كتاب الأمل 💜
الجزء 42
أسماء وقفات : بصحة و الراحة
راضية طلعات معاها عينيها : فين غاديا
أسماء : غادي نمشي الكتاب
راضية شافت فعقاب: وصلها معاك اولدي الشيفور ليوم محتاجاه
عقاب وقف كيتنهد او يسوط عارفها غير باغياهم يمشيو بجوج او صافي ، تمشى خارج او أسماء تابعاه حتى وصلو لبرى كانت الطنوبيل فالباب ، ركب او هي ركبات جنبو عاد ديمارا الطنوبيل خارج من القصر
فالطريق كان الصمت سيد الموقف ، حتى هضر عقاب
عقاب: شكون اتاصل بيك البارح
أسماء شافت فيه: علاش كتسول
عقاب كيشوف فالطريق: عارفة راسك بلي البارح فقدتي الوعي
أسماء هزات ححبانها باستغراب او هي كتشوف جيهتو: كيفاش
عقاب : فقدتي الوعي او جبنا ليك طبيب قال بلي بسباب الضغط النفسي ، او الخوف (شاف فيها ) كيهددك شي واحد
أسماء شافت قدامها: القصة طويلة
عقاب : او انا عندي الوقت
أسماء رجعات شافت فيه : غادي تعاوني
عقاب شاف فيها او رجع حول عينو الطريق: ايلا كنت قادر علاش لا
أسماء ضحكات بمرارة او شافت قدامها : أنا هاربة من عائلتي او لي اتاصل بيا البارح هو الأب ديالي ، كيقول بلي جاي لكازا (تنهدات) او بما أنه جاي إذن ناوي يزوجني تاني
عقاب هز حاجبو او عينيه مزال على الطريق: علاش هاربة
أسماء هزات كتافها : تقدر تقول ماشي هروب ولكن جراو عليا
عقاب هز براسو : او علاش جراو عليك
أسماء: طلقت او رجعت عندهم
عقاب الصمت مجاوبش بدى كيضور فالهضر فراسو ، او كيحاول يلاقي السلوكة حينت أسماء واخا قالت ليه ماوضحاتش او حس بالقضية مشربكة او حتى هي سكتات ماعاوداتش تكلمات حتى سمعات صوتو تاني
عقاب: ايلا بغيت نعاونك شنو نقدر ندير
أسماء شافت فيه: تعاوني نخرج من المدينة مثلا
عقاب : اولا نعاونك توقفي فوجه باك
أسماء باستغراب : فحالاش
عقاب : ماعرفتش ولكن ايلا عاود هربتي غادي يعاود يلقاك او غادي تضطري تعاود تهربي (شاف فيها) داكشي علاش خاصك تديري حد الموضوع او ماتبقايش ضوري فبلاصتك
أسماء شافت قدامها او دوات بهمس : بان ليا نقبل بخو فرح
هضرتها دازت على ودن عقاب ولكن مدار حتى رد فعل حدو بقى مركز مع الطريق او كيفكر ، هو قال بلي مستاعد يعاونها ، يعني ايلا جبد موضوع الزواح واش غادي تقبل ، ولا كيحس براسو تحمس لهاد الموضوع او ماكرههاش مراتو واخا باقي مامفاهمينش ، او مكيعرفوش بعضياتهم ولكن من بعد الزواج غادي يتعرفو او يتفاهمو ، زائد كيف قالت راضية مامرتاحش مع فدوى او علاقتهم كيحسها مابقاتش كيف الأول لدرجة ولا كيحس بعلاقتهم باردة بزااف او من جيهة آخرى حاس بالميل من جيهة أسماء او كيعجبوه تصرفاتها ، او كيف محافظة على راسها واخا عايشة بوحدها كتقاتل او مبعدة على المعصية ، كون كانت شي وحدا اخرى كون ماخلات مادارت ، ، شاف فيها لقاها ساهية فالطريق تنهد بصوت مسموع او رجع عينو الطريق
بعد مدة وصلات الطنوبيل لراس الشارع ، وقف او أسماء شكراتو عاد نزلات شادة طريق الشارع فاتجاه الكتاب او عقاب متبع ليها العين او هي كتبعد عليه
عقاب تنهد او تكلم : هاد الميمة هي الوسوسة (غمض عينيه او حلهم) خلاتني ليل كامل بلا نعاس كنفكر (بدى كيديماري ) او دخلات ليا هاد فكرة الزواج عوتاني
ديمارا الطنوبيل محرك من تما
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
