كتاب الأمل💜
الجزء 22
المساء🌇
جالسة أسماء فالمراح كتفرج حتى كتسمع الدقان فالباب ، ناضت من بلاصتها حتى البيت لبسات عبايتها او حطات شال على راسها عاد مشات الباب فتحاتو لقاتها فرح
فرح دفعات الباب داخلا : صافا عليك الفنون
أسماء سدات الباب او تبعاتها حتى جلسات فالمراح او هي تجلس جنبها
أسماء: لباس الحمد لله , او انت كيدايرا لاباس
فرح شافت فيها بابتسامة:الحمد لله (وقفات غاديا لجيهة البيت)هانا غادي نهز ليك شي بيجامة ديالك نلبسها ، نبات معاك ليوم ان شاء الله
أسماء هزات براسها : واخا
مشات فرح البيت او أسماء رجعات عينيها لتلفازة كتفرج حتى كتسمع فرح كتعيط عليها بصوت عالي
أسماء : مااالك
فرح كتغوت: اتي ملين جاك هادشي ، يااا ختي غزاااال
أسماء عقدات حجبانها باستغراب :هادي علاياش كتهضر
بقات ساكتة مدة كتفكر فشنو كانت كتقصد عاد او هي ضرب ليها الطن فراسها ، او وقفات غير وقفة وحدا كتمشى جيهة البيت بخطوات سرااع حتى فتحات على فرح الباب خلاتها تقفز من بلاصتها
أسماء كطلع فيها او تنزل كانت ناسلا حوايجها ياله كتلبس فتيشرط : فينو
فرح باستغراب: شناهو
أسماء قربات عندها : البروش اصاحبتي فين هو
فرح ضحكات: ايي لمك ضبرتي فشي واحد او مخبية عليا (بدات كتلبس فالسروال او تشوف فيها) دوقو زوين ،باينة غادي يكون حتى هو زوين
أسماء خسرات سيفتها: من نيتك
فرح سالات لبسها او جلسات على السرير كتشوف فيها : ايااه او ملين جاك
أسماء جلسات جنبها او بدات كتشوف فيها او فرح كتهز ليها بحجبانها بمعنى غير گري راه حصلتك
فمكان ثاني لي هو قصر الشريف
غاديا مرات عقاب كتمشى فاتجاه الكوزينة او على وجهها الإبتسامة حتى كتسمع صوت كينادي بإسمها
...........: فدوى
فدوى وقفات على المشي او ضارت كتشوف جيهة الصوت او سرعان ماتمحات الإبتسامة من على وجهها او تحولات لنظرات متوترة
فدوى: لالة راضية
راضية ضحكات ضحكة خاترة او بدات كتمشى فاتجاهها حتى وقفات قدامها او هضرات كتشوف فعينيها : شنو سباب الابتسامة
فدوى: ا لا مكاين والو(ابتاسمات بتوتر)
راضية ضحكات: مزيان تبتاسمي دابا حينت جاي نهار لي غادي يولي صعيب عليك تخرجيها
فدوى تنهدات: لالة راضية شنو بغيتي
راضية : لي باغياه ماغاديش نقولو دابا ، حتى نكشف حقيقتك عاد غادي تعرفي اشنو بغيت
فدوى هزات حاجبها او ضحكات باستهزاء: بقى ليك شبر القبر او كتفكري تبيني حقيقتي
راضية بهدوء: داك القبر گاع أخرتنا ليه (هزات حجبانها بزوج) او ماعرفنا شكون السابق ابنتي
فدوى قلبات عينيها بملل: مليت من هاد السيناريو ديالك عام او الزيادة او انا كنسمع نفس الهضرة او ما شفت منك حتى حاجة (ركزات بعينيها عليها) تهديداتك فارغة امدام راضية
راضية حطات يديها على كتفها كطبطب عليها: انا مرة كبيرة دات او جابت فالدنيا او ملين كنقول شي حاجة كنكون قدها ، هاد القصر ماجاش او كبر ولا هاكدا او حتى عقاب لي ديتيه بارد ماجاش او ولا راجل نعول عليه ، او فعايلك انت بين عيني ، كتمثلي عليهم او كلمة جوج تنزلي دموعك او هوما مثيقين مسرحيتك ماعارفينكش بلي راك لفعة سامة ،لي جا قدامها كضربو (طلعات يديها كطرشها بشوية على وجهها) انا لالاك راضية او هادشي ماغاديش يطول او عقاب لي مسخن ليك كتافك او حاسبة راسك دايراه خاتم فيديك غادي نجيب ليه لالات البنات لي تصونو او تولد حفيد العائلة الشريف
فدى ضحكات باستهزاء: او علاش لا مانولدش انا حفيد عاااائلة الشريف
راضية ابتاسمات: ماحدي انا فالحياة حفيد منك هو لي عمرو يكون
فدوى هزات حاجبها: ياكما كتحكمي فالأقدار
راضية زادت وسعت ابتسامتها اكثر: انا كنتحكم فأسباب القدر
جرات يديها عليها او مشات مخلية فدوى كتغزل فبلاصتها بالأعصاب او كتعاير فنفسها
، قالك المظاهر خداعة او لالة راضية هي لي عارفة فدوى على حقيقتها ، فنظركم شنو الحاجة لي خلات راضية باغيا تقلعها من القصر
KAMU SEDANG MEMBACA
كتاب الأمل 📖مكتملة📖
Romansa💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
