كتاب الأمل 💜
الجزء 120
مشى معاها حتى وصلها للاصال عند يوسف او رجع فحالو ، هي تقدمات التما او دقات من الزاج حتى ضار عندها يوسف ، غير شافها حط لي فيدو او تمشى عندها حل الباب او وقف بعيد عليها بشي متر او اكتر او تكلم
يوسف: محتاجة شي حاجة امدام
أسماء ضورات عينيها على جنابها كتشوف فالكارد لي بعاد عليها او رجعاتهم لعند يوسف لي كان منزل عينو كيتسناها تهضر
أسماء: محتاجاك ، ولكن بغيت كلشي يبقى بيناتنا
يوسف طلع فيها عينو : فاياش
أسماء حسات بالرجفة سرات مع جسمها مين تفكرات فدوى او تكلمات: بغيت نخرج فدوى من هنا
يويف خرج عينو بصدمة : علاش
أسماء ولات كترجف: عقاب ناوي يقتلها او بغيت نعاونها (بترجي) الله يرحم والديك ماتردهاش فوجهي انا محتاجاك، مانقدرش نخليها هنا
يوسف كيشوف فيها كيف كترجف خلعاتو ولا طالب غير سلاك : ولكن هي خاص اتعاقب على لي دارت
أسماء : عارفة غلطات ولكن مابغيتش عقاب يقتلها ، راه ذنب هاداك مكيتغفرش خصوصا و أنه متعمد ، انت عارف هادشي
يوسف هز براسو : غادي نعاونك ، عندك شي خطة
أسماء هزات براسها او مدات يديها : عطيني تليفونك
يوسف مد ليها التليفون او هي شداتو فيديها كتركب نمرة او تهضر : غادي نقول لفرح تلقى ليك فالطريق او تديوها لواحد الدار عندهم فالعروبية خليوها تما حتى تفيق او من بعد نسيفطوها لشي مدينة اخرى
دوزات الخط او حطاتو على ودنها كتشوف فيوسف او تحرك رجليها بتوتر حتى اتفتح من طرف فرح: ألو فرح......./ سمعيني هاد الرقم ديال يوسف ياك عرفتيه ....../ اه شوفي ملين يعاود يصوني عليك هزي طنوبيلتك او تلقاي ليه فطريق ****** باش توصليه لدار لي عندكم فالعروبية ، غادي يجيب معاه فدوى حضيها اختي الله يحفضك
فرح : علاش مالها
أسماء : عقاب لقاها مع شي كارد او ضربها (نزلو دموعها) او بقات فيا بغيت نعاونها ، ماتناقشيش معايا عافاك قلبي ماطاوعنيش نخليها فهاد الحالة
فرح : واخا ،كوني هانيا
اسماء قطعات الخط او مدات تليفون ليوسف : صوني عليها ملين تقاد أمورك ، شوف شي كارد كثيق فيه يعاونك باش تخرجها (بتساؤل) عندك طنوبيل
يوسف هز براسو : اه عندي
أسماء: صافي، شنو الوقت لي الكارد كيخليو الحراسة
يوسف: الأغلبية فيهم كيصليو، فوقت الصلى كينقصو
أسماء : شوف كيفاش الدير او خرجها ، ماعنديش شي خطة
يوسف هز براسو : كاين باب آخر كيخرج للباب اللوراني نيشان خاص غير نلقى كي ندير نفتحو
أسماء ابتاسمات: شكرا بزااف ، ماغاديش ننسى خيرك
يوسف هز براسو او هي ضارت راجعة لقصر
➡️➡️ عودة للحاضر ⬅️⬅️
عقاب واقف حدا راسها كيشوف فيها كيف ساهية ، هز يدو حطها على كتفها او حركها حتى شهقات مخلوعة
عقاب : بشوية عليك ، من قبيلة او انا نعيط مالك
أسماء مسحات على وجهها او جراتو من يدو عندها حتى جلس او ضارت جيهتو كتشوف فيديه لي بين يديها او كتحرك فصبيعاتها او هو كيشوف فيها باستغراب حتى تكلمات
أسماء: بغيت نقول ليك شي حاجة (شافت فيه عيونها مغشيين بالدموع) او بغيتك ماتعصبش عليا
عقاب مستغرب : واخا هضري
أسملء بخوف حابسة دموعها : حلف ليا بلي ماتغوتش او ماتغصبش عليا
عقاب تنهد : والله مانتعصب عليك ، ياله دوي
أسماء عضات شفتها او حنات عينيها كتشوف تاني فيديه او تكلمات بخفوت : انا لي هربت فدوى
أسماء كتقلب على العصى باختصاار 🙂
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
