كتاب الأمل 💜
الجزء 32
عقاب جمع يديه على شكل قبضة او هو كيشوف فعينيها مباشرة ، او ضار تمشى حتى جلس على سداري قدامها ، اما بالنسبة للعائلة حتى واحد ماخدا موقف حينت هادشي طبيعي ، هي جلسات او عينيها فعينيه كيشوف فيها بهدوء ماناويش ينزل عينيه عليها ، ضورات عينيها لجهة راضية بإحراج من نظراتو ، لقات راضية كتشوف فعقاب او تبتاسم
سوسن مخاطبة أسماء: كتحمقي بالحجاب ، ماكرهتش حتى انا نلبسو فحالك
أسماء شافت فيها بابتسامة : ايلا نويتي فحال ايلا درتيه (ضحكات) جربيه غادي يجي معاك
سوسن : حتى تديني لعند هاد الخياط لي خيط ليك هاد التحفة
أسماء : هادي من الخليج او جاتني غير كادو ، تقدري تديها لشي خياط يصاغب فحالها
سوسن ابتاسمات: إن شاء الله
ضار حديث طويل بيناتهم او أسماء الإبتسامة على محياها كتحاول ماتشوفش فعقاب حينت كيوثرها ، أما هو ملين جلس او هو كيشوف جيهتها اولا حينت تشمت واخا الأمر عادي مي ماتسرطاتش ليه او ثانيا حركاتها او هضرتها كتجذبو يشوف فيها ، فدوى جالسة جنبو او كتشوف فيها او ترجع تشوف فراضية لي عينيها مكتزحزحش على عقاب ، فحال ايلا كدرس حركاتو او كتفكر ليه فشي حاجة هادشي ماخفاش عليها او زاد خلعها تكون راضية كتفكر تلاقي عقاب بأسماء ، ولات كلها كترجف بالأعصاب غير متحكمة فراسها ماتنوضش دير شي مصيبة
تسمع صوت الخدامة فالباب ديال الصالون : لالة راضية الغدا واجد
راضية وقفات او شافت فأسماء : ياله ابنتي
أسماء حتى هي وقفات او وقف معاها الكل ، تقدمات راضية هي اللولة او موراها أسماء حتى وصلو لصالا مونجي لي كانو الكراسة ديالها بالرمادي او السقف نازلة منو ثرية ذهبية عاطية رونق رائع او النوافذ فكل مكان مدخلة ضوء النهار
شدات راضية بلاصتها فالراس كيف عادتها او عقاب جنبها فاليمين هو او فدوى او من جيهة لاخرى سوسن او راجلها ، عاد جلسات أسماء جنب سوسن
راضية :بالصحة او الراحة ، بسم الله
باشرات فأكلها او الكل فحالها ، فدوى كانت كتشوف فأسماء تشوف كيفاش غادي دير الماكلة ، حتى هزات الفرشيط او الموس بيديها كتاكل بتحضر كبير خلاتها غير كتشوف ، ميقات او بدات حتى هي فماكلتها
وسط تقرقيب الماس هضرات فدوى او هي مطلعة غير بؤبؤ عينيها فأسماء
فدوى: ماقلتيش لينا واش مزوجة
أسماء حبسات الماكلة او طلعات عينيها كتشوف فيها : احم لا
فدوى ابتاسمات : مزيان ، فايت مشيتي الخليج
أسماء دارت لقمة ففمها او عاد تكلمات : كنت مزوحة فالخاليج
هضرتها خلات اللقمة توحل العقاب طلع عينيه فيها، او هو كيكح بهستيرية حتى مدات ليه فدوى الماء شرب منو عاد حس براسو مزيان او طلع عينو فأسماء
أسماء بتساؤل: مزيان
عقاب رجع عينو الماكلتو : مزيان
رجعو كياكلو فصمت او راضية ابتسامتها زادت عراضت حينت طاحت على الپوان او عقاب بان ليها ماغاديش تلقى معاه صعوبة ، واخا هاد القضية ديال أسماء كانت متزوجة قبل تقدر تعنقل القضية مي على الأقل عندها أمل
من بعد الأكل عقاب او عمو (راجل سوسن) خرجو من القصر يمشيو الشركة او الباقي رجعو الصالون جالسين على كاس ديال القهوة او كيهضرو او يضحكو مع بعضهم من غير فدوى لي غير كتشوف بعينيها كتحس بنفسها منبوذة حينت حتى واحد مكيكلمها اولا يدكرها فكلامو ، سوسن كتهضر مع أسماء بحماس حينت عجبها كيف كتهضر زائد عندها شوية من حس الفكاهة لي خداتو من عند فرح ، مكتملش من الجلسة معاها
*يتبع
KAMU SEDANG MEMBACA
كتاب الأمل 📖مكتملة📖
Romansa💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
