كتاب الأمل💜
الجزء 84
سبقات يد ياسين لي كان موراها او شدها بسرعة مرجعها عندو حتى لسق ظهرها مع كرشو او راسها عتد صدرو ، او بقوة مكانت مخلوعة طيح او ديك الفزعة لي فيها ، غير حسات براسها شدات توازنها او هي ضور عندو معنقاه مخلية أسماء او عقاب فبلاصتهم كيشوفو مصدومين
أسماء تمشات طالعة مع الدروج: خرجات سالمة
رنيم طلقات من ياسين او طلعات فيه عينيها كيلمعو بالدموع : شكرا
ياسين هز براسو او هو متبع تفاصيل وجهها متوشي: هانيا
رنيم بدات نازلة حتى وصلات عندو أسماء او شدات فيها باقي كتحس بقلبها كيضرب او أسماء بقات معاوناها حتى نزلو التحت
رنيم شافت فعقاب: فين غاديين
عقاب: كنت ناوي نوصي عليك شي واحد ، خرج ليا واحد السفر ابنتي
رنيم بحزن: غادي ينساوني هنا او بابا وصاك عليا
عقاب شاف فياسين لي باقي فبلاصتو: رد بالك عليها اياسين(رجع شاف فرنيم) حتى ياسين غادي يديرك فعينيه
رنيم قربات منو او مدات يديها: طريق السلامة
عقاب شاف فأسماء لقاها كتشوف بملامح هادئة( ولا كيضرب ليها الحساب) عاد مد يدو لرنيم مصافحها
رنيم طلقات من يدو او قربات من أسماء عنقاتها او هضرات فودنيها بهمس: عمي عقاب فمقام بابا (تبسمات) غير كنبغي نلعب ليك على أعصابك
طلقات منها او أسماء كانت كتشوف فيها بصدمة ، برهوشة طولانطية من الطراز الرفيع
عقاب او أسماء تمشاو خارجين او رنيم شدات فدراع ياسين لي كان غير كيضور فعينيه: او انت اعمي شحال فعمرك
ياسين نزل ليها عينو او هو هاز حاجب: 26
رنيم ابتاسمات: انت غادي نقوليك خويا
ياسن بدى كيتمشى او هي شادة فدراعو : انت بنت من فصحاب عقاب
رنيم بدات كتلعب بشعرها بتفاخر : آخر العنقود فعائلة العربي
ياسين ابتاسم : مشرفين امدموزيل (شاف فيها او رجع عينو قدامو) او انا آخر عنقود عائلة الشريف
دخلو الصالون او جلس او هي جلسات جنبو دايرة رجل على رجل كتبين الرقي ديالها من ابتسامتها او حديثها او حتى جلستها او تكلمات بهدوء
رنيم: كاين شي غولاسيو
ياسين شاف فيها كيضحك او فنفس الوقت مستغرب : كيفاش
رنيم بدلع: قصدت شي غيرلفراند
ياسين هز حاجبو: لا ، او انت
رنيم تكات على الوسادة باسترخاء: نو
ياسين سكت او جبد تليفون من جيبو او بدى كيبقش فيه حتى كيحس بيها خاشية راسها معاه
ياسين: اش كديري
رنيم بفضول: كنت كنتأكد بلي ماعندكش صاحبتك(بعدات وجهها عليه كتشوف فيه باستكشاف) دابا هاد الزين كامل او الطولة ، ماعندوش صاحبتو
ياسين شاف فيها: علاياش كدقي
رنيم دارت الحركة ديال شي قط حصل او بدات كتجبد فعويناتها ببراءة: والو
ياسين ضحك: شيطانة فسيفة ملاك ، جيتيني قاصر اما نزعم معاك
رنيم هزات حويجباتها: قاااصر ، عندي 18 السنة او شلل بيها فمك
ياسين: ايلا شافوك جنبي غادي يسحاب ليهم قاصر او يهزوني انا وياك ، زائد ابنتي حنا فالمغرب هاد القضية ديال بويفراند غير حيديها من بالك غادي تخرج ليك على حياتك او غادي تكملي ما بقى فعمرك فالعهر
رنيم جمعات شفايفها: حتى انا بغيت نجرب يكون عندي بويفراند
ياسين تنهد: كنهضر مع سطل مقرقب , نوضي بنتي ليا داخلا معاك المراهقة الهضرة مافايداش خاصك شي نموذج
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
