كتاب الأمل 💜
✒️Doaa Am-y ✒️
{فكرة القصة ✓ Imane Jihani ✓}
الجزء 127 ⚡ الأخير ⚡
🌼 بعد 5 سنوات 🌼
داخل الصالون جالسة راضية بين يديها بنوتة تكون فعمر سنة واحدة كضحك ليها او كتطلق فدوك النغنغات ديالها ، جنبها مريم حتى هي كضحك او من الجانب لاخر سوسن شادة فصبيعاتها او تكلمات
سوسن: مرات ولدي ولدات الزين ديال العائلة
مريم عقدات حجبانها بتذمر : ايوا انت ايلا مراات ولدك ولدات ليك وحدا انا ولادات زووج رجال ديال القصر (رفعات صوتها) زيييد ،فااارس
في ساع دخلو جوج وليدات كيجريو واحد فعمر أربع سنوات او لاخر ياله كيجري شوية تابع خوه فعمرو سنتين ، تلاح عليها زييد (لي فعمرو 4 سنين) او بدات كتعنق فيه او تبوس عاد وصل فارس شداتو باليد لاخرى او شافت فسوسن كتقلي ليها السم
راضية شافت فيهم بجوج : ديرو عقلكم حتى الدراري الصغار كتبانو بيهم
مريم قلبات عينيها : هي لي كاتقول ليك ولدها جاب الزين (شافت فيها) غادي نقول لأسماء تزيد شي بنوتة تكون كتشبه ليها الشعر كحل مسبسب او العوينات مشفريين او الحناك موردين ، او بشرتها كتشقشق بالبيوضة ، تحمق ليا البشار ، تولي لي شافها يقول منها نخلاق
سوسن كتميقها : حطي ليها انت تصويرة مرلين مونرو توحم عليها تولد شي ملكة إغراء مغربية
راضية بعصبية : سكتونا يعطيكم الفرااكع ، نفختو ليا راسي باللغا
مريم او سوسن شافو فبعضياتهم او سكتو او هي تم داخلا رنيم لابسة كسوة طويلة حتى التحت فاللون الرمادي او شعرها مجموع او جنبها ياسين جلسو جنب بعضياتهم ، بنتها غير شافتها حيدات من حضن راضية او تمشات جيهاها بالهداوة حتى وصلات عندها او مدات يديها حتى هزاتها رنيم كضحك
رنيم : بنتي الغزاالة
بنتها تخشات فيها تعنق فيها او ياسين كيشوف جيهتهم او يبتاسم
نخليو الصالون او نطلعو الفوق عند عشاقنا أسماء جالسة على الفوطوي او عقاب واقف قدامها كيشوف فيها او هي نافخة قنانفها
عقاب بنبرة كيحاول يقنعها : اش فيها لا عاودتي درتيه
أسماء : باغي تخفي ليا جمالي
عقاب طلع فيها حاجبو : من نيتك ياك كلشي فيك ديال راجلك اش فيها لا تغطيتي من عينين لاخرين او بقيت كنشوفك غير انا
أسماء قلبات عينيها : مابغيتوش اعقاب ، مامقتانعاش بيه ، او مابغيتش نعاود نديرو بزز مني فحال شحال هادي او نفكر نعاود نحيدو
عقاب جلس قمازي قدامها او حط يديه على ركابيها : شوفي فيا (هي شافت فيه) فكري فالموضوع انا مكنجبركش (ابتاسم ) غير بغيتك تكوني كلك من حقي بوحدي (دوز يديه على حناكها بلمسة حنينة) او مكنتحملش يشوف فيك شي واحد بنظرة إعجاب لملامحك ، تقدري ديريه غير على برى او فالقصر حيديه مكاينش مشكل
أسماء شافت فعينيه لي كانو كيشوفو فيها بحب او عضات شفتها او كتفكر فالموضوع
أسماء : غادي نديرو ، ولكن كيف قلتي غير على برى فالقصر لا
عقاب هز براسو فرحان بموافقتها او طلع راسو شوية حتى لمسو شفايفو شفايفها ، او جرهم بهدوء كيتلذذ بيهم بحركات بطيئة او هي متجاوبة معاه واخا مع مرور السنين مزال كيقضي عليها فهادشي حينت كل مرة كتعرف حاجة جديدة ولكن على الأقل كتقنعو بتجاوبها او كتخلي ديك النطفة ديال الحب لي فقلبو من جيهتها كتكبر نهار على نهار
بعد عليها الابتسامة على شفايفو : شكرا
أسماء بخجل : علاش شكرا
عقاب : على كلشي على دوك جوج وليدات او على الفرحة لي دخلتي القلبي (ابتاسم) اش بان ليك انزيدو الثالث
أسماء خرجات عينيها : من نيتك
عقاب وقف او هزها من على الفوطوي : غادا او كتقالي نقسي الماكلة راه غادي انتزوج عليك
أسماء ضرباتو لصدرو : بااسل
عقاب حطها على السرير او بدى كيحيد فتيشرط لي لابس: هاحنا غادي نشوفو البسالة
سالا او نزل عندها غادي يحط شفايفو على شفايفها حتى حطات يديها على فمها او ناضت كتجري الدوش تبعها يعرف مالها حتى كيسمعها كترد او هو يتكلم بصوت عالي باش تسمعو
عقاب كيضحك : عاد نويت اأسماء ، ديما كنقولك ماتغفليش على البيلول
💜🔥 الـــنـــهــــايـــــــة 🔥💜
مع السلامة انتلاقاو فقصة جديدة ان شااء الله 😙♥️
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
