كتاب الأمل 💜
الجزء 111
غير سالا كلامو بانت أسماء خارجة كتجري بعبايتها او كتعكل حتى وصلات جنبو شافت ففدوى لي موقفينها الكارد او هي كتحس براسها واقفة على الريح فاشلة او حالتها بالدمايات عاد حوايجها لي مرمدين ، ضورات عينيها لعقاب لي كان كيشوف فيها مخنزر او تكلم
عقاب: شنو باغيا
أسماء كتشوف فحالة فدوى مخلوعة : شنو وقع ليها
عقاب هز رجلو ضارب فدوى لجنبها حتى طاحت كتلوى بالحريق او غوتات ربي لي خلقها ، هازة بغوتتها قلب أسماء لي قفز من مكانو او حسات بدموعها غادي ينزلو حتى سمعات كلام عقاب لي صمكها
عقاب: تاتهز رجليها بنت القح**بة الكارد
أسماء شافت فيه بصدمة حسات بالفشلة : كيفاش
عقاب عاود شاف ففدوى لي طايحة فالأرض كتبكي باشمئزاز ...مشمأز من النظرة ليها او تكلم مخاطب الكارد
عقاب :هزو عليا هاد المسخة من هنا (تفل عليها ) او الكارد هزوها جارينها او هي كيتغوت او تبكي ، عاد شاف عقاب فأسماء لي مصدومة
عقاب بهدوء: لاش نازلة
أسماء شافت فيه بعينيها او هي كترجف: طليت من البالكو او بنتي ليا او قلت نعرف اش واقع
عقاب شاف فيها بانت ليه ماتابتاش او هو يشد فدراعها متبتها ،
أسماء نزلات عينيها الأرض كتبان ليها كدور بيها او عاود طلعات عينيها فعقاب كتبان ليها صورتو مضببة او هو كيتكلم صوتو ماواصلهاش ، حتى ترخات بين يدو ، هزها بسرعة مفزوع او تمشى بخطوات سراع مدخلها القصر حتى حطها فأول بيت جا قدامو او دار يديه فجيابو جبد التليفون كيصوني الطبيبة
جلس جنبها كيشوف فيها او يتنهد حتى دخلات طبيبة ، تقدمات جيهتو او بدات كتفحصها او عقاب جنبها كيتسناها طمنو ، سالات او جمعات معداتها
الطبيبة : مابيها والو غير الضغط النفسي
عقاب : هادشي كيوقع ليها بزااف ، واش مكاينش شي حل
الطبيبة حركات راسها بالنفي: لا ، الضغط النفسي ناتج على بزاف ديال الضغوطات او هادشي غادي يبقى يوقع فينما التوتر اولا تشعر بالخوف ، فقط تحاول اتجنبهم او يكون خير
عقاب نزل عينو كيشوف فأسماء ملامحو هادئة ولكن قلبو غادي يخرج من بلاصتو عاد الأعصاب لي ركبات فيه فدوى تيحس براسو غادي ينفاجر ، عاود طلع عينو فالطبيبة لي كانت مزال كتقاد فمستلزماتها او عاود تكلم بنوع من الخوف: هي حاملة واش هادشي يقدر يأثر على الحمل
الطبيبة : شحال من وحدة كينزل ليها الجنين بسبب الخوف او مراتك عندها ضغط يعني اكثر من الخوف اتوقع اي حاجة ، خاصها الراحة التامة باش ترتاح نفسيتها
عقاب هز براسو او هي خرجات من عندو من البيت او هي دخل راضية بعكازها كيف العادة شافت فأسماء لي مسطحة على السرير بحال شي جثة فقط تنفسها لي كيثبت بلي باقيا على قيد الحياة او عقاب كيحيد ليها فالشال ، سدات موراها الباب او تقدمات جيهتو حتى جلسات من الطرف الآخر او عينيها غير على أسماء او تكلمات بهدوء
راضية : غير طلقها ماديرش شي حاجة تندم عليها (طلعات عينيها فيه او هو كانت نظراتو حادة) على قبل أسماء ، ايلا مشات حتى عرفات بلي انت قتلتي مراتك اللولة حينت خانتك تقدر تولي تفاداك او تخاف منك ، أسماء مامولفاش بهادشي او جايا من وسط نقي مكتعرفش على هاد العالم ديالنا ، عصبيتك حطها جنب او حاول تغير من راسك على ودها (ابتاسمات) او على ود الولد او البنت لي جاي يعمر علينا القصر
عقاب ملامحو طلقو او رجع كيشوف فأسماء : مرمدات ليا وجهي فالتراب او خاص تتعاقب
راضية : يكفي لي درتي حتى لدابا ، كون ما وقفتهمش كانت غادي تموت بين يديهم ، بغيت انتشاور معاك قبل مانسيفطها الكلينيك
عقاب الصمت مدة طويلة عاد تكلم : لي بان ليك
راضية ابتاسمات او وقفات من بلاصتها : مبروك عليك اولدي ، تهلى فمراتك او حاول تمحي هاد الوجه الخايب لي عندك
خرجات او هو بقى كيشوف فأسماء او كيدوز على شعرها بحنية او تكلم بصوت هامس : من نهار تزوجتك او انا هاز ليها الهم او هي مادارتش بوجه العشرة او شافت غير راسها (باس على راس أسماء او همس جنب ودنها) من ليوم انت لي كاينة او عمري نحرق قلبك من جيهتي
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
