كتاب الأمل 💜
الجزء 74
الليل 🌑
فالكوزينة ديال القصر ، واقفة غير فدوى او الخدامة لي مشات معاها قدام الپوطاجي ، فدوى كتقطع الفريز او تهضر
فدوى: عقاب عزيز عليه الفريز غادي يشربو بعينيه مغمضين(شافت فالخدامة) تخرج الهضرة من هنا راسك يتقطع اسلمى
سلمى : كوني هانية انت صاحبتي قبل ماتكوني عروسة هنا ، او غادي ندير بوجه الخير لي درتي فيا ملين جبتيني نخدم
فدوى هزات راسها او رجعات عينيها لداكشي لي فيديها كتبتاسم: او واخا عروسة فهاد القصر باقيا دايراك صاحبتي او عمرني تكبرت عليك اولا حسبتك قل مني ، او هادشي كافي يخليك تسكتي
سلمى هزات ابراسها بلاما تنطق او فدوى بقات مركزة فشغلها حتى سالات دارت الكاس ديال العصير فبلاطو او شافت فسلمى :نخليك
خرجات من الكوزينة كتبتاسم حتى طلعات الفوق ، دخلات الجناح لقات عقاب جالس على الفوطوي خدام فالپيسي حطات ليه العاصير قدامو او تبسمات: من قبيلة او انت خدام قلت نصاغب ليك شي حاجة تشربها
عقاب نزل عينو الكاس او رجعهم الپيسي : شكرا
هي هزات براسها او مشات بدلات او تكات على السرير حاضياه حتى بان ليها هزو او كيشرب منو بلا حتى ردة فعل مادى ماجاب ، الحموضة ديال الفريز هرسات المداق لاخر زائد داك السواد ديال الرماد كيبان فحال الزريعة لي كتكون فيه، او هي كتشوف فيه كيشربو تنهدات بارتياح
بينما فالجناح ديال أسماء لي كانت جالسة على السرير لابسة شوميز من الستان او شعرها مجموع الفوق او فيديها كتاب كتقراه او ملامحها كل مرة كتخسرهم ، حطات داك الكتاب جنبها بالنفضة او رجعات كتشوف قدامها كتهضر بعصبية
أسماء: غادي يطير عليا النعاس او هو معاها (حولات ملامحها للبكاء) دابا اشنو يكونو كيديرو
تنهدات او جرات تليفونها من على الكوافوز او دوزات الخط لفرح لي جاوبات فالبلا
أسماء: ألو
فرح : ألو أسماء كدايرة لاباس ، الزواج غيرك عليا
أسماء تنهدات: كتهضري على زواج القهرة ياك ، سمعيني انا محتاجاك تعاونيني فهاد الساعة
فرح بحماس: اهاه فاش
أسماء: دابا عقاب كاين معاها فالبيت او انا بغيت نجيبو لعندي بلاما نكذب
فرح بتفكير: راه الحل الوحيد باش يجي عندك هو تكذبي( نبرة صوتها تحولات التساؤل) ولكن علاش بغيتي تجيبيه عندك
أسماء: انت مكتعرفيش فالغيرة
فرح كضحك: اويلي واش غايرة عليه من مراتو اللولة
أسماء: دابا واش غادي تعاونيني اولا تبقاي الضحكي عليا
فرح كتحاول تحبس ضحكتها: بلاتي نفكر بلاتي (سكتات مدة طويلة عاد هضرات) سيفطي ليه ميساج قولي ليه توحشتك اجي عندي
أسماء خسرات ملامحها : انت راك مريضة ، راه يوماين او هو بايت معايا او دابا مشا عند لاخرى ، داير لينا النوبة ماغاديش يبغي يجي
فرح: امممم هبطي مع الدروج حتى يبقاو ليك 6 الدرجات او نقزي ، غادي تفدعي او هو غادي يضطر يبات معاك
أسماء: من نيتك المرض واش كتفلاي عليا
فرح : وا راه مالقيت حتى حل من غير الكدوب ، او الصراحة حتى الكدوب مكاين والو
أسماء عضات شفتها التحتانية: بان ليا نصوني عليه نقوليه راه مابغاش يجيني النعاس حينت انت بايت مع مراتك اللولة
فرح : ايوا هانتي لقيتيها وا طلقينا الفراجة
أسماء: لا لا فكري فشي حاجة أخرى هادشي مامسلكش
فرح بعصبية : نعسي الصاحبة من فريع الراس ، هاهوا اليوم غادي تلقاي حل او يبات معاك او غدا اش غادي ديري ، سيري تنعسي ماتصعرينيش(قطعات)
أسماء لاحت تيليفون جنبها : صحبة كيدايرا ، اش فيها لا اقتارحات شي حل
تقادات فالنعسة او تغطات كتشوف بعينيها ، مامسروطاش ليها بلي بايت مع فدوى فالبيت او على نفس السرير
*يتبع
VOCÊ ESTÁ LENDO
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
