كتاب الأمل 💜
الجزء 64
نرجعو الجردة ، شادة التليفون فيديها او كتشوف فعقاب لي كيهز ليها بحاجبو او كيحاول يكلاميها بالسكات حتى تسمع صوت باها من الهاتف
الأب: ألو
أسماء شفايفها كيرجفو: ألو بابا
الأب: غدا راني غادي نكون فكازا تعرضي ليا فالمحطة او ديري بحساب جاي معايا ضيف
أسماء عضات شفتها او تكلمات: واخا مرحبا بيك ، ولكن شكون هاد الضيف
الأب : حتى نجي او غادي تعرفيه (قطع)
أسماء شافت بلي تقطع الخط او هو يطيح ليها التليفون من يديها حينت كانت حابسة رجفتها غير بزز او دموعها بداو نازلين او هي كتشوف فعقاب او تهضر ، صوتها مخلط بالبكى
أسماء: صافي جاي ، انا ماغاديش نقدر نمشي بوحدي (شدات فيدو) عافاك اعقاب ياله معايا ، انا دابا محتاجة ليك
عقاب كيشوف فيها بكاها وصل القلبو او ديك الرجفة لي فيديها او هي شادة فيه توشاتو ، شنو الحاجة لي تقدر تخلي بنت تخاف من باها لهاد الدرجة ، جرها بشوية عندو او عنقها كيطبطب عليها او تكلم بهدوء
عقاب: انا معاك ، مكاين لاش هاد الخوف
أسماء زيرات على حوايجو بيديها او تكلمات باقي صوتها كيرجف: كنشكر الله ليل ونهار حينت جيتي فطريقي (بعدات عليه ) ياربي يخليك ديما فجنبي حينت ماغاديش انتحمل ، الشخص لي حسيتو سند ديالي يمشي او يخليني
عقاب بدا كيدوز يدو على راسها او كيحاول يكالميها حينت لا بقات كترجف فحال هاكدا غادي يوقع ليها فحال المرة لي فاتت او غادي تغيب تاني
عقاب: صافي تهدني ، كنقولك بلي انا معاك ، مكاين لاش الخوف واخا
أسماء باقيا كتبكي او كتهز ليه براسها او هو كيحرك راسو بمعنى تهدني ، حتى سكتات او حس بيها تهدنات او عاود تكلم
عقاب: دابا طلعي لبيتك نعسي واخا او غدا رجلي برجليك عند باك صافي
أسماء شدات فيديه: غادي طلع معايا ، عافاك
عقاب هز براسو او تمشاو راجعين لداخل ، طلعو الجناح او أسماء بدلات حوايجها او دخلات فالفراش او هو جالس فطرف السرير كيدوز على شعرها او هو كيشوف قدامو ساهي ، او هي نفس الشيء حتى تكلمات
أسماء: فين مشيتي البارح ملين خرجتي من عندي
عقاب شاف فيها او هز حاجبو: علاش كتسولي
أسماء طلعات فيه غير عينيها بواحد النظرة طفولية او تكلمات بخفوت: غير الفضول
عقاب هز براسو او سكت مجاوبهاش او هي عاود تكلمات
أسماء: ماغاديش تقول ليا
عقاب شاف فيها او تكلم بهدوء: عند فدوى ، حينت انت امدام طمعتيني او فالأخير قلتي ليا حگا فيا الحيض
أسماء عوجات فمها : مكتاب ربي مالي درتها بلعاني
عقاب شاف فيها : مافهمتش واش انت عفوية او لا هادو فيك فعايل ، فحياتي عمري تخيلت شي وحدا محجبة او عارفة بينها او بين الله او فيها هاد الأفعال
أسماء عنقات يدو : اشمن فعايل راه مادرتهاش بلعاني
عقاب تنهد: واخا نعسي راني بغيت نبدل حوايجي حتى انا نعس
أسماء طلقات يدو : نوض بدل
عقاب: نعسي أ أسماء ، راك بديتي طلعي ليا الدم
أسماء: باغي تمشي عندها ياك
عقاب هز حاجبو: كيفاش
أسماء: تمشي تبات مع فدوى
عقاب بقى غير كيشوف فيها مادوى ماتكلم حتى عاود هضرات هي
أسماء: غير خليك بات معايا اليوم
عقاب تنهد او ناض بدل او رجع دخل جنبها عاد رتاحت او نعسات
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
