كتاب الأمل 💜
الجزء 94
تعاشات العشية او رجع عقاب الاوطيل ، دخل السويت او أول حاجة جات قدام عينو هي أسماء بديك النعسة العجيبة ديالها ، زائد ديك الكسوة لي كانت ملبوسة مخربقة على جسمها او ما ساترة حتى لعبة ، بلع ريقو او قلب عينو السرير تمشى جيهتو او حط المحفظة عليه او بدى كيحيد فحوايجو او عينو كتهرب لجيهتها حتى سالا او داز البلاكار هز شورط لبسو او ضار كيشوف فيها ، صافي بغاها او ماعرفش واش يفيقها اولا يتسناها حتى تفيق تنهد او جلس على السرير داير يديه بجوج على راسو كيحك ففروة شعرو بعنف او هو كيفكر حتى وقف فجأة من بلاصتو او تمشى جيهتها حتى وصل عند راسها او نطق بإسمها بخفوت
عقاب : أسماء
أسماء فتحات عينيه ديك الساع او شافت فيه مشقلبة بالنعاس : شنو
عقاب تلف ولات عينيه كتهرب غير مع جسمها او تكلم بخفوت : نوضي بغيتك
أسماء تقادات فالجلسة باقيا باغيا تنعس او كتقاد فديك الكسوة لي عنكشاتها او هضرات بنبرة ديال شي واحد كاعي او مقلق: هانا اشنو بغيتي
عقاب كيشوف : نوضي عندي
أسماء ناضت او تمشات جيهتو قالبة وجهها مكتشوفش فيه او هو متبع هاد الحركات المغرية ديالها ، دابا واخا تغوت فوجهو غادي يجيب ليه الله كتغريه
عقاب بهدوء: شوفي فيا
أسماء شافت فيه عينيها مجبدين بالنعاس او دوك الحنيكات حمرين خلاوه غير كيشوف ماناكرش فالداخل ديالو بلي هاد الأنثى كتخليه بلا عقل او كتقلب ليه كلشي ، شد يديها او جرها عندو حتى تضربات معاه او تكلم او هو متبع حركاتها او هي كتعيبو
عقاب: توحشت مراتي ، امم علاش قالبة عليا وجهك
أسماء طلعات فيه عينيها كلامو قاص ليها الوريد او قلبها بدا كيضرب فالتسعين، ولكن مامفاكاش باغيا تندمو على ديك التنگيدة لي دار ليها قبل مايخرج ،جرات يديها عندها بهدوء او تكلمات
أسماء كتشوف فالأرض : علاش منوضني
عقاب قرب وجهو من عندها حتى باس وجنتها او مشى بشفاهو حتى وصل لشفتها او هو يجرها بمصيصة ، ياله بغا يبدى يتعمق او هو يحس بيها كدفعو بيديها من صدرو العاري ، بعد او شاف فيها مستغرب
عقاب : مالك
أسماء كتجنب الشوفة فيه : مرؤضة ماقادراش
عقاب عقد حجبانو : كيفاش ماقادراش
أسماء: مكتعرفش شناهي بنادم مريض واش كيسحاب ليك كلشي صحيح فحالك
عقاب حس بالشياط طلع معاه من صبعو الصغير ، بدا كيغزز فسنانو بعصبية او هو كيشوف فيها غاديا جيهة الفوطوي ، هز رجلو او ضربها مع رجل ديال طابلة طويلة كانت فالقنت ديال الحيط فوق منها ڤاز حتى تكردات الرجل او تسمعات الخبطة ديال الفاز مع الأرض،، ماهتمش لرجلو لي ضربها حينت أصلا ماحسش بيها بسباب دمو لي كان كيفور بالعصبية او تمشى جيهة الدوش ، بينما أسماء كانت متبعة ليه عينيها بهدوء ملين دخل الدوش تكلمات بهمس
أسماء: تفرگع گاع ، منقي ليا ودني على الصباح تاتغوت او جاي دابا تقول ليا توحشتك (عقدات حجبانها) استغلالي لاخر (شافت جيهة الدوش) وا برد بالماء دابا
رجعات كتشوف قدامها او فحال ايلا بدى كيتنادم معاها الحال مي مامفاكاش ، حينت ماعجبهاش الحال كيف هضر معاها فالصباح او مكملها مهرس ليها تليفونها ، او مابغاش يقول حتى علاش هرسو مخليها كتصعر بوحدها (ليعطي المك مصيبة راه غار عليك او مارضاش يقولها 😒)
*يتبع
KAMU SEDANG MEMBACA
كتاب الأمل 📖مكتملة📖
Romansa💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
