كتاب الأمل 💜
الجزء 58
الليل 🌑
على الطابلة ديال العشاء جالسة فرأسها راضية فجنبها الأيمن مريم او عقاب او فدوى او أسماء او الجانب الأيسر ، كاين نبيل او سوسن او ياسين كياكلو فهدوء من غير أسماء لي كتلعب بديك الفرشيط فيديها مسدودة ليها الشهية
راضية كتشوف فيها : مالك ابنتي مكتاكليش
أسماء شافت فيها : مافياش لي ياكل الحاجة (وقفات) نخليكم بالصحة او الراحة
تمشات خارجة من الصالون او عقاب متبعها بعينيه حتى اختافات على أنظارو عاد رجع مكمل ماكلتو
من بعد ماسالاو العشاء كل واحد توجه البيتو او منهم فدوى او عقاب لي كانو طالعين فالدروج او فدوى شادة فدراع عقاب او كتهضر
فدوى: العمارات مزال ماتصلحوش
عقاب كيشوف قدامو بهدوء متوقع علاش كتسول مي طرح السؤال : علاش
فدوى شافت فيه :غير بانت ليا أسماء باقيا فالقصر
كانو وصلو الكولوار ، عقاب : مديرونجياك
فدوى : لا
عقاب : خاصك تولفي على وجودها هنا ، حينت هي ضرتك
فدوى ضحكات : من وقتاش ولا عندك حس الفكاهة
عقاب فتح باب الجناح او دخل : مكنضحكش
فدوى خرجات عينيها او هضرات بصدمة: كتدوي بصح
عقاب بدا كيحيد فحوايجو : بصح (شاف فيها) مانسمعش غواتك او ماتناقشينيش فالموضوع
فدوى بدات كترجف او عينيه ساحو بالدموع : حشومة عليك فاش غلطت معاك باش تزوج عليا
عقاب : ماغلطتيش ، ولكن انا من حقي نتزوج مرة ثانية او انت مامنحقكش تسولي
فدوى تمشات جيهة السرير رجليها كيترعدو حاسة براسها ماواقفاش عليهم او الريح هازها ،جلسات عليه او دارت يديها لي كيرجفو على وجهها مغطيااه او كتبكي مامتحملاش الصدمة ، هو مشا الدرسينغ جبد حوايجو لبسهم او خرج عندها لقاها باقيا على وضعها كتبكي او تكلم
عقاب: غادي تسكتي اولا نبدل البيت
فدوى حيدات يديها على وجهها او هضرات صوتها كيرجف : دير لي يريحك(أسماء لي غادي تريحو ازين)
عقاب تما خارج ماجاوبش على هضرتها سد عليها الباب مخليها منهارة بالبكى او مشا الجناح ديال أسماء لقاها جالسة على السرير بشورط او ديبادو ، او رجليها كتحرك فيها بتوتر حتى سمعات الباب تحل او هي ضور شافت جيهتو
أسماء باستغراب: مالك جيتي
عقاب : جيت النعس
أسماء: ولكن ليوم مراتك جات كان خاصك تكون معاها
عقاب تمشى جيهة السرير : ماشي سوقك فهادشي
أسماء سكتات مجاوباتوش او رجعات كتشوف قدامها او هو دخل الفراش ، عاد حط يديه على دراعها جرها عندو او هي دخلات جنبو ، جرها عندو كثر او دار يد تحت عنقها او الثانية على خصرها او هضر بخفوت
عقاب: واقعة شي حاجة
أسماء حركات راسها بالنفي: لا مواقع والو
عقاب : مي انا ملاحظ انك ماشي حتى اللهيه
أسماء طلعات فيه عينيها كتشوف فملامح وجهو او هضرات
أسماء: شاغل بالي بابا اوحتى فدوى ملين غادي انتواجه معاها ، باين غادي يبقى فيها الحال او تقدر تقول ليا شي هضرة تضرني
عقاب طلع فيها حاجبو: بغيتي تقولي ليا بلي انت دريويشة اولا عايراتك غادي تسكتي ليها
أسماء الصمت صدمها او هو كمل كلامو : انا اخر واحد ديريها بيه عارفك لي حك عليك غادي تعطيه (باس شفايفها بوسة سطحية ) ولكن انا ماتحاوليش تكسبيني بهاد الود او اللطافة ديالك حينت ماشي هادشي لي غادي يخليك تحكميني ، كاين حوايج اخرين ، او دابا نعسي او ديري عقلك ماباغيش معاك المشاكل، خلي العلاقة زوينة فحال كي دازو هاد الأيام
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
