كتاب الأمل💜
الجزء 51
جلسو شوية غير فرح لي كتهضر او ضحك او مرات يجاوبها عقاب بينما أسماء تلجم على لسانها تقول تزيزنات او هادشي كامل حينت طاحت عليها واحد الحشمة من حيث لا تحتسب ، رجعو دخلو الداخل مجموعين فالصالون قليل لي كيدوي حتى وصل وقت العشا ، تعشاو او كل واحد مشا فاتجاه بيتو ينعس
فالكولوار لي كيدي الجناح ديال عقاب او أسماء ، كان غادي عقاب او أسماء موراه حتى بان ليها فتح الباب غادي يدخل او هي تهضر
أسماء بخفوت : عقاب
عقاب شاف فيها مطلع حاجبو بمعنى شنو ، او هي تقدمات عندو او تكلمات: احم كنت باغيا نعطيك الكارط بونكير ديالك واش ممكن تسناني ندخل نجيبها ليك
عقاب حرك راسو بالنفي: هاديك ديالك ، خليها عندك ايلا احتاجيتي شي حاجة
أسماء: ولكن انا مامحتاجاهاش عندي فلوس
عقاب فتح باب الجناح : من هنا القدام فحال فلوسي فحال فلوسك (يا ربي تجيب ليا شي واحد يقول ليا فحال هاد الهضرة 😭)
دخل او سد الباب موراه بشوية او هي تمشات غاديا الجناح ديالها او تكلمات بهمس : كيزرب عليا
دخلات البيتها صلات او بدلات عاد دخلات ففراشها نعسات
يوم جديد 🌤️
من بعدما رجعات من الكتاب لقات القربالة نايضة فالقصر الخدامات غاديين جايين من قنت القنت
تنهدات او تمشات جيهة الصالون حتى كيبان ليها كلشي مبدل او الخدامات مزال كيقادو ،ضارت راجعة فحالها كتبان ليها فرح قدامها لابسة كسوة فالگرونة طويلة حتى التحت او مقادة حالتها
فرح بابتسامة: ياله ازين نوجدك ، سي عقاب قال ليا شوية او يجيو العدول
أسماء تمشات معاها : كيبان ليا تسرعت
فرح جمعات حجبانها : علااش
أسماء هزات كتافها : توترت
فرح ضحكات : ماتخافيش كلشي غادي يدوز مزيان
أسماء تنهدات: كنتمنى
طلعو الفوق الجناح ديال أسماء لقاتو حتى هو مبدلين ليه كلشي ، مشات الدرسينغ او جبدات الكسوة لي شرات لبساتها ، كانت فاللون الأبيض او فيها حزام من الخصر او دارت معاها شال فالرمادي او طالون حتى هو او شافت ففرح لي كانت كتشوف فيها او تبتاسم
فرح : تبارك الله جاتك غزالة (شيرات ليها جيهة الكرسي) جلسي نقاد ليك وجهك
أسماء جلسات او طلعات فيها عينيها : ضروري
فرح بدات كتجبد فالميكاب او تحط : ضرووووري
قدات ليها وجهها او من بعد فتحات المجر او جبدات بواطة فتحاتها او جبدات منها خاتم ديال المارياج من الألماس راقي او سامپل كلو مجوهرات او شدات فيد أسماء كتركبو ليها او تبتاسم
فرح: هادا جابو سي عقاب قال ليا نلبسو ليك
أسماء شافت فالخاتم او حسات بالخلعة طلعات معاها ولات كطلع النفس او تنزلها بصعوبة : فرح تخلعت
فرح شافت فيها من بعد ما لبساتها الخاتم : راه غير غادي تزوجو ماغاديش يدخل عليك
أسماء هزات براسها او اكتافات بالصمت حتى تفتح الباب من طرف الخدامة
الخدامة: مدام العدول جا
أسماء شافت ففرح ، حاسة براسها فشلات بالخلعة او فرح شدات فيها او تمشاو خارجين من الجناح
نزلو التحت او بقاو غاديين جيهة الصالون او أسماء كتحاول تبطأ خطواتها مابغياش توصل حينت عاد طلع معاها البلان بلي غادي تزوج او حسات بالخلعة ،دخلو الصالون كانت راضية او سوسن جنبها نبيل او من الجيهة لاخرى جالس عقاب بوحدو لابس سروال فالبني او قميجة فالابيض او الكرافاط حتى هي فالبني او الفيست بيج ، عاد الطرف الثاني فيه العدول جوج لابسين الفوقيات
تمشات بيها فرح حتى جلساتها جنب عقاب لي كان غير مترقبها بعينيه ، او فرح مشات جلسات قدامهم كتبتاسم فرحانة لصاحبتها
بدا العدول فطرح الأسئلة ديال القبول ، عقاب جاوب بدون تردد بينما أسماء ملين سألها بدات كضور فعينها حتى بدات فرح الطلع ليها فحجبانها عاد حنات فيهم او قبلات
العدول شاف فأسماء: قبل مانعطيكم تسنيو ، بغيت نسولك ابنتي ( أسماء هزات راسها او هو كمل كلامو ) واش شديتي صداقك
أسماء شافت فعقاب او رجعات عينيها العدول : اه (للعلم ماشدات والو من عند عقاب ، يعني ماهضروش أصلا فموضوع الصداق)
العدول بتساؤل : شحال (سولها باش يديرها فالعقد)
أسماء: بيناتنا
العدول أيد كلامها او مد ليهم العقد يوقعو
احم قولو مبروك العرسان ديالنا 🙃 او العقبة لينا البايرات ، او نشوفو ملين غادي يبغي يدخل عليها او يلقاها بنت او هو عارف بلي فايت مزوجة أش غادي تكون ردة فعلو 🙂 هههه او نشوفو السفالة ديال السي عقاب كي داايرا 😂
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
