كتاب الأمل 💜
الجزء 114
وصل العصر او هي تفيق ست الحسن ضورات عينيها على البيت او تنهدات ، ناضت من السرير او تمشات جيهة الدوش توضات او خرجات صلات لي فاتها ، دارت رجليها فصندالة كانت تما او تمشات خارجة من داك البيت او كضور فعينيها حتى وصلات لصالون او دخلات كتخطوي خلات الكل يهز فيها عينو
راضية : زيدي ابنتي
أسماء هزات براسها او شافت فسوسن او مريم كتبتاسم ليهم او تقدمات جيهة راضية جلسات حداها ياله بغات تهضر او هي تسمع مريم كتكلم
مريم: مبروك عليكم ابنتي ، يتربى فعزكم
أسماء حناكها توردو بالخجل او تكلمات بخفوت : الله يبارك فيك
سوسن ضحكات ليها : مبروك ابنتي
أسماء شافت جيهتها : شكرا
ضورات راسها عند راضية لي كانت كتبتاسم ليها او قربات جيهة ودنيها او تكلمات بهمس
أسماء: الحاجة بغيت نسولك
راضية هزات براسها : سولي ابنتي
أسماء بلعات ريقها او تكلمات بإحراج: نلقى المشماش فالكوزينة
راضية ضحكات: ماشي وقتو ابنتي ، ماغاديش تلقايه
أسماء عضات شفتها لي مزال كضرها : عطيني تليفونك
راضية هزات التليفون من على الطابلة او مداتو ليها
أسماء شدات تليفون: باش مقيدة عقاب
راضية ابتاسمات: بسميتو
أسماء هزات براسها او وقفات خارجة من الصالون او راضية شافت فسوسن او مريم كضحك : ليوم عقاب غادي يتسارى على كازا كاملة
مريم باستغراب: علاش
راضية مزال كضحك: مرت ولدك بغات المشماش
سوسن طلقاتها بضحكة عالية : واهادا هو الوحم والا فالا
بقاو كيضحكو او هي لي خرجات طلعات الجناح ديالها دخلات ليه او هي كتقلب على نمرتو حتى لقاتها او هي تدوز الخط او حطاتو على ودنيها كتسنى يجاوب ، حتى تسمع صوتو من الهاتف
عقاب : ألو الميمة
أسماء بدات كضور فعينيها او تكلمات بهدوء: انا أسماء
عقاب بدل نبرتو: بيك شي حاجة
أسماء جلسات على السرير او تكلمات بخفوت: بغيت نطلب منك تجيب ليا شي حاجة
عقاب : واخا
أسماء عضات شفتها : بغيت المشماش
عقاب بان فنبرتو الاستغراب: ماشي وقتو هادا فين غادي نلقاه
أسماء هزات كتافها فحال ايلا كيشوفها : ايلا ماجبتيهش بلا مايجي وجهك قدام وجهي (قطعات)
بينما هو عندو شاف فالتليفون كيشوف فالخط لي تقطع او عض شفتو مزيير عليها او تكلم : ملين غانجيب هاد المشماش ، توحمي غير على شي حاجة كاينة فهاد البرد أ أسماء
حط التليفون على البيرو لي كان كبير فلون الخشب المحروق او دار يديه على جنابو كيغزز فشفتو او يفكر ، طلق يديه او وحدا دارها فجيبو او حرك خطاويه خارج من البيرو كيتمشى فالكولوار حتى وصل لراس او عيط على الكارد بيديه او هو تم جاي عندو كيزرب فخطاويه حتى وقف قدامو
عقاب : سير شوف ليا شي واحد كيحتافظ بالفواكه فالفريگو شوف واش عندو المشماش
الكارد هز براسو : واخا اسيدي
عقاب تفكر هضرتها لخرة او هضر فوق النفس: ماترجعش عندي بيديك خاويين
الكارد هز براسو او تحرك من قدامو او هو بدى كيحك على لحيتو بيديه لسانو كيضور على شفايفو عاد تمشى راجع البيرو او هو كيتنهد او يهضر مع راسو : او قطعات من الفوق ، فأخر يامك ولات تقولك جيب اولاما جبتيش ماتشوفش وجهي ، التهديد بطريقة غير مباشرة كملاتها قطعات كون ما كنت عارفها كتوحم كون مشيت طيرت لمها راسها
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
