كتاب الأمل 💜
الجزء 36
عقاب مجاوبهاش ماعندو گانة لشي نقاش معاها زائدة كيبان ليه ماعندو باش يجاوب حداتهم ليه سيرتو دخلات الدين فالموضوع او هو بينو او بين الدين غير الخير و الإحسان
قرب عندها او هز فدوى من الأرض حطها على السرير او هضر : لا بغيتي علبة الإسعافات راها فالحمام
أسماء مارداتش على هضرتو مشات جيهة الحمام لي كان الباب ديالو واضح حينت فيه الألومينيوم او الزاج ، دخلات بقشات على علبة الإسعافات حتى لقاتها او خرجات جلسات فطرف النموسية او بدات كتحاول تقلب ليها راسها تشوف فين كاينة الجرحة حينت ملين هزها عقاب بقات طبعة ديال الدم فالأرض ، بينما عقاب كان حاضيها بعينيه كيف مركزة فشغلها ، تنهد او مشا الكوافوز جبد منو باكية ديال الكارو او خرج لبالكو شعلو او بدى كيكمي
أسماء لقات البلاصة ملين مجروحة بدات كتبعد فالشعر او هي مخسرة سيفتها خدات الدوا دارتو ليها او ضورات فاصمة على راسها حينت متأكدة ملين غادي تفيق غادي تحس بالشقيقة ، عاد ناضت من حداها ردات ديك العلبة البلاصتها او رجعات لجنبها كتقلب بعينيها على شي ريحة الساعة مابان ليها والو ، مابغاتش الطفل او تبدى تقلب فحوايجهم ، هزات عينيها جيهة البالكو بان ليها واقف عاطي بظهرو او الدخان مالء الدنيا تنهدات او دوات بصوت مرتافع باش يسمعها
أسماء : سي عقااب
عقاب ضور غير راسو شاف فيها او هز حاحبو بمعنى اش بغيتي
أسماء: بغيت شي ريحة
عقاب لاح الكارو من يدو او دخل البيت كيتمشى وسطو ، تخطاها دخل الدرسينغ هز ريحة مدها ليها او هي شدتها او رجعات جلسات جنبها او هو واقف عند راسها ، رشات شوية فيديها او قرباتها من أنف فدوى او اليد الثانية كدوز بيها على شعرها بحنية او ملامحها كتحسر بيهم عليها ، واخا مكتعرفهاش مزيان مي بقات فيها او كتشوف على أنو واخا ماعرف أش وقع مكانش خاصو يضربها ، بدات فدوى كتفتح عينيها بشوية او تعاود تسدهم ، حتى قدرات تفتحهم مزيان او توضحات ليها صورة أسماء لي كانت كتقرى القرءان عليها بهمس ، طلعات عينيها شافت فعقاب لي نظراتو باردة او بداو دموعها كينزلو ، واخا غلطات حسات بيه حگرها زيد عليها اول مرة يضربها ، الأمر صعيب عليها
أسماء غير شافتها فاقت او هي تنوض كتشوف فيها : الله يجيب الشفاء
شافت فعقاب لي بدورو كان كيشوف فيها او خرجات من الجناح مشات الجناحها ، حتى كتسمع تليفونها كاسر الدنيا بالسونيط زربات او هزاتو فيديها لقات رقم فرح او هي دوز الخط او جلسات على السرير
فرح ماعندهاش لا سلام لا كلام نيشان كتبدى فهضرتها : كي داز نهارك
أسماء تنهدات : كي الزفت اختي فرح ، مافيه مايتشاف او ماتبغيهش العدوك
فرح شهقات : اويلي
أسماء غمضات عينيها او فتحاتهم: أولا العمارة لي ساكنة فيها راه تحرقات او حاليا راني بايتة فالقصر ، او عاد دابا جيت من بيت ديال مرات حفيد لالة راضية ، ضربها راجلها حينت وقع بيناتهم شي مشكل ، قطعات ليا قلبي اختي فرح
فرح بتحسر: كي بقات دابا
أسماء : ماشي شي حاجة گغاف غير غيبات مي دابا مزيان فاقت هادا هو الأهم
فرح بعصبية : الله يعطيه الكرد فيديه كيضرب فالسيدة ، حگار لاخر
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
