كتاب الأمل 💜
الجزء 47
أسماء شافت فيها بدون تعبير ، عقلها واقف ، حتى من التفكير ماقدراتش تفكر ، وقفات من بلاصتها او تمات خارجة من الجناح خلاتهم متبعين ليها العين حتى سدات الباب
راضية شافت فعقاب كتبتاسم : الله يكمل عليكم بالخير اولدي
عقاب وقف : خلي هاد الدعوة حتى تقبل
تمشى حتى هو خرج ، او راضية كتبتاسم ماقاداها فرحة ، كيبان ليها بلي اهم جزء حققاتو باقيا غير أسماء لي حالها ساهل
أسماء لي خرجات من عندهم نيشان لعند فرح ، لقاتها سارحة العجول ، جلسات على طرف السرير او بدات كتحرك فيها او تنادي بإسمها ، حتى حلات عينيها ، شافت فيها او هي تنوض جالسة ، عينيها ساداهم شوية على ود الضوء ديال البيت او هضرات
فرح : مالك
أسماء شدات من كتافها كديها او تجيبها او هي مخرجة فيها عينيها : صحصحي بعداا ، الموضوع مهم
فرح غمضات عينيها مزيرة عليهم او حركات راسها بسرعة عاد فتحات عينيها كتشوف فأسماء بجدية : هانا ياله هضري
أسماء : عقاب
فرح : مالو
أسماء : احم باغي يتزوج بيا
فرح ضحكات بسعادة : حلفي بالله
أسماء بطفولية : والله
فرح تلاحت عليها بتعنيقة او كتهضر صوتها مخلط بالضحكة : لاهيلا مبرووووك فرحت ليك (بعدات عليها ) ايه وقتاش ضريب الصداق ،(هزات حجبانها) حاولي تزربي قبل مايجي باك
أسماء : راه مزال ماقبلتش
فرح خرجات عينيها : كيفاااش
أسماء هزات براسها : هو غير فاتحني فالموضوع قدام جداتو او انا مارديت عليه بوالو
فرح بجدية : قبلي اصاحبتي ، والله او قلتي اللا حتى نقلب عليك ماتبقايش تهضري معايا
أسماء: من نيتك
فرح هزات براسها كتأكد كلامها : دويت ، شوفي سيد بخيرو غادي تعيشي فالعز معاه (ضحكات) او بوگوص ، او الشخصية يا لالة ، زيد عليها باينة فيه باغيك ، ماشفتيهش قبيلة كيف كان كيغوت فالطنوبيل
أسماء خسرات سيفتها : مزوج اصاحبتي
فرح هزات بكتافها: فين المشكل ، قادر على الزواج خليه يدير حتى عشرة
أسماء ضحكات باستهزاء: من نيتك اختي ، شكون هادي لي تبغي تشارك راجلها مع وحدا اخرى
فرح : شوفي مايهمش توزوجي بيه ، فكي مشكلتك مع باك باش يقطع ياسو انه يزوجك اولا مارتاحيتيش معاه طلبي الطلاق
أسماء تنهدات : كنحس بيك كتخربقي عليا ، كون كنتي فبلاصتي ماتقوليش هاد الهضرة
فرح بترجي :قبلي الله يحفضك ، انا متأكدة ماغاديش تندمي على هاد الزواج ، واش باغيا تبقاي حياتك كاملا هاكدا امم ، واش سحاب ليك هادا غادي تعيشي معاه فحال كيف عشتي مع لاخر مسالي ماقدرش يفض بكرتك او عشتي معاه عام فحال بنتو
أسماء بقات غير كتشوف فيها او كضور فهضرتها فراسها ، نسبيا كتشوف بلي عندها الحق ، تزعم او ربي يدير تاويل دالخير وقفات من بلاصتها
أسماء: تصبحي على خير (تمشات جيهة الباب)
فرح تقادات فبلاصتها : او انت بخير
خرجات من عندها او ضارت مع الكولوار غاديا الجناح ديالها او هي كتفكر حتى وصلات فتحات الباب غادي دخل حتى كتسمع صوتو موراها
عقاب : فين كنتي
أسماء شافت فيه او تكلمات بتوتر: عند فرح
ياله البنات بقات لينا غير هاد قاصحة الراس تقبل تزوج بيه او ها القصر شعلات فيه العافية 😂😂 ايي تحمست لزواجهم ، ايوا قلو ليا بغيتو تحضرو على الدخلة ديالهم او لا نطفيو الضوء 😶
VOUS LISEZ
كتاب الأمل 📖مكتملة📖
Roman d'amour💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
