كتاب الأمل 💜
الجزء 28
...........: يوسف
يوسف هز عينو جيهة الصوت او ابتاسم ، أما أسماء ضورات راسها غير بشوية حينت الصوت جا من موراها او هي متأكدة بلي هاد الصوت دايز على ودنها ، توضحات الصورة قدامها او بان ليها عقاب بوقفتو المعتاذة او ملامحو الباردة كيشوف جهة يوسف ماعاطيهاش الأهمية
يوسف: سي عقاب
عقاب قرب عندو او مد يديه ، او حتى يوسف مدها مصافحو على وجهو ابتسامة عريضة
يوسف: بان ليا باقي ماتحلش المشكل فهاد الإقامة
عقاب بحجبان معقودين: تماما
يوسف هز براسو : الله يسر الأمور
عقاب هز براسو او عاد ضار جيهة أسماء شاف وجهها او هو يزيد يجمع تخنزيرتو او هضر مخاطب يوسف
عقاب: ماعرفتيناش
يوسف ابتاسم: انا شخصيا مزال ماعرفهاش (شاف فأسماء) ولكن نعرفك على سي عقاب كنت خدام عندهم فالقصر
أسماء ابتاسمات ابتسامة صفرة او شافت فعقاب لي كان بدورو كيشوف فيها : مشرفة أسسي عقاب ، أنا أسماء
عقاب هز ليها براسو او رجع شاف فيوسف: مزال مقصح راسك او ماباغيش ترجع
يوسف نزل عينيه: آخر كلامي قلتو (رجع شاف فيه) كنتمنى ماتعاودش تحرجني بطلبك نرجع
عقاب حرك راسو : لي بان ليك
رجع شاف فأسماء مخنزر او تحرك ركب فسيارتو ، خلاها متبعة ليه العين حتى هضر يوسف
يوسف : اختي أسماء
أسماء شافت فيه : انعام
يوسف: بغيت نعرف واش غادي تقبليني فهاد الخدمة
أسماء ابتاسمات: مقبول اخويا يوسف ، انا محتاجة ليك هنا فالكتاب ، لمهم الأسبوع الماجي غادي تبدى إن شاء الله ، غادي تبقى تجي السبت او الاحد فالعشية من بعد او نحدد الوقت حينت مزال عندي القضية مخربقة ، غادي تقري وليدات صغار سنهم بين 6 سنين او 13 هادشي على حساب ماقالت السيدة أما بالنسبة لصالير ، مزال ماعارفاش حينت ماشي انا لي غادي نخلصك ،غادي تخلصك السيدة لي جايبة لوليدات ، حتى اتفاهم انت وياها ، بعدا واش قادر تقري دراري صغار
يوسف : ضروري ماغادي تكون فالأول صعوبات ولكن مع الوقت غادي نولف
أسماء : إذن تفاهمنا ، مبروك عليك الخدمة ، لمهم الرقم ديالي عندك ايلا بغيتي شي استفسار مرحبا
يوسف ابتاسم: شكرا
مشا تحرك من قدامها او هي تنهدات ، مشات لداك الإعلان لي معلق حيداتو او دخلات هزات صاكها ، سدات الكتاب او تمشات راجعة لدارها
عند عقاب لي كان واقف فراس الشارع قدامو بزاف ديال لي كارد ، كيتجاوز عددهم العشرين ، داير يديه فجيابو او كيشوف فيهم بحجبانو المعقودين
عقاب: خليو عينيكم على كلشي او لي شكيتو فيه يدردب يمشي فحالو مايبقاش هنا ، زائد شي واحد ماعندوش بطاقة كدل على أنه كيسكن فهاد الإقامة مايدخلش مع الشاارع ، واش مفهوم
الكارد بصوت واحد: مفهوم
عقاب هز براسو : مزيان ، اولا وقعات شي حاجة او وصلاتني الخبار(زير على سنانو) غادي نطير ديلمكم ، حينت انا مكنخدمش الرعاوين
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
