كتاب الأمل 💜
الجزء 26
لمهم قادات ليها الإعلان او دارت فطوكوبي خرجات شي 10 باش لابغات تعلقهم فبلايص آخرين ، شكراتها او خرجات من عندها ، شدات طاكسي راجعة فحالها ، اول حاجة دارتها هي علقات الإعلان فالكتاب او رجعات الموبل ياله داخلة حتى وقف عليها الكونسياج
الكونسياج: لالة اسماء
أسماء شافت فيه: نعام واقع شي حاجة
الكونسياج: واحد السيد وصاني بلي غادي تعطيني شي وراق
أسماء هزات براسها: اه ولكن راه مزال ماسنيتش عليهم حتى نسنيهم او نزلهم ليك
الكونسياج: ولايني سيد راه قال ليا ليوم ندوزهم ليه
أسماء: فين غادي دوزهم ليه
الكونسياج: البيرو ديالو
أسماء : فين جا هاد البيرو
الكونسياج شير ليها بيديها جيهة الشارع: كاين فالطرف ديال داك الشارع راه داير شي بيت ديال العساس مبني بالألومينيوم او كبير
أسما هزات حاجبها: علاش هاداك ماشي ديال العساس
الكونسياج ضحك: لا راه ديال المدير لي مكلف بهاد الإقامة
أسماء: صافي غير تهنا انا غادي نديهم ليه ، حينت باغيا نسول على شي حاجة
الكونسياج حرك ليها راسو: واخا اللي بغيتي
هي ابتاسمات ليه او طلعات لشقتها هزات داك الملف او سدات الباب او عاود نزلات ، مشات فين نعت ليها لقات الباب مسدود او هي دق او جمعات يديها عندها كتسنى يتفتح ، حتى فتح نفس السيد لي جاب ليها الملف فصباح
شاف فيها او هضر باستغراب: كاين فاش نعاونك
أسماء مدات ليه الملف: بغيتك توجد ليا ورقة بلي غادي نخرج من ديك الشقة
جاوب باستغراب اكثر: علاش
أسماء : كنبان ليك انا عندي 50 الف ريال الشهر ، لمهم دوز ليا دوك الفلوس الكونط ديالي ، او وجد ليا العقد شي ثلات ايام او انخرج
جاوبها : واخا لي بان ليك
هزات ليه براسها او زادت راجعة فحالها
الليل 🌑
جالسة كيف عادتها قدام التلفازة لابسة پيجامة عبارة على كولون او تيشرط ديالو او شعرها مجموع كعكة مهملة ، سمعات تليفونها كيصوني او هي تهزو لقاتو رقم مجهول دوزات الخط مجاوبة
أسماء: ألو
صوت رجولي : السلام عليكم ، انا اتاصلت على ود الإعلان لي فالكتاب
أسماء تقادات فالجلسة : اه مرحبا ، كيف داير اسيدي لاباس عليك كلشي مزيان ؟
............: الحمد لله الالة
أسماء: تقدر دوز عندي غدا إن شاء الله الكتاب من مور 11 ديال الصباح غادي انتسناك ، باش نشوف واش مناسبني
..............: إن شاء الله
أسماء : إن شاء الله ، الله يعاون
............: مع السلامة
تقطع الخط او هي حطات تليفون على الطابلة قدامها او تكلمات: الله ماكنتش عارفة بلي غادي نلقاه دغيا ، (هزات راسها لسقف) ياربي تسهل ليا أمري ، يا ربي يسر ولا تعسر ، يااارب
رجعات عينيها التلفازة كتفرج ، مدة طويلة او تسمع الدقان فالباب ضارت شافت جيهتو او تكلمات : وايلي واش حتى ليوم جايا تبات معايا
وقفات غادياا جيهة الباب مستغربة
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
