كتاب الأمل 💜
الجزء 109
فدوى شدات نيفها لي بدى كينزل منو الدم واد او غوتات كاسرة الصالون بصوتها حينت الدقة جات قاسحة او عقاب قفز ما عرف الدقة ملين جات ، بينما الكل انتابهو ليها مفزوعين ، أسماء وقفات من بلاصتها كترجف او شافت فيهم بجوج بعصبية او خرجات من الصالون مخلية رنيم متبعة ليها العين ، عقاب شد الفدوى يديها او جر كلينيكس حطو على نيفها كيحاول يحبس الدم او شاف فالكاس لي فالأرض عرفو ديال أسماء حينت هي الوحيدة لي كان عندها العصير تنهد مامتيقش اش دارت ، هو عرفها غادي دير شي حركة ولكن باش ضربها ماتوقعهاش ، وقف فدوى بشوية او هي كتبكي او تخنن عليه ، جرها حتى خرجها من الصالون مطلعها الفوق او راضية شافت فيهم مافاهماش
راضية : شنو وقع
رنيم مطلعة عينيها فيها غير شوية فحال شي واحد خايف: أسماء شيرات عليها بالكاس
راضية ضحكات: حلفي بالله
رنيم باستغراب: والله
راضية شافت فمريم كانت حتى هي كضحك او رجعات شافت فيها بتساؤل: او علاش ضربتها
رنيم: حينت عنقها عمي عقاب
راضية مابقاتش قادرة تحبس ضحكتها ماتنكرش بلي عجباتها فيها او بغاتها ليها
بينما الفوق دخلها الدوش او بدى كيعاونها غسل ليها حتى حبس الدم او شاف فنيفها زراق او تنفخ من واحد الجيهة ، بقى شاد فيها حتى وصلات السرير او جلسات كتنخسس
فدوى: شفتي المجنونة دمراتك اش دارت
عقاب تنهد: صافي افدوى والله مامسالي لهاد الشكاوي ديالك ، التكاي هانا غادي نمشي نهضر معاها
فدوى تكات او هو خرج كيتنهد او ماعارفش ملين يدخل عندها واش يحاسبها اولا اش يدير خربقات ليه راسو ، فتح الباب او تقدم كيضور فعينيه بانت ليه مكمشة فالفراش قرب منها او حيد الفراش شوية او هي تشوف فيه مخنزرة
أسماء: شنو بغيتي
عقاب هز حاجبو: من نيتك ، اش داكشي درتي التحت
أسماء رجعات كتشوف قدامها او تكلمات بهدوء: المرة الجاية نلقاك حاط عليها صبعك غادي نشير بشي حاجة اكبر
عقاب ضحكاتو مي حابسها او تكلم بجدية: راها مراتي أ أسماء
أسماء دمعو عينيها او ناضت جالسة كتشوف فيه او هو متبع دموعها لي نازلين مع حنكها : طلقها اعقاب ، انا ماقادراش نبقى عايشة هاكدا ، قلبي كنحس بيه كيتقطع ملين كنشوفها جنبك ، عارفة دابا غادي تقول ليا هي مراتي او مكاينش سبب علاش نطلقها ، ديرني انا السبب مراتك كتغير عليك منها او ماقادراش التحمل هادشي (عضات شفتها او دموعها مسرسبين) طلقها او لا مابغيتيش طلقني انا بغيت انتهنى من هادشي
عقاب حس بقلبو بدى كيضرب بسرعة مبالغ فيها ملين سمعها قالت طلقني او عينيه تلونو بلون الدم : اش هاد الهضرة كتگولي كيفاش نطلقك
أسماء كتشهق : اه يا طلقني يا طلقها ، مانقدرش نعيش هاكدا ، يا هنيني يا ريحني
عقاب وقف من بلاصتو او عينيه فعينيها لي مدمعين دوخاتو بهضرتها ماعرف شنو يدير ، اولا فدوى مراتو ماباغيش يفرط فيها او مابغيش يدمرها حينت مكاينش سبب منطقي لي يطلقها على ودو ، او أسماء مراتو لي كيعشقها او ماناكرش هادشي فالداخل ديالو فقط مازال ماخرجش هاد الإحساس للواقع ولكن مبينو بتعاملو ، بدى كيمشي او يجي قدامها كيفكر او هي رجعات تكات فبلاصتها او عينيها متبعاه كيف كيمشي او يجي بتوتر حتى غفات
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
