديك التلفازة او تغبن
بقات على جلستها كتفرج حتى تسمع الفيكس ناضت هزاتو او ردات ، كان المطعم كيسولوها واش بغات تغدى طلبات لي بغات او رجعات البلاصتها جلسات حتى تسمع الدقان ، لبسات عبايتها او حطات الشال على راسها ، فتحات الباب خدات من عند الموظف الپلاطو او تكلمات بالفرنسية
أسماء: شحال فالساعة
الموظف شاف فساعة فيدو : 2:00
أسماء هزات براسها او دخلات حطات داك الپلاطو على الطابلة او مشات توضات او صلات الظهر عاد جلسات كتاكل او تنهد ، ساطت فكلشي ماخلات حتى حاجة عاد تكات بظهرها على الفوطوي كتنفس كتحس بالتخمة
أسماء بهمس: ايي كليت بزاف
طلات على البلاطو خاوي او هزات الكاس ديال الماء شرباتو او حطاتو على الطابلة كتنهد او رجعات كتشوف فالتلفازة حتى ماحسات براسها كانت داتها عينيها او دخلات فسبات عميق ، ناعسة على الفوطوي او رجليها مسرحاهم او ديك الكسوة ولا شي طالع شي هابط بسباب تحركاتها الكثيرة فالنوم
*يتبع
CITEȘTI
كتاب الأمل 📖مكتملة📖
Dragoste💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
