كتاب الأمل 💜
الجزء 16
_____________الحاضر___________
فاقت من سهوتها او شافت فهداك الكتاب لي قدامها بتمعن ، من بعد تنهدات او هزاتو فيديها خارجة من البيت حتى وصلات الكوزينة ، جبدات طبسيل غارق ديال الطين حطاتو قدامها او شدات بريكة شعلات العافية فالكتاب او حطاتو وسط هاداك الطبسيل كتشوف فيه كيف كيتحرق او كتحس بدموعها تجمعو فعينيها
أسماء بهمس: ماقدرتش نواجه هاد الضغط كامل ماقدرتش ، عائلتي لي لاحتني لعافية بيديها او ماحناتش فيا او نهار قلت تهنيت او رجعت عندهم باش يحضنوني لاحوني ، عمرني مانسمح ليهم ولو او أنا على فراش الموت ، (مسحات دمعة نزلات من عينيها او رجعات كتشوف فهاداك الكتاب لي كيتحرق ) الشي لي داروه فيها مكانش ساهل.
خلاتو كيتحرق او خرجات من الكوزينة مشات البيتها ، حيدات العباية او الشال او دخلات الفراشها تكمشات فراسها او غمضات عينيها كتحاول تنعس
فمكان بعيد على فين كاينة أسماء او فاطراف مدينة كازة ، وسط واحد المكان باين فحال الغابة ، الشجر فكل مكان او الربيع معمر الدنيا ، كيبان وسطهم سور طويل مصبوغ باللون البني ، كان هادا السور لي ضاير على قصر الشريف
داخل هاد القصر لي مفرش بفراش تقليدي عصري فنفس الوقت ، عبارة على سدادر فاللون البيج او خديات فالأخضر ، جالس عقاب بأريحية على السداري او لايح يديه بزوج على الوسايد او راسو مطلعو الفوق ، او ساهي كيفكر ، حتى كتلتاقط الأذن ديالو صوت نسائي دلوع جاي جيهتو
.............: عقااب
عقاب تنهد او تقاد فجلستو بهدوء او هو متبعها بعينيه او هي جايا جيهتو ، بلباس النوم عبارة على شوميز دونوي فالأبيض او لابسة فوق منو بينوار خفيف مغطي جزء صغير من أردافها او كتفيها ، شعرها لونو أزعر جامعاه كعكة مهملة او على وجهها إبتسامة عريضة
وصلات عندو او جلسات جنبو كتشوف فيه او هو متبعها غير بنص عين او هضر بهدوء
عقاب: شحال من مرة قلت ليك ماتنزليش هاكدا ، حنا ماشي بوحدنا فهاد القصر
هي نفخات شنايفها او هضرات بدلع: فقت على غفلة او مالقيتكش جنبي او تشوشت عليك قلت نزل نشوفك واش جيتي
عقاب ضور راسو كامل عندها: بقاي تلبسي حوايجك هادشي لبسيه فبيتك (هز حاجبو بحدة) مفهوم !؟
هي ابتاسمات بتوتر: مفهوم
عقاب وقف او هي وقفات موراه او مشاو جيهة الدروج لي كيطلعو الفوق ،
طالعة من موراه او كتهضر بابتسامة: قالت ليا صاحبتي بلي سيفطتي رجالك خديتي شي بروش من عندهم
عقاب مجاوبش على كلامها حدو دخل الواحد من الأجنحة لي كانو فهاداك الكولوار ، او هي دخلات من موراه كتسناه يجاوبها او كتشوف فيه كينسل فحوايجو ، حتى بقى غير بالسروال عاد ضار شاف فيها
عقاب: ماشي ليك
خرجات عينيها بصدمة: ليمن
عقاب مشا جيهة الدريسينغ او هضر بصوت هادئ : لضرتك
هي زادو عينيها خرجو او صدرها ولا كيطلع او ينزل بسرعة تبعاتو برجليها فاشلين عليها حتى دخلات عندو لدرسينغ او هضرات بصوت مرتاجف: عقاب أش هاد الهضرة كتقول
عقاب لبس تيشرط او شاف فيها: كيف جاتك
هي بدات كتبكي: من بعد هاد السنين كاملا باغي تزوج عليا واش من نيتك
عقاب دار يدو على كتافها معنقها بيهم او رجع لجيهة السرير لي فالبيت: نهار غادي نبغي نتزوج ماغاديش انتسناك تعطيني درس فالضمير
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
