كتاب الأمل 💜
الجزء 9
____________ الليل 🌑
جالسة فوق السرير فيديها قفازات فالأسود او شادا المصحف كتقرى فيه بتمعن شديد
بعد مدة كتجاوز نصف ساعة سدات المصحف او حطاتو على الكوافوز جرات الكتاب او خدات قلم الرصاص او بدات فالحكاية من جديد
⚡ فلاش باك ⚡
جالسة فوسط الحلقة راسها متكي على الحيط او عينيها كيدورو بين البنات لي كانو كل وحدة شادة مصحفها او كتقرى فيه
سهوها بهاد الطريقة مكانش عادي حينت مولفة ديما الابتسامة على وجهها هداية لي كانت حداها ، كانت كل مرة كتهز راسها تشوف فيها كتلقاها ساهية ، او هادشي ماشي من طبيعتها
قربات عندها راسها او نغزاتها بيديها فيدها
هداية : أسماء واش كاين شي مشكل
أسماء ضارت شافت فيها او بلا متحس نزلو دموعها بدون إرادة منها
حركات راسها بالنفي او رجعات كتشوف فالبنات او دموعها نازلين ماحبسوش
قربات هداية بجسمها كتر عندها حتى ولات لاسقة عليها ، رجعات عينيها كتشوف فالبنات حتى هي
هداية: أي مشكل عندو حل ، ماكيناش شي حاجة لي تستاهل تخليك شاردة بهاد الطريقة ، او كتبكي ، انت كتقراي القرءان او كاتصلي او كتآمني بالله ،الله يمهل ولا يهمل ، ربي غادي يحل ليك مشاكلك
أسماء(ضارت شافت فيها ) : الله كيعاون ولكن خاص السبب او انا خاصني تسبب الحل الوحيد لي كنشوف هو نخرج من دارنا
هداية(ضارت حتى هي كتشوف فيها) : كنقسم ليك ا أسماء ايلا خرجتي لزنقة غادي تولي تطلبي كون رجعتي غير عند عائلتك ، انت بقوة ماتحبستي فالدار ، هادشي خلاك ماتعرفيش اش كاين فالزنقة ، كنصحك ماتحاوليش
أسماء دموعها زادو نزلو كتر ، ولات كتشهق بالبكا
أسماء(صوتها مامفرزش بسباب البكى ) : كنحلف ليك بلي هو الحل الوحيد ، بابا راه باغي يتهنى مني او يزوجني ، انا يالاه فعمري 15 لعام ، اشمن زواج كيهدر عليه ، او من فوق هادشي كامل ماشي مغربي ، خليجي أهداية، او مزوج بزوج او انا غادي ندخل ضرة عليهم، عطيني شي حل حسن من الزنقة
ملاك (بتأسف): الحل الوحيد هو تصبري ربي غادي يفرجها عليك ، كل حاجة فيها خير ، هادا هو القدر ديالك صبري عليه
ضورات اسماء راسها بلا ماتجاوب كتفكر فهاد الورطة لي هي فيها مشكل بلا حل ، زعما تقول لباباها مابغاش تزوج ، ماغاديش يقبل هدرتها او تقدر تعرض العنف الجسدي من طرفو، كيشوف بلي الراجل بخيرو او غادي يعيش بنتو فالعز ، ناسي بلي العيشة مع الضرة مافيهاش العز ، الفقر كيخلي بنادم جاهل او تابع الجشع ديالو ، باش التحسن وضعيتو فقط ، مكيهمش الضحية لي غادي تلاح فالعافية باش تحقق مبتغاه
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
