كتاب الأمل 💜
الجزء 61
فرح رجعات كتشوف قدامها كتحس بهضرتو دخلات ليها مع عظامها ، هزات يديها مدوزاها على شعرها او هي كترجف او رجعات حطاتهم على الفولون او الدموع غشاو عينيها كتحس براسها فهاد اللحظة فحال شي قح**بة او بمعنى اصح هو كيشوفها هاكداك
الليل 🌑
فالقصر جالسين وسط الصالون كيتكلمو او يضحكو فيديهم كيسان ديال القهوة من غير أسماء فيديها العصير كتجغم منو او مرة مرة كتخرج من فمها شي كلمة حتى دخلو ياسين او نبيل او عقاب موراهم ، ضور عليهم عينيه حتى وصلهم لأسماء لي ابتاسمات ليه او تكلمات
أسماء: على سلامتك
عقاب هز براسو بهدوء: الله يسلمك
تمشى جيهتها او جلس جنبها او راضية كتشوف فيهم او تبتاسم فرحانة بيهم
أسماء قربات من ودن عقاب او تكلمات: توحشتك
عقاب حس بالصهدة طلعات معاه شاف فيها بصدمة او هز حاجبو او تكلم بهمس: قلت ليك راني عايق بيك
أسماء ابتاسمات او تكلمات بنفس همسو: الرسول عليه الصلاة و السلام قال { لو كنت آمرا أحدا أن يسجد لأحد لأمرت المرأة أنت تسجد لزوجها } او انا كنحاول ندير لي قال ، او بغيت نبدى هاكدا باش ربي يبارك فزواجنا او فحياتنا مع بعض
عقاب كان غير كيشوف فيها ، حينت بصح جابت ليه التمام بهاد الطريقة لي كتعامل معاه بيها او واخا يكون حجرة غادي تخليه يولف هاد التعامل الزوين او يحبها
عقاب تكلم حتى هو بهمس: نوضي تبعيني بغيتك
وقف من بلاصتو او تمشى خارج او هي ابتاسمات او تبعاتو من موراه حتى وصل الجناح ديالها دخل او خلا الباب محلول او هي دخلات موراه او سدات الباب حتى كتحس براسها تجرات من خصرها
عقاب ضورها عندو او هو كيشوف فيها مباشرة
عقاب قرب من ودنها او تكلم بهمس : او حتى انا توحشتك
أسماء ابتاسمات او هو استنشق ريحتها او حط يدو على الشال منزلو ليها بالهداوة او باغي يستمتع بكل دقيقة معاها ، يجرب المتعة لمرة ثانية او هاد المرة غادي تكون طويلة ماشي فحال أول مرة لي غير فض بكرتها او حبس
بعد عليها او شاف فيها لقاها كتبتاسم ليه واحد الابتسامة فشكل ، فحال شي واحد ناوي يقولبك
عقاب: شنو كاين
أسماء عضات شفتها التحتانية : فيا الحيض
عقاب جر شعرو بعصبية او هو كيشوف فيها : انت بنادم بعقلو كطيريه ليه ، شديت فراسي حتى عييت او شوف دابا اش وقع ليا (هز يدو كيسفق بشوية) كنهنأك ، ولكن بصح طيحتي ليا الكواري
زرب فخطاويه او خرج مخليها كضحك او تقاد فشالها او هي تم خارجة حتى هي حتى كتسمع الباب ديال الجناح ديالو مع فدوى تسد او هي تجمع الضحكة عاد طلع معاها البلان او كتحس براسها تبلونطات ، حركات خطاويها بشوية او هي كتعض على شفتها حينت فريمو ماحملاتش البلان ، او هي متأكدة بلي عقاب كان وصل لافان او دخل عند فدوى باش يبرد ، تنهدات او نزلات التحت مرفوعة لقاتهم مجموعين على الطبلة ديال العشاء شدات بلاصتها او هي تكلم راضية
راضية: فين عقاب ابنتي
أسماء شافت فيها قلبها كيضرب : ماعرفتش
راضية: كيفاش ماعرفتيش انتوما خرجتو بجوج من الصالون
أسماء عينيها غرغرو بالدموع مي مبيناتش : ماعرفتش الحاجة ، انا طلعت البيت او هو مانعرف فين زاد
راضية باستغراب: العجب
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
