كتاب الأمل 💜
الجزء 83
مارجعات راضية القصر حتى كان يوسف معاها ، لابس سروال فالأسود او قميجة بيضة مع فيست فالبني فيها كاروات
نزلات راضية او مريم من الطنوبيل عاد نزل هو لي كان راكب القدام ، كيضور فعينيه
راضية تقدمات قدامو: لاصال باقي كيفما خليتيه
يوسف تبسم ليها او تمشى موراها او جنبو مريم حتى دخلو الداخل هي مشات الجناحها هي او مريم او هو ضار مع كولوار آخر حتى خرج فساحة مبني فيها فحال شي بتي فيلا من الزاج او كيبانو فالداخل آلات رياضية كثيرة او من كل الأنواع، تمشى جيهة الباب او جر ساروت من صندوق كان معلق تما ، عاد فتح الباب او دخل ، مشا لدرسينغ جبد منو شورط او تيشرط لبسهم او جلس على كرسي تما او شابك يديه قدامو او كيشوف فدوك الآلات ، حتى دخل عليه كارد لابس غير شورط او صدرو عريان ، ابتاسم ملين شاف يوسف
الكارد: على السلامة اسي يوسف
يوسف شاف فيه: الله يسلمك
الكارد تقدم عندو: خليتي بلاصتك ، سي عقاب جاب اكتر من 5 المدربين او كلهم كيجري عليهم حينت مكتعجبوش خدمتهم
يوسف وقف من بلاصتو او بدى كيحرك فعضلات يدو او هي كيبتاسم بمرح: هانا جيت نقادكم تاني (طلعو او نزلو بعينيه) بان ليا لحمك ترخي
الكارد ضحك: تقطعنا بلا بيك ولينا فحال الفلالس
يوسف قهقه برجولية: زيد نبدى بيك انت لول نقصحو العضلات
_____________قبل المغرب بساعة_____________
دخل عقاب القصر او طلع نيشان لجناح ديال أسماء حتى دخل عليها او هي جالسة على السرير كتقرى
أسماء طلعات فيه عينيها: خلعتيني (وقفات) مالك جيتي بكري
عقاب بدى كيحيد فحوايجو: جمعي ليا حوايجي ، مسافر
أسماء بصدمة: لفين
عقاب تمشى جيهة الدرسينغ: الفرانسا
أسماء تبعاتو او هزات الفاليز : او علاش
عقاب كيقلب وسط الحوايج: شي مشكل فالخدمة او خاص نمشي نحلو بيدي
أسماء كدير الحوايج فالفاليز :شحال غادي تجلس
عقاب كيلبس: من 15 اليوم لشهر
أسماء طلقات الحوايج او شافت فيه بصدمة: ماشي بزاف
عقاب هز حاجبو: عندك پاسپور
أسماء: علاش
عقاب: لا كان عندك پاسپور نديك معايا
أسماء باستغراب: اه عندي كنت مشيت بيه السعودية او مؤخرا عاودتو حينت وفى ولكن وقتاش غادي تخرج هاد الفيزا
عقاب : جمعي حتى حوايجك ، الفيزا دايرينها غير الناس ديال طروازيام كلاس
أسماء كملات كتقاد الحوايج بلاما تهضر ، جمعات حوايجو ففاليز بوحدو او حوايجها ففاليز بوحدها ، عاد مشات كتشوف ماتلبس او شافت فعقاب: نلبس عباية اولا كسوة
عقاب شاف فيها: شوفي كسوة احسن
أسماء هزات براسها او بدات كتقلب حتى جبدات كسوة فالبني معاها كاب فالأسود او شال حتى هو ، كان عقاب خرج ، لبسات او خرجات عندو لقاتو كيركب فساعتو ، سالا او شاف فيها طلعها او هبطها بعينيه او تكلم
عقاب : داك الكاب كيتسد
أسماء حركات راسها بالنفي : لا
غقاب هز حاجبو: ماعندكش شي واحد كيتسد
أسماء: هادا راه شريتو معاه ماغاديش يجي معاه شي حاجة اخرى
عقاب تمشى جيهة الدريسينغ : شديه بيديك اولا ديري فنيتة
دخل هز لي فاليز بزوج او هي كتشوف فيه حتى بان ليها خارج عاد هزات صاكها او خرجات تابعاه حتى نزلو التحت او هو يتسمع صوت رنيم من آخر الدروج
رنيم: عقااب
عقاب او أسماء طلعو فيها عينيهم او هي تمات نازلة كتجري او تنقز فالدروج او تقرقب بطالونها ، ياله ضربات النص خوات بيها رجليها ...........
وا هادي هي النكبة الدريات 😂😂😂😂 😂😂😂
ESTÁS LEYENDO
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
