كتاب الأمل💜
الجزء 81
الليل 🌑
مجموعين فالصالون كيف العادة غير فدوى لي غابرة حتى تسمعو خطاوي عقاب او معاهم خطاوي آخرين ديال الطالون خلاو أسماء تعقد حجبانها او يجي فبالها أنو جاي هو أو فدوى ، تقادات فالجلسة او تكات بيديها على الوسادة كتشوف فمريم جنبها ، حتى تسمع صوتو فالباب
عقاب: السلام عليكم
الكل: عليكم السلام
راضية كتشوف فالبنت لي جنبو : شكون هادي
عقاب شاف فالبنت: رنيم غادي تبقى معانا شي أيام هنا فالقصر
أسماء ضارت جيهتها كطلعها او تنزلها بعينيها كانت لابسة كسوة فالصفر فيها كاروات بالأزرق او شعرها طالقاه مع نظارات فعينيها ، زيد عليها باقيا صغيرة ، طلعات عينيها فعقاب لي كان متبع شوفاتها او هضرات
أسماء: او علاش
عقاب تمشى جيهتها او رنيم تابعاه حتى جلس او هي تجلس جنبو كتشوف فيهم او هوما أيضا باغيين يعرفو شكون او علاش جايبها
عقاب: رنيم بنت صاحبي هو لي مسيفطها على وديت باغيا تكمل قرايتها هنا ، او بينما يلقى ليها سكنة ، غادي تجلس معانا
أسماء رجعات كتشوف فرنيم لي كضور فعينيها كتبان هادئة بزاف او رجعات كتشوف قدمها مادوات ماتكلمات حتى سمعات صوتها
رنيم: عقاب بغيت النعس
عقاب شاف فيها : خلي حتى تعشاي
رنيم هزات براسها : واخا
أسماء مخاطبة رنيم: شحال فعمرك
رنيم شافت فيها: 18 اخالتي
أسماء ابتاسمات: بطول العمر ، عقاب عمرو 36 حتى هو عيطي عليه بعمي
رنيم شافت فعقاب او بانت الابتسامة على وجهها: نو عقاب كيبان باقي صغير او شباب
أسماء طلعات تخنزيرة او غززات سنانها او سكتات بينما مريم لي كانت متبعة لبلان طلقاتها بضحكة خلات كلشي يتلفت ليها منهم عقاب لي فهم علاش كضحك
مريم قربات من أسماء كتهضر حنب ودنيها بهمس: تلقاي السلاك مع فدوى او ماتلقايهاش مع هاد البرهوشة ، ايلا شداتها المراهقة على عقاب
أسماء زادت خنزرات او هي كتسمع فكلامها او هي تنوض غير نوضة حتى وقفات قدام عقاب او دفعاتو بيديها جنب او جلسات بينو او بين رنيم خلاتو غير كيشوف
أسماء بخفوت: نلقاك هاد المرة جنبها غادي انتفاهمو
عقاب جابت ليه التمام النيت ، واش غايرة من رنيم ، هو كيشوف الدرية باقيا صغيرة او فحال بنتو
من بعد العشاء وقف عقاب او حتى أسماء غادي يخرجو او هي تهضر رنيم لي كانت باقيا جالسة
رنيم: عقاب تسنى توصلني البيتي
أسماء ضارت عندها مخنزرة او هضرات بعصبية: الخدامة غادي تديك تنعسي
شدات فدراع عقاب او تمشات جاراه حتى طلعو الفوق عاد طلقاتو او بدات كتحيد فالشال ديالها او تنگر تحت نيفها حتى حسات بيدو ضارت على خصرها او نفسو كضرب فعنقها
عقاب: رنيم باقيا صغيرة مكاين لاش تعصبي
أسماء ضارت عندو مخنزرة: ياكما ناوي حتى هي تزوج بيها
عقاب هز حاجبو: من نيتك
أسماء حيدات يديه من خصرها : اه من نيتي
ضارت تاني عطاتو بالظهر او نسلات العباية بقات غير بشورط او ديباردو او تمشات جيهة السرير ، دخلات البلاصتها او تكمشات مخلياه متوشي
تنهد او بدى حتى هو كيحيد فحوايجو او دخل الدريسينغ بدل او دخل جنبها تغطى او دار دراعو فوق راسو او غمض عينيه ، بينما هي كانت كتغدد او كتسنى فيه ينفي الفكرة لي جات فبالها ، جاب ليها الله غادي يوقع ليها فحال كيف وقع مع فدوى ، دخلات غير ضيفة او فالآخر تزوجات بيه ، او لي زاد الطين بلا ان البنت صغيرة او زوينة ، عقلها او ماقال ليها
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
