كتاب الأمل 💜
الجزء 60
فدوى بالصدمة طاحت ليها الفرشيط من يديها مي ماهضرات ماتكلمات كتحاول تبقى مكالميا ، حدها طلعات عينيها فأسماء او رجعاتهم لطبسيلها
راضية شافت فيها غير بقنت عينيها : واخا ابنتي
سالا عقاب ماكلتو او وقف من بلاصتو او هي تهضر أسماء مطلعة فيه عينيها : عقاب
عقاب ضار شاف فيها : نعام
أسماء: انا خارجة مع الحاجة ، نبغي تكون فراسك
عقاب هز براسو : ماتعطليش
فدوى تاهيا كتعاند : حتى انا اعقاب بغيت نخرج
عقاب حول ليها عينو : ماتخرجيش بوحدك
فدوى ابتاسمات: واخا
عقاب هز براسو او دار يديه فجيابو او تما خارج او تابعو نبيل او ياسين
فدوى شافت فمريم بابتسامة : حماتي غادي نخرجو انا وياك
مريم شافت فيها كتبتاسم : غير نساي عليك الخروج ليوم حينت كلنا غادي نمشيو مع أسماء(شافت فأسماء) من بعد ما نختارو الطنوبيل بغيتك تمشي معايا لشي بوتيك ، عجبني لباسك بغيت نشري فحالك ، يور ستايلز إيز بوتيفول
أسما بابتسامة : مرحبا
كملو ماكلتهم او فدوى كتخنزر فيهم ، كينخلو فيها ماحملاتش الوضع
نبعدو على القصر او نمشيو لوسط المدينة ، سايقة فرح طنوبيلتها فهدوء او كدندن مع الاغنية لي طالقة بسعادة حتى كتلمح عينيها يوسف واقف جنب الطريق او كيشير على الطاكسيات ، زادت فالسرعة شوية حتى وصلات قدامو او هي تفراني عند رجليه او نزلات الزاج كطل عليه او هو كيشوف جيهتها باستغراب حتى تكلمات
فرح ببلاهة : مال الزين واقف هنا بوحدو
يوسف هز حاجبو : كتحرشي بيا
فرح ضحكات: طلع نوصلك طلع
يوسف برفض: غير سيري غادي انتسنى شي طاكسي
فرح جمعات حجبانها : تا طلع اساط من الهضرة الخاوية نوصلك ، عجباتك هاد التحشيرة على الصباح ، راه ماغاديش تلقى طاكسي فهاد الوقت ، كلشي غادي لخدمتو
يوسف شاف حتى عيا او حل الباب او ركب جنبها دار السانتر او بدا كيشوف قدامو او فرح ديمارات الطنوبيل او هي كتهضر
فرح : فين كنتي
يوسف كيشوف قدامو : كنت بايت عند واحد صاحبي
فرح : او فين غادي
يوسف: لداري
فرح: او مالك ماصبرتي حتى العشية عاد جيتي من عند صاحبك
يوسف شاف جيهتها جامع حجبانو: كترتي الأسئلة اولا جاب ليا الله
فرح شافت فيه او قربات وجهها من وجهو كتشوف فعينيه مباشرة : انا كنغير على الزين تاعي ، خاص نعرف فين كتمشي او فين كتجي
يوسف بعد وجهو: وقفي
فرح كتشوف فالطريق: غير خلي نوصلك
يوسف هضر بعصبية : قلت ليك وقفي
فرح شدات الفران او شافت جيهتو بان ليها مخنزر او مكشكش عليها: عارفة بلي هادشي لي كديري فيه كيتحسب فميزان سيئاتك ، انك كتقربي من رجل ملتزم او متم بدينو، انت كلك ذنب ، لبسك كي داير، كلشي باين او الواحد واخا يبغي يغض بصرو غادي يلقى راسو تابعك بعينو ،او ذنوبو على رقبتك الى يوم الحساب ، كون كنتي محجبة او عارفة بينك او بين الله كنت انا بنفسي غادي ندير ليك قيمة ، او الحشمة ديالك غادي تخليني نحتارمك، اما بهاد اللباس كلشي غادي يبغيك غير نزوة او شهوة،البنات فحالك انا ممنشوفش فيهم ، كلكم فحال فحال
نزل من الطنوبيل او زدح الباب على جهدو خلى فرح تقفز او تفيق من صدمتها
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
