كتاب الأمل 💜
الجزء 31
▪️يوم جديد▪️
مع وقيتة الظهر جالسة أسماء على سريرها او فرح واقفة قدام البلاكار ديال الحوايج كتشوف فالعبايات او تهضر
فرح: غاديا لقصر يا ختي راه خاصك تلبسي احسن ماعندك
أسماء تنهدات: دابا كون غير سربيتي خلاص شوية او يجي الشيفور مابغيتش نخليه يتسنى
فرح جرات عباية بيضة من العلاقة او ضارت عندها كتوريها ليها : هادي غادي تجيك زوينة
أسماء خسرات سيفتها : مالي عروسة ، هادي راه شريتها غير ايلا كنت غاديا لشي حفل
فرح لاحت العباية على السرير او ضارت كتشوف تاني فالبلاكار : علاش مشريتيش الكساوي غادي يجيوك زوينين
أسماء تنهدات بعصبية : فرح سربينا خلاص مرضتيني والله العظيم
فرح جبدات عباية فالبيج وراتها ليها كتبتاسم : هادي غادي تجيك زوينة
أسماء وقفات : صافي عطيني نلبسها
شداتها من عندها او فرح خرجات من البيت ، لبساتها او جرات طالون بيج او شال بيج حتى هو قداتو او خرجات عند فرح لقاتها جالسة فالمراح
فرح وقفات شافت فيها كتصفر : قنبووولة (بدات كترقص فحجبانها) يكون تماا شي واحد تعجبيه ، بغيت نحضر فعرسك
أسماء ضحكات: ايسمعني فايت مزوجة او تشوفي الاعجاب ديال بصح
فرح قربات ليها كتقاد ليها فشال على عنقها : باقيا عزبة يقدر يتفهمك (جرات يديها كتبتاسم)
أسماء عنقاتها : لهلا يخطيك عليا والله
فرح بادلاتها العناق : حتى انت ، يا أحسن أخت فالعالم (بعدات عليها) ماكرهت تكوني اختي
أسماء ابتاسمات: صداقتنا كافية
على إثر هضرتهم تسمع الدقان فالباب خلى فرح تنقز بحماس
فرح مدات لأسماء صاكها : هاكي شدي ، ماكرهتش نمشي معاك
أسماء تمشات كتبتاسم : انت لي قلتي ماباغياش تمشي بلا عراضة (فتحات الباب)
فرح طلات على الشيفور : تهلى ليا فختي
الشيفور هز براسو : كوني هانية امدام
فرح عقدات حجبانها : آنسة قالك مادام
أسماء ضارت شافت فيها : سكتي المصيبة فحال آنسة فحال مدام
فرح : اختي باقيا بلا زواج مايقولش ليا مدام
أسماء شافت قدامها : ندمتي سيد علاش احتارمك(شافت فالشيفور ) ياله اسيدي ماتديش على هادي
الشيفور هز براسو او تمشى قدامها او هي تبعاتو مخلية فرح متبعاها بعينيها حتى غبرات من قدامها ، عاد دخلات الداخل.
عند أسماء نزلات التحت فتح ليها الشيفور الباب ديال المرسيديس لونها كحل ، طلعات او هو ضار طلع القدام ، ديمارا الطنوبيل محرك من تما
مدة طويلة عاد دخلات الطنوبيل مع طريق جات بين الشجر او أسماء كطل من السرجم ديال الطنوبيل او تبتاسم حتى حسات بالطنوبيل وقفات ، ضارت شافت قدامها كيبان ليها واقفين قدام باب حديدي مشبك او مزخرف بزخرفات ذهبية ، تفتح داك الباب الكبير او دخلات السيارة غاديا فهاديك الطريق الطويلة لي غاديا جيهة الباب الخشبي ، او أسماء كتشوف فداك الورد او النافورات او كتبتاسم حتى وقفات الطنوبيل تاني ، نزل الشيفور فتح ليها الباب او هي حطات رجليها على الأرض كدور راسها فهاد القصر الفخم ، واخا عاشت فقصر فالخاليج ولكن هادا احسن منو او فيه طابع أندلسي خلاها غير فاتحة فمها
ما إن نزلات او خرج جسمها كامل من السيارة حتى تفتح الباب ديال الخشب او خرجات راضية فيديها عكازها وقفات كتشوف فيها حتى وصلات عندها سلمات عليها ، عاد بان ليها سوسن مور راضية او راجلها او فجنبو فدوى
تقدمات سوسن سلمات عليها هي او فدوي لي غير كطلع او تنزل فيها او الراجل هز ليها غير براسو ، دخلو الداخل او هي كتمشى جنب راضية لي كترحب بيها بابتسامة حتى وصلو الصالون ، جلس الكل ، او راضية شافت فأسماء: جلسي ابنتي (جلسات)
أسماء غادي تجلس او هي تسمع صوتو : الميمة
راضية رجعات وقفات او شافت جيهتو او هو جاي جيهتها باس يديها عاد شاف فأسماء لي باقيا واقفة فبلاصتها او كتشوف فيه مصدومة
راضية شافت فيهم بزوج بابتسامة : ولدي عقاب هادي هي أسماء (شافت فأسماء) بنتي أسماء هذا حفيدي عقاب
عقاب قرب لأسماء او مد يديه : مشرفين
أسماء شافت فيديه او هضرات : مشرفين ، (شافت فوجهو) أستسمح مكنسلمش على الرجال
اش كتوقعو تكون ردة فعل عقاب البنات 😂😂 انا كنقول غادي يمرمقها معاها 😂😂
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
