كتاب الأمل 💜
الجزء 112
من بعد مدة طويلة او هو جالس جنبها بدون ملل حتى بدات كتبان ليه فتحات عينيها لمجبدين او كترمش منزاعجة بالضوء لي منباعث من سرجم
عقاب كيشوف فيها بهدوء : أسمااء
أسماء ضورات راسها ليه بشوية او تكلمات بصوت هامس: نعام
عقاب كيدوز يديه على وجهها او هو كيحقق فملامحها : كتحسي براسك مزيان
أسماء شدات يدو لي على وجهها او عاود تكلمات بخفوت: قلبي كيضرب فحال ايلا كنت كنجري (جرات يديها فاشلة عليها طلقاتها جنبها)
عقاب حرك يدو جيهة الجانب الأيسر من صدرها او حطها تما كيحس بقلبها كيضرب بسرعة او بطريقة غير عادية مي عارف غير بسبب الخوف طلع ليها عينو او تكلم : اش بان ليك نغيرو الجو نمشيو لشي بلاصة ترتاحي فيها
أسماء عضات شفتها او حسات بعينيها عمرو بالدموع : توحشت ماما
عقاب ابتاسم كيحاول يطمنها: تولي مزيان او نديك تشوفيها ، اولا نجيبها عندك لي بغيتي
أسماء هزات براسها : واخا
دخلات الخدامة دافعة طبلة عليها الماكلة حطاتها جنب عقاب او هو شكرها عاد خرجات من تما ، قاد اسماء فالجلسة او بدى كيعاونها تاكل واخا قالت ليه قادرة تاكل راسها مي حكر عليها
________فجيهة آخرى ________
فبيت رنيم كانت جالسة هاد البنوتة لابسة كاپيتشو فالغوز فايت الفخاض شوية غير بسليب بلا سروال او القب ديالو دايراه على راسها ، حاطة قدامها بيسي كتفرج او كضحك حتى تفتح عليها الباب او دخل بجسمو الرجولي لابس بودي فالبلومارين مع سروال توب كري او كلاكيطة فرجليه ، سد الباب بشوية او هي طلعات فيه عينيها ملين شمات ريحتو لي ولات حافظاها بقوة مكانت كدخل لبيتو او تستنشقها غير بان ليها او هي تشهق بفزع او تكلمات بتوتر
رنيم : بغيتي شي حاجة
ياسين طلع او نزل فلبستها المبرهشة او ديك الجلسة لي دايرا او تقدم جيهتها بصمت حتى جلس على طرف السرير كيشوف فيها كيف كتشوف فيه مطلعة عويناتها غير شوية فحال القطيطة ، كتخليه يقول فنفسو هاد ختنا جمعات الكياتة ديال العالم كامل
ياسين بهدوء: جيت نهضر معاك
رنيم هزات براسها بحركة سريعة : فاياش
ياسين عض شفتو من جنب مزير عليها تكلم فحال ايلا واحلا ليه شي غصة فحلقو: علاش ماوافقتيش تزوجي بيا
رنيم عضات شفتها كتحول فعينيها بتوتر او هو متبع هاد الحركات حتى سمع كلامها: بغيت
ياسين باستهزاء او مطلع حجبانو بزوج : غير بغيتي ، هادشي فيه بغيت او ما بغيت
رنيم كتشوف فيه بطرف عينيها او كتحاول الطرد الخوف لي ركبها فحضرتو: امم
ياسين جابتلو الضحكة بهاد الحركات مي حافظ على هدوءو التام او هو كيهضر او يهز براسو: لي بغيتي ، غير هواا (طولها) لا مشيت حتى لقيتك مع شي حد نقرطك
رنيم بخوف: علاش
ياسين ابتاسم ليها خلاها تزيد تتوتر: من نهار حطيتي يدي عليك وليتي كتخصيني (خنزر) نلقى ديلمك مع شي حد غندبحك من الوريد
وقف غادي يخرج او هو يسمع كلامها لي خلى يدو تقال عليه بالأعصاب
رنيم: ايلا لقيت لي يبغيني بصح او يوقف على ودي ضد عائلتو ماغاديش انتلفت مورايا
ياسين ضار عندها كيشوف فيها بحدة خلى لحمها يشوك او هي عاود تكلمات بضعف خايفة : ملين احتاجيتك ماوقفتيش معايا
ياسين : بغيت نبين ليك غلطك
رنيم دمعو عينيها : حسيت براسي تحگرت او هوما كيشوفو بلي انا لي درت كلشي
ياسين: راك انت لي درتي كلشي او هادي مايحيدهاش ليك الطبيب ، خاصك تعرفي غلاطك او تقتانعي بلي كاع هادشي لي طرى بسباب تبرهيشك او عقلك الصغير.......
ŞİMDİ OKUDUĞUN
كتاب الأمل 📖مكتملة📖
Romantizm💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
