كتاب الأمل💜
الجزء :6
أسماء: ايوا ملين متأكدة مرحباا ، شنو البروغرام ديال اليوماا
فرح: حبيبة العطلة راه عندك غير انت انا لاا ولكن ماتخافيش غادي نخصص ليك وقت باش نمشيو لشي بلاصة
اسماء : واخا
فرح حنات راسها كتقرى فشي وراق بتركيز تام ، بينما أسماء جبدات كتاب من الصاك لي كان عندها ، او بدات كتقرى فيه ، فانتظار فرح تسالي شغلها باش يخرجو
قاطع شرودها فالكتاب صوت فرح
فرح(او هي كتشوف فالملف لي فيدها): هاد البنت مشكلها عويص ماعرفتش كيفاش نعاونها ، او كونما تعطلت كتر ، كونما زاد تعقدات عندها الأمور
اسماء (هزات راسها كتشوف فيها): غادي تلقاي ليها الحل ، غير فكري ،هادي ماشي أول قضية تخدمي عليها
فرح: القضية بصح معقدة أ اسماء
أسماء: شنو المشكل
فرح : هاد البنت كتقول بلي تزوجات براجلها عن حب ...
قاطعتها أسماء: ماتقوليش ليا ولا كيلومها على علاقتهم القديمة
فرح(ساطت بجهد): مالك كتنقزي تسناي غير حتى نسالي هدرتي
اسماء : واخا هدري
فرح: من بعد 4 سنين ديال الزواج كتاشفات بلي هي كتعاني من العقم او ماعندهاش حل ، راجلها كيبغيها او ماباغيش يطلقها ، او على حساب أقوالها كتقول بلي راجلها كيبغيها بصدق ، او هي ملاحظة الوفاء ديالو فحبو ليها ، هو ماعندوش مشكل أنها ماكتولدش ، مكتابش ليهم ماغاديش يبززو شي حاجة مابغاهاش الله
اسماء ضحكات :مزال مبانش ليا المشكل افرح
فرح: المشكل أن الأم ديالو قالت ليه تزوج عليها باش تجيب ولاد ، او هو رافض رفض قطعي أنه يتزوج على مراتو ، كتقول بلي ملين كيخرج هو الخدمة كطلع عندها الدار ، بحكم انهم كيعيشو فنفس الدار ، او كتحرت عليها او تغوت او مرات كتوصل حتى الضرب ، او هي مكتقدرش تقول هادشي ليه حينت مابغاتش تخصر علاقتهم
اسماء(بتحسر) : بنادم قاطع يدو من رحمة الله ، مكتابش ليهم وليدات اش غادي يديرو ، كون حاولات على الأقل عجوزتها دخل ليه موضوع الزواج بشكل سلمي ، مكاين لاش العنف ، شنو كتقول البنت بخصوص يتزوج عليها ؟
فرح: قالت بلي هي موافقة طلقو بما أن المشكل منها مكاين لاش تبقى مضيعة ليه حياتو ، هو لي ماموافقش يطلقها
اسماء: كنستغرب من هاد الحب لي فحال هاكدا زعما كاين شي شخص كيبغي بهاد الطريقة
فرح بابتسامة : كاينين ، هانتي خويا الصغير تزوج واخا ماكانوش موافقين ، حينت كان فعمرو غير 20 عام
اسماء: هاداك غير تمرد ، او خافو عليه يدير شي حاجة ماشي مسؤولة
فرح : عندك الحق ، دابا اش بان ليك فهاد البنت
اسماء : كون تقول لراجلها لي كيوقع او ماتسكتش على حقها اولا كانت مصرة على الطلاق ساعديها طلق ، او حينت هو كيبغيها كيف قلتي ضروري مغادي تكون ردة فعلو قوية ،(سكتات شوية كتفكر او فرح كتشوف فيها او عاودات هضرات من بعدما تنهدات) حاولي تحيدي ليها فكرة الطلاق ، او بما انه مجابش الله وليدات ، يربيو شي وليد ، كاينين وليدات خاصهم مأوى يديو الخير ، او يكملو الفراغ لي ناقصهم
فرحهزات حاجبها مأيدة كلامها: عندك الحق
❄
ВИ ЧИТАЄТЕ
كتاب الأمل 📖مكتملة📖
Романтика💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
