كتاب الأمل 💜
الجزء 75
صباح جديد 🌤️
واقفة قدام المراية لي محطوطة على الكوافوز كتقاد فالشال ديالها او تشوف فالعباية لي كان لونها فالأسود ، هزات تليفونها من على الكوافوز او تمشات خارجة من الجناح ، غير سدات الباب بان ليها حتى عقاب خارج من جناح فدوى ، ميقات بفمها او تقدمات جيهتو هو لي كان وقف كيتسناها توصل عندو
أسماء بابتسامة صفرة: صباح الخير
عقاب جرها عندو باسها من شفايفها : صباح الخير
دار يديه فجيابو او تمشى غادي جيهة الدروج او هي جنبو كتشوف فيه بطرف عينيها بان ليها التعامل ديالو مبدل معاها، حتى نزلو التحت او هي تلقى ليهم فدوى شافت فيهم بزوج او قربات شدات لعقاب فدراعو من جيهة لاخرى او هزات راسها بفخر فحال ايلا دارت شي إنجاز
أسماء تنهدات بعصبية او هضرات بهمس: غادي تبقى ضور بيا (زيرات على سنانها) غنتفها
سرعات فخطاويها سابقاهم او عقاب شاف ففدوى لي جنبو او رجع كيشوف قدامو حتى وصلو لصالا مونجي
كانت أسماء جالسة جنب ياسين كيف عاهدات هاد الأيام الأخيرة ، شدو عقاب او فدوى بلاصتهم او باشرو فأكلهم بينما أسماء غير كتقرقب بديك الفرشيط كل مرة ضربها مع الطبسيل بعصبية او كتشوف ففدوى مزيرة على سنانها ، غادي تزيد معاها شي فوت او تهضرها غادي تاكلها فعضامها مكاينش التخرشيش
عقاب طلع فيها عينو عاقد حجبانو: برزطتي لينا راسنا ، كولي او لا نوضي
أسماء لاحت المعلقة على الطبسيل او ناضت دافعة موراها الكرسي بنفضة او خرجات كتزرب من تما مخلية كلشي مصدوم من تصرفها ، بينما عقاب رجع عينو لماكلتو
هي غير خرجات من تما تلقات ليها خدامة : مدام ليوم وصلات الطنوبيل لي اختاريتي
أسماء : واخا فين هي
الخدامة :فالباركينغ ، اجي معايا نوصلك ليه امدام
أسماء هزات براسها او تبعاتها حتى وصلو الباركينغ مع الدخلة كتبان ليها الطنوبيل لي اختارت من نوع بورش فالأسود جديدة كتلمع ، تبسمات او مشات ليها فتحات الباب ديالها كطل عليها او ضور عليها عينها حتى سمعات صوتو موراها
عقاب: كتعرفي تصوگي اولا غير خديتيها او صافي
أسماء شافت فيه بهدوء: ست سنين فكازا او غادي نبقى بلا پيرمي
عقاب تقدم جيهتها داير يديه فجيابو حتى فتح الباب لي من جيهة الثانية او ركب عاد تكلم : اذن سوقي بيا نشوفو هاد الپيرمي ، او منها نتأكد بلي قادرة تصوگيها بوحدك
أسماء ركبات او سدات الباب موراها ، دارت السمطة او تقادات فالجلسة او عاد ديمارات الطنوبيل ، خارجة من الپاركينغ بشوية حتى وصلات الطريق مسرحة كدي للباب عاد كسيرات خلات عقاب يمشي او يجي فبلاصتو حينت مكانش داير السمطة
أسماء كتبتاسم: دير السمطة
عقاب قاد السمطة او هو كيشوف قدامو: عندك سوگان العياقة
أسماء كتشوف فالطريق: انت لي حگرتيني
عقاب بان ليه الباب: صافي وقفي
أسماء شدات الفران بجهد حتى تسمعو الروايض تحكو مع الأرض
عقاب شاف فيها : لا بقيتي كتشدي الفران فحال هاكدا غادي يخصك كل سيمانة روايض جداد
أسماء شافت فيه او تبسمات فوجهو: ماشي مشكل ياك انت لي غادي تخلصهم
عقاب هز حاجبو: انا خدام على ودك غير انت
أسماء سكتات كتشوف فيه او هو قرب منها باسها فشفايفها غير سطحيا او هضر بهمس : شنو مقلقك ليوم
أسماء قلبات عينيها : والو
عقاب عاود باسها: متأكدة
أسماء بعدات وجهها : غادي نقول ليك ولكن قدرني
عقاب هز براسو: واخا
أسماء عضات شفتها التحتية كاتمة توترها او تكلمات بخفوت: بتي مع فدوى هادشي لي مقلقني
عقاب هز حاجبو: نهار ديالك او نهار ديالها شنو كيقلق فهادشي
أسماء دبلات فيه عينيها بحزن: قلتي غادي تقدرني
عقاب دوز يدو من فوق الشال ديالها: انت بلاصتك كبيرة فقلبي ، او كنفضلك عليها ولكن خاص نعدل بيناتكم او انت خاص تقبلي هادشي زائد فدوى مراتي قبل منك او حقها أولى منك
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
