كتاب الأمل 💜
الجزء 104
عقاب اكتفى بالصمت او رجع كيشوف قدامو او هي مزال شادة فيدو كتحاول تهدنو ، بينما فالداخل كان نبيل كيشوف ياسين بغضب او تكلم : عقاب قال كلشي ، ولكن بغيت نقولك بلي انت ماشابه لعائلتنا فوالو ، خليتيني نشك واش انت ولدي
ياسين شاف فيه بهدوء: لي وقع وقع ، او هاد الهضرة ماعندها مازايدة
تحرك من قدامو او خرج او راضية شافت فيهم او تكلمات بهدوء: انتوما عارفين ياسين كيداير ماضغطوش عليه ، او حتى لبنت راها عويفية او هادي تقرس ليها ودنها باش دير عقلها
جلسات فمكانها او بدات فمالكلتها او مريم جنبها كتشوف ماشي سوقها فهادشي او هي مامعنياش بالأمر أصلا باش الدخل ، بدات حتى هي كتاكل او نبيل او سوسن خرجو من تما طلعو الجناحهم ، بينما فبيت رنيم كانت حالسة على سرير مجموعة على بعضها او كتبكي حسات براسها تحگرات واخا عقاب وقف معاها و قصح معاها الهضر فنفس الوقت ولكن هي بقى فيها الحال من تصرف ياسين لي تعامل معاها فحال ايلا هي بوحدها صاحبة الذنب( او من منظوري انا ككاتبة كنشوف بلي هي لي غالطة ) داكشي لي دارت ماكانتش كتقول بلي نتيجتو غادي تكون هادا .
بالرجوع لباب القصر من بعد دقائق صمت عقاب شاف فيها هاد المرة ملامحو هادئة او تكلم : ياله نمشيو
أسماء باستغراب: فين
عقاب هز يدو دوزها على راسها: نمشيو نشوفو التحليلة
أسماء ابتاسمات او هزات براسها: واخا
هو تبشر او شد فيديها مشى لطنوبيلتو حل ليها ركبات عاد ركب هو جنبها او نطالق فاتجاه العيادة ،
مدة من الزمن كانو تما او اسماء جالسة على الكرسي كتحرك فرجليها بتوتر حتى دخلات الطبيبة فيديها ورقة التحليل او كتبتاسم شافت فيهم بجوج جالسين قبالة بعضهم
الطبيبة شافت فعقاب او رجعات عينيها لأسماء لي كانت كتشوف فيها متحمسة تسمع كلامها او تكلمات: مبروك امدام انت حاملة بثلاث أسابيع
أسماء حسات بعينيها غرغرو بالدموع او شافت فعقاب كتبتاسم لقاتو حتى هو على ملامحو ابتسامة كدل على فرحو او تكلمات
أسماء عضات شفتها حابسة دموعها : حاملة
عقاب وقف من بلاصتو او تقدم عندها جلس قمازي قدامها او شد فيديها لي كانو كيرجفو بالفرحة او شاف فيها : سمعتها احبيبة سمعتها (طلع راسو او باس جبهتها بحب) مبروك علينا
أسماء تلاحت عليه بتعنيقة او الدموع لي كانت حابسة نزلو او هو بادلها العناق بينما الطبيبة كانت خرجات مخلياهم على راحتهم
بعدات عليه او هو بدى كيمسح فدموعها او كيتكلم مبتاسم: علاش البكى
أسماء مخلطة ضحكة او بكية : بالفرحة
عقاب كيضحك عليها : ايلا كانت الفرحة غادي تبكيك فحال هاكدا بلاش
أسماء كملات مسيح دموعها او كتحاول تحبسهم او عضات شفتها : احسن خبر سمعتو فحياتي ، كنحس بقلبي غادي يخرج بالفرحة
عقاب اكتفى بابتسامة او هي تدخل الطبيبة او عاد ناض راجع البلاصتو ، هي شدات ورقة كتكتب فيها او تكلم بابتسامة : مبروك عليكم مرة اخرى ، هنا غادي نخلي ليك شي فيتامينات او شي دوى باش يقلل الدوخة (سالات او مدات ليها الورقة) او ديري الرياضة ، حاولي تاكلي صحي ماتقويش من السكريات او الدهنيات ، لاحظت عندك ارتفاع السكر فالدم مي ماتخافيش هادشي غير بسباب الحمل ، او انا غادي نحاول نتبع حالتك باش مايلازمكش داء السكري فحياتك بعد الحمل ، او كيف قلت حاولي تنقسي من الدهنيات ، ديري السپور حينت غادي تغلاضي فهاد أيام الحمل او لا غلاضيتي ماغاديش تقدري تولدي عادي ....
قولو مبروك لأسومة ، غادي تولد لينا شي فنيكيش ، ايي شفتو عقاب كيضحك نسى القصر لي خلاه مقربل ، فرحتو هي اللولة
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
