كتاب الأمل 💜
الجزء 54
صباح جديد 🌤️
فتح عينو هو الأول كيحس بالثقل فالجيهة اليمنى ديالو ، ضور راسو بالعرض البطيئ كيلقى أسماء مخشية تحت باطو او موسدة يدو ، ناعسة مجايبة لدنيا خبار ، حرك صباعو بشوية باش مايحركهاش او كيحس بيديه منملة عليه ، رجع عينو كيشوف فوجهها لي مخبي بالشعر لي متانثر عليه ، تنهد او هز راسو كيشوف فالسقف او أكثر حاجة شاغلة بالو هو كيفاش هي باقيا بنت
وسط تفكيرو كيحس بيها تحركات ، شاف فيها لقاها فتحات عينيها ، او ياله شافت جنبها لقاتو كيشوف فيها او هي طلع معاها الحمورية
أسماء بصوت ناعس: صباح النور
عقاب بهدوء او صوتو باقي مبحوح بالنعاس عطا واحد النغمة زوينة : صباح النور
جر يديه عندو بدا كيحركها او هي بقات متكية فبلاصتها غير كتشوف فيه ماعاوداتش هضرات حتى كيبان ليها خرج من الفراش صولو ، الشي لي خلاها تغمض عينيها حتى سمعات الباب ديال الحمام تسد عاد فتحاتهم ، ناضت جلسات كتشوف جيهة الحمام او الغطا طاح مخلي جسمها العاري يبان ، يديها هزاتها كتجمع بيها شعرها ، عاد ناضت مدلية رجليها من السرير جارا معاها ليزار كتلويه عليها ، شافت جيهة البلاصة فين كانت ناعسة كتبان ليها بقعة ديال دم تما ، تنهدات او حطات رجليها على الأرض ،وقفات كتحس بموس طلع معاها خلاها تطلقها صوتها بجهد او رجعات جلسات كتغبن او تدوي
أسماء: ناري شحال غادي نبقى فحال هاكدا راه خاصني نمشي الكتاب ، او انا ماقادرة حتى نوقف
خرج عقاب من الدوش ملوي فوطة على خصرو او تكلم : مالك
أسماء ضورات غير راسها شافت فيه عينيها مدمعين : تقصحت ، هادشي غير قلت ليك بشوية
عقاب تمشى جيهتها هزها او ضار راجع الحمام : هادشي عادي النهار اللول ، دوشي غادي تحسي براسك مزيان
دخلها حتى حطها فكرسي كان فالحمام او بدا كيعمر فالجاكوزي او هو واقف جنبها مكيشوفش جيهتها حتى عمر الجاكوزي او ضار عندها حط يديه على ليزار باغي يحيدو ليها او هي تحط يديها على يديه حابساه او هو يشوف فيها
أسماء مطلعة فيه عينيها : غير خليك انا انكمل الراسي
هو هز ليها براسو او خرج ساد معاه الباب او هي عاد طلقات داك ليزار او تضاربات حتى دخلات الجاكوزي عاد بدات كتحس بالألم لي تحتها كيخف او بدات كتنهد بارتياح
من بعدما سالات التدواش ، لبسات بينوار او حطات الفوطة على راسها او خرجات كتمشى غير بزز فكل خطوة كتحس بالضوء كيضربها ، خرجات لقاتو لابس او جالس على السرير كيشوف جيهة الحمام فحال ايلا كان كيتسناها غير بانت ليه خرجات او هو يهضر
عقاب: لبسي حوايجك بغيت نهضر معاك
أسماء هزات براسها او تمشات جيهة الدريسينغ كدير ديك المشية العجيبة ديالها حينت مألمة او عقاب متبعها بعينيه حتى اختافات من أمامو، رجع كيشوف قدامو او يديه شابكم كيتسناها حتى خرجات لابسة كسوى فالشيبي مع شال فنفس اللون او الطالون فيديها باج حطاتو فالأرض او زادت عندو حتى جلسات جنبو
عقاب شاف فيها حجبانو ملاقيين باستغراب: كيفاش باقيا بنت
أسماء نزلات راسها كتشوف فصبعان رجليها او تكلمات بتوتر: السيد لي كنت مزوجة بيه عمرو قرب ليا
عقاب زاد استغرب : علاش
أسماء شافت فيه : كان كبير فالسن او فكاع المرات لي قرب مني مكانش كيقدر يفض بكرتي
عقاب بقا غير كيشوف ، نسبيا توضحات ليه الأمور او بدى كيفهم أش واقع ، وقف من بلاصتو او شاف فيها : ياله نزلو نفطرو
أسماء وقفات او دارت الطالون فرجليها
*يتبع
ВИ ЧИТАЄТЕ
كتاب الأمل 📖مكتملة📖
Романтика💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
