كتاب الأمل 💜
الجزء 99
مع كملات كلامها تمات داخلة فرح لابسة كسيوة حجابية فالغوز بارد او دايرا شال فالأبيض او على وجهها ابتسامة
فرح: السلام عليكم
أسماء طلعات فيها عينيها او هي تصدم : فرح
فرح شافت فيها او قربات منها سلمات عليها بلابيز عاد بعدات كتبتاسم : كي جاني
أسماء كطلعها او تنزلها بفرحة: كتحمقي
راضية : جاك غزال ابنتي
فرح شافت فيها : الله يكبر بيك الحاجة
تمشات جيهتها او جلسات او ضار بيناتهم حديث طويل حتى وصل وقت الغداء ، تجمعو على الطابلة او انضمت ليهم فرح لي مكانتش معاهم فالمجمع جلسات جنب عقاب او حداها فرح عاد أسماء او رنيم من الجيهة لاخرى حدا ياسين ، عاد تم داخل يوسف لابس سروال بيض او قميجة بيضة او الفيست الفوقانية بالرمادي ، جلس جنب رنيم بلاما يطلع عينو فحتى واحد ماباغيش يشوف ففدوى ، عاد هوما باشرو فأكلهم ، بينما فرح ملين شافتو نزلات عينيها بسرعة لصحنها او بدات فأكلها او هي كتحس بيديها كيتفتفو ماقادراش تحكم فيهم
من بعد ما سالاو ناضو راجعين لصالون او يوسف تما خارج حتى وقفاتو راضية
راضية: غير كمل معانا الجلسة اولدي الخدمة ماغاديش تهرب
يوسف شاف فيها : غير خليني نمشي الحاجة
راضية بأمر : زيد من الهضرة انت واحد من العائلة
يوسف تنهد بقلة حيلة او تبعها حتى جلس جنب ياسين جات عينو نيشان على فرح بديك اللبيسة خلات عينيه يخرجو بصدمة ماتوقعش تلبسو ، زائد بين جمالها اكتر ، كان بغى يمعن النظر ولكن دينو كيحتم عليه يغض بصرو او يحتارم حرمتها الشي لي خلاه ينزل عينو او يشارك معاهم الحديث فهدوء تام
اما أسماء او عقاب هادوك كانو طلعو الجناح يرتاحو ،
حيدات عبايتها او جبدات بيجامة كتلبسها او عقاب حتى هو بدل بقى غير بشورط او دخل وسط الفراش كيتسناها تسالي ، حتى دخلات حداه ، تقلب على جنبو او شاف فيها
عقاب: كتحسي براسك عيانة
أسماء غمضات عينيها : شوية
عقاب: ملاحظة بلي هاد الأيام وليتي كتنعسي او تاكلي بزاف
أسماء فتحات عينيها فيه : لا
عقاب : وقتاش آخر مرة جاتك لي غيگل
أسماء بلعات ريقها : فات وقتها شوية
عقاب هز براسو: ملين تفيقي نمشيو عند الطبيب
أسماء بانت بسمة على وجهها او قربات منو معنقاه ناسية بلي مخاصمين او تكلمات بفرحة : زعما نكون حاملة
عقاب بهدوء او زاد ضامها عندو اكتر: ممكن
أسماء بحماس : كنتمنى
زادت تمخشات فيه اكتر او هو بانت البسمة على شفايفو ماكرهش شي بيبي منها يعمر عليهم او يزيد يوطد علاقتهم ، تنهد بصوت مرتافع ملين تفكر فدوى حينت ولا ملاحظ بلي ولا كيحسبها مكيناش گاع
وصل وقت العصر او ناضت أسماء كضور فالبيت بفرحة صلات او جبدات عبايتها او مشات عند عقاب كتحرك فيه حتى حل عينيه
أسماء كتبتاسم : نوض قلتي غادي نمشيو لطبيب
عقاب ناض من بلاصتو مشى لدوش او خرج ، صلى حتى هو او مشى هز حوايج لي جبدات ليه كانو عبارة على سروال جينز او بودي فالأسود لبسهم او ضار كيشوف فيها جالسة على الفوطوي او باين فيها فرحانة خلاتو يبتاسم بلا هواه
عقاب: ياله
أسماء وقفات هازة صاك أسود فيديها او تمشات حتى شدات فدراعو او خرجو على برى ركبو فالطنوبيل او ديمارا خارج من القصر فاتجاه عيادة نسائية حتى وصلو
نزلو من الطنوبيل او أسماء غادي طير بالفرحة او عينيها كيبريو او كتمنى تكون بصح حاملة ، حتى دخلو الداخل خادو موعد او جلس على كرسي او هي جنبو كيتسناو طبيبة تسالي باش دخل هي
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
