كتاب الأمل 💜
الجزء 15
داكشي لي كان، الرجال مشاو فحالهم او هي وصات الكونسياج يجيب ليها لي يقاد الباب
الليل🌑
جالسة على سريرها او فيديها كتاب الله كترتل فيه بهمس لمدة طويلة بدون حراك ، جمعاتو او حطاتو على الكوافوز عاد ناضت من بلاصتها جرات عبايتها لبساتها او حطات الشال على راسها او تمات غاديا جيهة الباب او كتنهد فتحاتو تشوف شكون جاي عندها فهاد الوقت حتى كيبان ليها واحد من نفس الرجال واقف مغطي الباب بعرض اكتافو او كيشوف فيها
أسماء بقلة حيلة: محتاج شي حاجة
الراجل مد ليها صاشية او هو كيهضر: هادا من عند السي عقاب
أسماء شافت فيديه او طلعات عينيها كتشوف فوجهو: شنو هاذا
الراجل: اعتذار
أسما حركات راسها برفض: مكاين لاش المسامحة
الراجل : الهدية ديال السي عقاب مكترفضش ، تقدري تاخديها او من بعد لوحيها
أسماء شافت حتى عيات او مدات يديها شداتها من عندو او ابتاسمات بمجاملة: كنشكر سيدك عقاب
الراجل هز ليها براسو او زاد فحالو او هي سدات الباب او دخلات كتبقشش فهاديك الصاشية حتى جبدات منها بواط فتحاتها كتلقى فيها بروش من الألماس كيلمع او فيه جوهرة فالأخضر الوسط ضاير بيها جواهر بيضين ، كيحمق خلاها غير كتشوف او كضورو فيديها كتأكد واش بصح ألماس اولا غير جاب ليها الله ، دخلات البيتها او جلسات على السرير بعبايتها مربعة رجليها او هي مزال كتقلب فيه
أسماء: عمرني شفت شي إعتذار فحال هاكدا (هزات حاجبها) بروش ديال الألماس ، حتى داك شلونك حبيبي عمرو جابو ليا (رجعاتو الشاسية) زعما يكون ماشي ألماس غير تهيئ ليا
حطاتو فالمجر او حيدات عبايتها عاود ناضت المكتب ديالها ، جبدات داك الكتاب تاني او بقات كتشوف فيه او هي كضرب بصبعانها على البيرو ، كتحاول تنعش ذاكرتها او تفكر الأحداث المهمة من لي وقع حتى وصلات لنقطة مهمة لي خلات قلبها ينغزها او حسات بدموعها غادي يخونوها او ينزلو
⚡فلاش باك⚡
فتاة مزينة بأغلى الحلي لابسة كسوة فالأبيض حجابية دايرا شد بطريقة ديال العريسات ، ملامح وجهها مخبعة بكثرة مستحضرات التجميل ، بيناتها اكبر من سنها
كتشوف بعينيها فالبنات او العيالات الكل فرحان بهاد العرس او بهاد الزواج او الكل كيقول ، سعدات أسماء تزوجات بيه خليجي غادي يتهلى فيها /غادي تعيش فالخاليج او غادي تحسن وضعية عائلتهاا / غادي تولي تجي طل علينا غير من العام العام ، بحوايج من الماركات او سيارة آخر موديل
حتى واحد ماقال مسكينة غادا داخلة ضرة على زوج ماشي حتى وحداا ، او باقا صغيرة ماعارفاش فحرب النساا
شافو غير الإيجابيات ما شافوش السلبيات لي تأثيرها غادي يكون كبير على هاد المراهقة ، اشمن زواج هادا لي غادي يكون بواحد قد باها او مزوج جوج مرات او غادي تعيش مع عيالاتو او بناتو او ولادي لي غادي يكونو فالسن دياليها أو اكثر
🥀ما ذنب تلك القاصر التي دمرتم طفولتهاا
عاشت مقيدة ، ولم تاكتفو زدتم قفلا على قيودهاا
ما ذنب تلك الوردة ، حرمتموها حق التنفس، خنقتموها ولم تكتفو قطفتموها🥀
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
