كتاب الأمل 💜
الجزء 115
رجع فالعشية داخل القصر فيديه بلاستيكة نيشان الصالون طل بانت ليه غير راضية او او مريم شاف فيهم بزوج او خرج من تما طلع الفوق ، فتح باب الجناح او دخل كيضور فعينيه حتى خرجات من الدريسينغ بكسوة فالأبيض حد الركبة مزيرة من الفوق او من التحت مرخوفة او شعرها مجموع ببيندة كوب شوفال التحت ، شافت فيه او شافت فيدو لي مور ضهرو او ابتاسمات
أسماء : جبتيه
عقاب دار يدو قدامو : امم جبت قربي عندي
أسماء تمشات جيهتو حتى وصلات قدامو ، هو هز يدو او حطها على شعرها من اللور او شدو بين يدو راخف عليها
عقاب: علاش قطعتي عليا
أسماء بدات كضور فعينيها : خفت نضيع للحاجة الصولد
عقاب زاد زيير شوية على شعرها حتى غمضات عينيها : ماحشمتيش تكذبي عليا
أسماء فتحات عينيها: غير كذيبة بيضة
عقاب نزل يدو او جرها عندو معنقها او كيضحك : ماباقاش تقطعي عليا ، كنت ناوي نقولك توحشتك
أسماء بخجل : ماباقاش نعاود (طلعات فيه عينيها) شري ليا تليفون
عقاب هز براسو او مد ليها البلاستيكة : حتى الغدا
أسماء شدات البلاستيكة او خلاتو او تمشات جيهة السرير جلسات او بدات كتفتح فديك البلاستيكة او جبدات بدات كتاكل او عقاب كيشوف فيها او يبتاسم
___________التحت ___________
توقفو 2 سيارات كحلين من نوع كاطكاط ، نزل الكارد لي كان سايق السيارة الأولى او فتح الباب اللوراني حتى نزلات مراة لابسة عباية فالأسود او النقاب على وجهها او شبكة كحلة مغطية عينيها او نزل موراها ولد يكون فعمر 15 السنة ، عاد من الجيهة الثانية نزل عبد الله نافخ قنانفو او كيشوف غير الفوق بينما هنية (مامات أسماء) كانت كضور فعينيها على القصر او ملامحها منباهرة من تحت داك النقاب حتى سمعات الكارد تكلم
الكارد : تفضلو
تمشى قدامهم او دخل مع الباب لي كان مفتوح او هنية داخلا هي او الولد جنبها او عبد الله قدامهم تابع الكارد حتى وصلو الصالون او دخل الكارد هو الأول
الكارد كيشوف جيهة راضية : الضياف ديال السي عقاب وصلو
راضية وقفات من مكانها باستغراب: اشمن ضياف انا مافراسيش
الكارد اكتفى بالصمت ماعندو باش يجاوب او راضية عاود تكلمات : سيفط الخدامة تقولها ليه ، او قول لناس يدخلو ماتخليهمش كيتسناو
الكارد هز براسو او ضار جيهتهم هوما كانو موراه واقفين : تفضلو
دخلات هنية حانية راسها او الولد لي جنبها ملامحو عليها الانبهار او كيضور فعينيه اما عبد الله هاداك مطلع راسو الفوق حتى دخلو الداخل او راضية كتشوف فيهم باستغراب او تكلمات
راضية :جلسو
هوما جلسو او هي خررجات من الصالون تمشي توصي الخدامات يوجدو الضيافة
بينما الفوق دقات متتالية على الباب عاد تفتح من طرف الخدامة لي ركزات بعينيها على عقاب لي كان واقف او كيشوف جيهة الباب او تكلمات بهدوء
الخدامة : الضياف ديالك وصلو اسي عقاب
عقاب هز براسو: واخا ، شكرا
الخدامة هزات براسها او خرجات سادة موراها الباب عاد شاف جيهة أسماء لي كانت مطلعة فيه عينيها او كتمضغ او تحرك راسها بمعنى شكون جا
عقاب : نوضي لبسي حوايجك انزلو ، الضياف لي جاو ، جايين على قبلك
أسماء بلعات لي ففمها او وقفات كتنفض فالكسوة : شكون
عقاب : حتى تنزلي او تشوفيهم
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
