كتاب الأمل 💜
الجزء 25
فرح : هي غادي تخرجي ليوم تقلبي على شي دار
أسماء: غادي نمشي الكتاب او نرجع انتغدى ان شاء الله عاد نمشي نوصي السمسار انا هادشي ديال خمسين الف مامسلكنيش(وقفات) نوض نوجد الفطور حتى انت غادي تبغي تمشي لخدمتك
فرح هزات براسها او هي مشات الكوزينة قادات الفطور او رجعات كتحطو فالمراح فطرو بجوج او لبسو حوايجهم كل وحدا شدات الوجهة ديالها ، فرح مشات الجمعية او أسماء مشات الكتاب
___________
جالسة وسط الكتاب هي او العيالات على شكل دائرة منهم الأرض او أسماء كتشرح او لي مافهماتش كتوقفها او تسولها حتى تسمع الدقان على الباب ، وقفات من بلاصتها او شافت فيهم
أسماء: لي عندها شي سؤال تكتبو بينما نجي
هزو ليها براسهم او هي خرجات تشوف شكون فالباب حتى لقاتها راضية او شاد فيها نفس الراجل ، ابتاسمات ليها او قربات سلمات عليها
أسماء: دخلي الالة راضية
راضية كتبتاسم: قلت ندوز عندك نسولك واش فكرتي فالموضوع عاد نمشي ابنتي الجمعية ، حتى انا عندي شغالي
أسماء بابتسامة: قابلة الالة راضية ، ولكن غادي تفوتي ليا هاد الأسبوع بينما نلقى لي تعاوني
راضية : درتي الصواب ابنتي ( حطات يديها على دراعها كطبطب عليها بحب )علقي إعلان بلي محتاجة لي يساعدك او يجيب الله التسير(جرات يديها ) هاكدا غادي تلقاي دغيا
اأسماء هزات براسها: إن شاء الله
راضية ابتاسمات ليها او مشات فحالها او هي رجعات الداخل كملات معاهم الدرس
من بعد سدات الكتاب مشات عند أقرب سمسار وصاتو على شقة بموصافات لي بغات للرهن ، او شدات طاكسي تاني لعند فرح
بعد مدة كانت تما دخلات لعندها كتبتاسم لقاتها حاطا الماكلة قدامها كتاكل ، لقات السلام او جلسات على كرسي قبالتها او دارت يديها معاها كتاكل حتى سالاو او ناضت فرح جمعات داكشي او جلسات قدامها كتشوف فيها
فرح: مالك جيتي ماشي كنت ناوية تمشي عند السمسار
أسماء: مشيت وصيتو او جيت عندك محتاجاك
فرح: فاش
أسماء: عندك لامپريم
فرح باستغراب: اه عندي علاش
أسماء : بغيتك تخرجي ليا واحد الإعلان نعلقو فالكتاب (ضورات الپيسي عندها ) هانا غادي نكتبو او خرجيه ليا
بدات كتكتب او فرح كتشوف فيها : ديالاش هاد الإعلان
أسماء مركزة مع الپيسي: محتاجة شي واحد يعاوني يكون دارس علم القرءان
فرح زادت استغربت: علاش
أسماء هزات عينيها شافت فيها او رجعاتهم الپيسي: حتى نسالي هادشي او نشرح ليك
فرح هزات براسها او هي كملات كتابتها حتى سالات او ضورات ليها الپيسي
فرح بدات كتقرى فداكشي لي كتبت او جرات كابل برونشاتو فالپيسي كتقاد داكشي او تهضر
فرح: شتك باغيا راجل ماشي بنت
أسماء: غادي ندير دراري صغار السبت او الاحد او قلت فالصباح يكونو البنات انا لي نقريهم او فالعشية الدراري نجيب ليهم راجل ماجاتش تقريهم بنت
فرح هزات فيها راسها: ملين طاحت عليك هاد الفكرة تاني ، ياك كنتي مابغياهمش حينت صعاب
أسماء حطات مرفقها على البيرو او يدها تحت دقنها: جات عندي واحد المراة قالت ليا عندها شي ولاد صغار بغات تقريهم او غادي تخلصني عليهم زائد حتى هادا لي غادي يعاوني غادي تخلصو من عندها
فرح : عندها شي جمعية
أسماء: اه
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
